Números 13:33 - Bible in Tzeltal Bachajón

³³ Soc la jquilcotic tey a c'ax nahtil muc'ul winiquetic, ha te snich'nab Anac. Hich la jca'iy jbahcotic bin ut'il c'ulub, soc ha nix hich la yilotcotic, xchihic.

Bible in Tzeltal de Oxchuc y Tenejapa

³³ Soc la quiltic tey a te muc'ul najt'il winiquetic te mach'atic sts'umbal Anac. Jich quileltic ta stojolic la caiytic te bit'il c'ulubetic, soc jich wan la yilotic te jo'otique —xiic ta yalel.

Números 13:33 Referans Kwoze

Deuteronomio 1:28

¿Banti ya xbohotic? Te quermanotactic la spehc'ambotic co'tantic c'alal la yalic: Te ants-winiquetic ini ha muc' xan soc naht xan a te bin ut'il te ho'otique; ha muq'uic te pueblohetic yu'unic soc ay sts'ahculetic c'alal ta ch'ulchan; soc la jquilcotic te sts'umbal Anac, xchihex.

Isaías 40:22

Te Dios hucul ta smuc'ul huctajib ta stoyolil te bahlumilal, te mach'atic nahinemic tey a hich ayic te bin ut'il c'ulubetic. Ha ya slim bahel te ch'ulchan hich te bin ut'il pac', ha ya sjam bahel hich te bin ut'il nahilpac'.

Génesis 6:4

Ha yorahil a te ay muc'ul nahtil ants-winiquetic ta bahlumilal, soc nix ta patil te c'alal la sta sbahic te snich'nab Dios soc te yantsil-nich'nab ants-winiquetic, te ayin yal-snich'nabic. Ha'ic te mach'atic ich'bilic ta muc' te puhquem sc'oblalic ta namey.

1 Samuel 17:42

Te filisteo c'alal la yil te David, mayuc sc'oblal la yil, como querem to, ha tsajal querem soc t'ujbil ta ilel.

Deuteronomio 9:2

muc'ul nahtil ants-winiquetic, ha sts'umbal te snich'nab Anac, te awa'iybeyej sc'oblal soc awa'iyejix te hich ay ta halel: ¿Mach'a ya xhu' yu'un te ya stsal sba soc te sts'umbal Anac? te xchihe.

Deuteronomio 3:11

(Te Og ajwalil yu'un Basán ha slajibal te nahtil winiquetic. Te swayib pasbil ta taq'uin, ha baluneb xuhc'ubil snahtil soc chaneb xuhc'ubil sjamalil; ay ta Rabá te ay ta sq'uinal te snich'nab Amón.)

1 Crónicas 11:23

Soc ta yan buelta la smil jtuhl egipcio-winic te ho'eb xuhc'ubil snahtil, te yich'oj slanza te hich smuc'ul te bin ut'il ste'el jalabil; pero te Benaía baht ya'be te'. Ha la sloq'uesbe te slanza ta sc'ab, ha nix la smil a.

Deuteronomio 2:10

(Ha nahil nahinic tey a te emetic, ay yip te pueblo soc bayelic, hich snahtilic te bin ut'il sts'umbal Anac.

Números 13:22

Hich mohic bahel ta Neguev, c'ohtic ta Hebrón te banti ay Ahimán, Sesai soc Talmai, te sts'umbalic Anac. Te Hebrón shuquebal ha'bil shu'el a te chicnaj Zoán ta Egipto.

Números 13:28

Pero te mach'atic nahinemic tey a ay yipic, soc te pueblohetic mero muq'uic soc joytaybilic ta ts'ahc; soc la jquilcotic tey a te sts'umbal Anac.

Números 14:1

Ha yu'un spisil te pueblo hahchic ta tulan aw; sjunal ahc'abal oq'uic.

Josué 11:21

Soc ha nix ta yorahil a te Josué baht slajin te sts'umbal Anac te ayic ta wits Hebrón, ta Debir, ta Anab, ta spisil te witsiltic yu'un Judá soc spisil te witsiltic yu'un Israel; te Josué la slajinlan soc te pueblohetic yu'unique.

Josué 14:12

A'bon hiche te wits ini te halbot sc'oblal yu'un Jehová ta hich ora; como ta hich ora ha'at la awa'iy te tey ayic a te sts'umbal Anac soc te ay muc'ul pueblohetic te ay sts'aculique. Teme sjoquinejon te Jehová, ya jtenticlan loq'uel hich te bin ut'il yaloj te Jehová, xchi te Caleb.

Josué 15:14

Te Caleb la sten loq'uel tey a te oxtuhl sts'umbal Anac, ha te Sesai, Ahimán soc Talmai.

1 Samuel 17:24

Spisil te winiquetic yu'un Israel te ya yilic te winique, ya x'ahnic loq'uel ta stojol soc ya xiwic yu'un.