Números 13:29 - Bible in Tzeltal Bachajón

²⁹ Te amalequetic nahinemic ta sq'uinal Neguev; te heteo, jebuseo soc amorreo nahinemic ta witsiltic; te cananeo nahinemic ta ti'mar soc ta ti'ti' muc'ul-ha' Jordán, xchihic hulel.

Bible in Tzeltal de Oxchuc y Tenejapa

²⁹ Ta sq'uinal Néguev nainemic te amalequetic, soc ta witstiquil nainemic te hititaetic, te jebuseoetic soc te amorreoetique. Ta nopol mar soc ta ti'ti'muc'ja' Jordán, nainemic te cananeoetique —xiic.

Números 13:29 Referans Kwoze

Números 14:43

Como te amalequetic soc te cananeohetic tey ya xc'oht atahic a, ya me xlajex ta espada yu'unic. Ta scaj te la awihquitayic st'unel te Jehová, hich ma ba ya sjoquinex, xchi.

Jueces 6:3

Teme ay bin ts'umbil yu'un Israel, mohic tal ta contrahinel yu'un te madianetic, amalequetic soc te mach'atic talemic ta stojol banti ya xloc' tal c'ahc'al.

Salmos 83:7

Gebal, Amón soc Amalec, Filistea, soc te swinquilel Tiro.

1 Samuel 30:1

C'alal c'ohtic ta Siclag ta yoxebal c'ahc'al te David soc te swinictac, te mach'atic ayic ta Amalec yochintayejiquix a te Neguev soc te Siclag, la sjiniquix te Siclag soc la ya'beyiquix sc'ahc'al.

1 Samuel 14:48

La stsob soldadohetic, la stsal Amalec, hich la scoltay Israel ta sc'ab te mach'atic yac spojbelic sbiluquic.

Números 24:20

Te Balaam la yil te Amalec, hich la yal ta sc'op-jalwanej: Te Amalec ha jolal yu'un te nacionetic, pero ta patil jc'axel jimbil ya xc'oht, xchi.

Números 14:45

Hich cohic tal te amalec soc te cananeo te nahinemic tey ta wits, la yehchentesic te israeletic soc la slajinic, la snutsic bahel c'alal ta Horma.

Números 14:25

Lec ay, te bin ut'il te amalequetic soc te cananeohetic nahinemic ta spamlej, pajel ya me suhtex bahel, ya xbahex ta jochol taquin q'uinal ta sbehlal Mar Rojo, xchi.

Éxodo 3:17

Soc la jcalix te ho'on ya jcoltayex ta libre yu'un te wocol ta Egipto, ya quiq'uex bahel ta sq'uinal te cananeo, heteo, amorreo, ferezeo, heveo, soc te jebuseo, ta q'uinal te banti ya x'oquin leche soc chab, xchihat.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Génesis 14:7

Tey suhtic a, c'ohtic ta En-mispat, ha te Cades, la sjimbeyic spisil te sq'uinal te amalequetic soc te amorreohetic te nahinemic ta Hazezon-tamar.

Números 13:17

Te Moisés la sticonlan bahel ta stsahtayel te sq'uinal Canaán, hich la yalbe: C'axanic bahel ta Neguev, mohanic xan bahel ta witsiltic.

Números 13:30

Ha yu'un te Caleb la scom ta c'op te pueblo ayic ta stojol Moisés, hich la yal: Mohucotic bahel ta ora, ya me quich'tic te q'uinal, yu'un ya xhu' cu'untic, xchi.

Josué 5:1

Spisil te ajwaliletic yu'un te amorreohetic te ayic ta stojol smahlib c'ahc'al yu'un te muc'ul-ha' Jordán, soc te ajwaliletic yu'un te cananeohetic ta nopol mar, c'alal la ya'iyic bin ut'il Jehová la staquijtes te ya'lel Jordán ta stojol te snich'nab Israel ha to c'alal sohlic bahel, laj yip yo'tanic soc och bayel xiwel ta yo'tanic ta stojol te snich'nab Israel.

Josué 9:1

Te c'alal la ya'iyic te bintic c'ohtix ta pasel spisil te ajwaliletic te ayic ta stojol smahlib c'ahc'al yu'un te muc'ul-ha' Jordán, ha te ayic ta witsiltic soc ta spamlejtic soc ta spisil sti'il te Muc'ul Mar c'alal ta Líbano, ha te heteo, amorreo, cananeo, ferezeo, heveo soc te jebuseohetic,

Josué 10:5

Ha yu'un te ho'eb ajwaliletic yu'un te amorreohetic, ha te ajwaliletic yu'un Jerusalén, Hebrón, Jarmut, Laquis soc Eglón la stsob sbahic, mohic bahel soc spisil te soldadohetic yu'unic, c'oht spas scampamentohic ta nopol Gabaón, hahch ya'beyic guerra.

Josué 10:6

Ha yu'un te mach'atic nahinemic ta Gabaón la sticombeyic bahel c'op te Josué ta campamento ta Gilgal, hich la yalbeyic: Ma me wocoluc xawa'iyic te yac acoltay te a'batetic awu'un; mohan tal ta ora, coltayawotcotic, yu'un spisil te ajwaliletic yu'un te amorreohetic te nahinemic ta witsiltic jun yac'oj sbahic scontrahimbelotcotic, xchihic.

1 Samuel 7:14

Cha'suhtic xan ta stojol Israel te pueblohetic pojbotic yu'un te filisteohetic, c'alal Ecrón ha to ta Gat. Hich te Israel la scoltay loq'uel ta sc'ab filisteohetic te sq'uinale. Soc lamal q'uinal ta stojol Israel soc te amorreohetique.

Deuteronomio 7:1

Te c'alal la yic'atix ochel a te Jehová te Dios awu'un ta q'uinal te yac awu'untay, soc te c'alal la stenticlan loq'uel ta atojol tsobol nacionetic, ha te heteo, gergeseo, amorreo, cananeo, ferezeo, heveo soc te jebuseo, huqueb nacionetic te c'ax bayelic soc c'ax hich yipic a te bin ut'il ha'ate,

Deuteronomio 20:17

jc'axel me xalajinlan, ha te heteo, amorreo, cananeo, ferezeo, heveo, jebuseo, hich te bin ut'il la spasat ta mandar te Jehová te Dios awu'un,

Josué 3:10

Soc hich la yal xan te Josué: Hich me yac ana'ic a te ay ta awohlilic te cuxul Dios soc te ya stenticlan loq'uel ta atojolic te cananeo, heteo, heveo, ferezeo, gergeseo, amorreo soc te jebuseohetic.

Jueces 3:5

Hich te snich'nab Israel hahch sjoquin sbahic ta nahinel soc te cananeo, heteo, amorreo, ferezeo, heveo soc te jebuseo.

1 Samuel 27:8

Te David ya xmo bahel soc te winiquetic yu'un ta spojbeyel sbiluquic te gesuretic, gezrahetic soc te amalequetic; como nameyix te nahinemic tey ta q'uinal c'alal Shur ha to ta sq'uinal Egipto.

Nehemías 9:8

La awil te jun yo'tan ta atojol, la achap ac'op soc yu'un yac awa'be te sts'umbal te q'uinal yu'un te cananeo, heteo, amorreo, ferezeo, jebuseo soc te gergeseohetic. La awac' c'ohtuc ta pasel te bin la awal, como toj awo'tan.