Números 13:28 - Bible in Tzeltal Bachajón

²⁸ Pero te mach'atic nahinemic tey a ay yipic, soc te pueblohetic mero muq'uic soc joytaybilic ta ts'ahc; soc la jquilcotic tey a te sts'umbal Anac.

Bible in Tzeltal de Oxchuc y Tenejapa

²⁸ Ja'uc me to, te mach'atic nainemic tey a, tulanic ta lec. Te lumetic mero muq'uic ta jyalel, soc ay ts'ajc' joytaybilic a chajbalchajp. Soc la quiltic te sts'umbal Anac te muc'ul najt'il winiquetique.

Números 13:28 Referans Kwoze

Deuteronomio 1:28

¿Banti ya xbohotic? Te quermanotactic la spehc'ambotic co'tantic c'alal la yalic: Te ants-winiquetic ini ha muc' xan soc naht xan a te bin ut'il te ho'otique; ha muq'uic te pueblohetic yu'unic soc ay sts'ahculetic c'alal ta ch'ulchan; soc la jquilcotic te sts'umbal Anac, xchihex.

Josué 11:22

Mayuc hil ni jtuhluc sts'umbal Anac ta sq'uinal te snich'nab Israel; ha nax hilic stuquel ta Gaza, ta Gat soc ta Asdod.

Números 13:33

Soc la jquilcotic tey a c'ax nahtil muc'ul winiquetic, ha te snich'nab Anac. Hich la jca'iy jbahcotic bin ut'il c'ulub, soc ha nix hich la yilotcotic, xchihic.

Josué 15:14

Te Caleb la sten loq'uel tey a te oxtuhl sts'umbal Anac, ha te Sesai, Ahimán soc Talmai.

Deuteronomio 3:5

Spisil te pueblohetic ay toyol ts'ahquetic, soc puertahetic soc sc'atal-te'eletic, soc ay bayel yantic pueblohetic te mayuc sts'ahcule.

Deuteronomio 2:21

Ay yip te pueblo soc bayelic, hich snahtilic te bin ut'il te sts'umbal Anac te lajinotic yu'un Jehová ta stojol te amonetique. La stenic loq'uel, ha hilic ta nahinel tey a,

Jueces 1:20

Hich te bin ut'il yaloj te Moisés, la ya'beyic Hebrón te Caleb. Te Caleb la sten loq'uel tey a te oxtuhl snich'nab Anac.

2 Samuel 21:16

ya c'an milec yu'un te Isbi-benob, jtuhl sts'umbal nahtil winic, te ho'lajunwinic (300) siclo yu'un bronce te yalal te slanza soc te chucul ta sch'uht yach'il espada.

Josué 14:12

A'bon hiche te wits ini te halbot sc'oblal yu'un Jehová ta hich ora; como ta hich ora ha'at la awa'iy te tey ayic a te sts'umbal Anac soc te ay muc'ul pueblohetic te ay sts'aculique. Teme sjoquinejon te Jehová, ya jtenticlan loq'uel hich te bin ut'il yaloj te Jehová, xchi te Caleb.