Números 13:27 - Bible in Tzeltal Bachajón

²⁷ Soc hich la yalbeyic: C'ohotcotic ta q'uinal te la aticonotcotic bahel ta yilel, te mero melel ya x'oquin leche soc chab; ha me ini te sit ts'unub-awalil yu'une.

Bible in Tzeltal de Oxchuc y Tenejapa

²⁷ La yalbeyic te Moisés: —Xc'otucotic ta yilel te q'uinal te la aticunotic bael yu'une. Melel nix a, ja' te lumq'uinal ta bay ya x'oquin leche soc chab c'oem, soc ja' me sit awalts'unubil in to te ya yac' tey ae.

Números 13:27 Referans Kwoze

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Éxodo 3:17

Soc la jcalix te ho'on ya jcoltayex ta libre yu'un te wocol ta Egipto, ya quiq'uex bahel ta sq'uinal te cananeo, heteo, amorreo, ferezeo, heveo, soc te jebuseo, ta q'uinal te banti ya x'oquin leche soc chab, xchihat.

Éxodo 13:5

Te c'alal Jehová ya yiq'uex ochel ta sq'uinal te cananeo, heteo, amorreo, heveo soc te jebuseohetic, ha te q'uinal te jc'axel yalbeyej ta jamal te antiguo ame'atatic te ya ya'beyex, ha te q'uinal te banti ya x'oquin leche soc chab, ya me apasic te q'uin ta u ini.

Deuteronomio 31:20

Como te c'alal ya cac' ochel tey ta q'uinal te jc'axel la jcalbe ta jamal te sme'static, ha te q'uinal te banti ya x'oquin leche soc chab, ya me xwe'ic, ya xnoj sch'uhtic yu'un soc ya xjuhp'ic, ya suhtic xan ta stojol yantic diosetic soc ya me yac' sbahic ta a'batinel ta stojolic, ya me yilintayonic soc ya me sjinic te chapbil-c'op cu'une.

Éxodo 33:3

Bahanic tey ta q'uinal te banti ya x'oquin leche soc chab. Yan te ho'one ma ba ya joquinex bahel, teme repente ya jlajinex hilel ta be, como ha'ex pueblohex te tulan awo'tanic, xchi.

Deuteronomio 27:3

ya me ats'ihbay tey a spisil te c'opetic yu'un te Ley ini, te c'alal sohlematix ochel tey ta q'uinal ya ya'bat te Jehová te Dios awu'un, ha te q'uinal banti ya x'oquin leche soc chab, hich te bin ut'il yalbeyejat te Jehová te Dios yu'un te ame'atatique.

Deuteronomio 26:9

la yic'otcotic tal li' ta lugar ini soc la ya'botcotic te q'uinal ini te banti ya x'oquin leche soc chab.

Deuteronomio 11:9

soc scuenta yu'un bayel c'ahc'al ya xcuxajex tey ta q'uinal te jc'axel yaloj ta jamal te Jehová ta stojol te ame'atatic te ya ya'be soc te sts'umbal, ha te q'uinal banti ya x'oquin leche soc chab.

Deuteronomio 6:3

A'iya me awa'iy hiche, Israel, soc tsahtayahic me ta pasel, scuenta yu'un lec ya xc'ohex tey ta q'uinal te banti ya x'oquin leche soc chab soc hich ya xp'ohlex a, hich te bin ut'il la yalbat te Jehová te Dios yu'un te ame'atatique.

Números 14:8

Teme lec yo'tan cu'untic te Jehová, ya me yic'otic ochel soc ya ya'botic jq'uinalintic te q'uinale; ha q'uinal banti ya x'oquin leche soc chab.

Ezequiel 20:15

Ha nix hich la jach jc'ab ta jochol taquin q'uinal, la jcalbe ta jamal te ma ba ya cac'ticlan ochel ta q'uinal te ca'beyejic, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Ezequiel 20:6

Te bin ora la jach jc'ab, te la jcal jba ta jamal te ya quic'ticlan loq'uel tal ta sq'uinal Egipto yu'un ya xbahtic ta q'uinal te tsahbil cu'un, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Jeremías 32:22

La awa'be yich'ic te q'uinal ini te la awal ta jamal te sme'static te yac awa'be, ha te q'uinal te banti ya x'oquin leche soc chab.

Jeremías 11:5

Hich ya jc'ohtes ta pasel te bin la jcalbe ta jamal te ame'atatic te ya ca'be te q'uinal te banti ya x'oquin leche soc chab, hich te bin ut'il ta ora ini, xchihon. La jac': Hichuc, Jehová, xchihon.

Josué 5:6

Como te snich'nab Israel behenic cha'winic (40) ha'bil ta jochol taq'uin q'uinal ha to c'alal cham spisil te winiquetic te ya xhu' ya yaq'uic guerra te loq'uic tal ta Egipto. Chamic ta scaj te ma ba la sch'uhumbeyic sc'op te Jehová. Ha yu'un la yal ta jamal te Jehová te ma ba ya ya'be yilic te q'uinal te la yalbe ta jamal te sme'static te ya ya'be, ha te q'uinal ta banti ya x'oquin leche soc chab.

Levítico 20:24

Pero hich la jcalbeyex te ha'exe: Ya me awu'untayic te slum sq'uinalic, ho'on ya ca'beyex yu'un yac awu'untayic, ha te q'uinal te banti ya x'oquin leche soc chab. Ho'on, Jehovahon, te Dioson awu'unic te parte la jcaq'uex yu'un te yantic nacionetique.

Números 14:7

soc hich la yalbeyic spisil te pueblo yu'un te snich'nab Israel: Te q'uinal te c'oht jtsahtaycotic, mero lequil q'uinal.

Números 16:14

Soc ma ba ochemotiquix bahel awu'un ta q'uinal ta banti ya x'oquin leche soc chab, soc ma ba awa'beyejotiquix slumil awal-ts'unubiletic soc ts'usubiletic. ¿Ya bal aloq'uesbe sitic te winiquetic ini? ¡Ma ba ya xmohotcotic bahel! xchihic.

Nehemías 9:25

Soc la yu'untayic pueblohetic te ay toyol ts'ahc yu'unic soc lequil q'uinal, soc la yich'ic nahetic nojelic ta lequil biluquetic, pozohetic, ts'usubiletic, ts'umbil olivohetic, soc yantic te'etic te ya yac'ticlan sit. We'ic, noj sch'uhtic soc juhp'ic, bayel la smulanic te yutsil awo'tan te c'ax muc'.

Números 16:13

¿Ma bal tic'uc yac awa'iy a te la awic'otcotic loq'uel ta q'uinal ta banti ya x'oquin leche soc chab scuenta yu'un yac awac'otcotic ta lajel ta jochol taquin q'uinal, yu'un bal yo'tic yac ac'an yac acuyix aba ta ajwalil cu'uncotic?