Números 12:13 - Bible in Tzeltal Bachajón

¹³ Ha yu'un te Moisés awon ta stojol Dios: Awocoluc, Dios, lecubtesa ta chamel, xchi.

Bible in Tzeltal de Oxchuc y Tenejapa

¹³ Jich yu'un te Moisés la yalbey wocol te Cajwaltic: —Wocoluc, Dios cu'un, ya calbat wocol, ya me alamantesbey te xchamele —xi' te Moisese.

Números 12:13 Referans Kwoze

Santiago 5:15

Teme ay sch'uhunel yo'tanic te ya sc'oponic Dios, ya xlecub te jchamel yu'un; ya xhahchot yu'un te Cajwaltique. Soc teme ay stahoj smul, ya xpasbot perdón yu'un.

Romanos 12:21

Ma me xawac' stsalat te bin chopol, ha'at me xatsal ta bin lec te bin ma lecuque.

San Lucas 6:28

lec me sc'oblal awu'unic te mach'atic chopol ac'oblalic yu'un, soc c'opombeyahic Dios te mach'atic ya yixta'c'optayex.

San Lucas 23:34

Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

Jeremías 17:14

Lecubtesawon, Jehová, hich ya xlecubon; coltayawon, hich ya xcolon, como ha'at te ya calbat yutsil ac'oblal.

Isaías 30:26

Te sc'ahc'al te u hich ya xc'oht te bin ut'il sc'ahc'al te c'ahc'ale, soc te sc'ahc'al te c'ahc'al huqueb buelta ya xtohy xan yip, hich te bin ut'il sc'ahc'al huqueb c'ahc'al, te bin ora te Jehová ya spoxtaybe yehchen te pueblo yu'un soc te ya spoxtaybe te sc'a'el te a'botic yu'une.

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.

1 Samuel 12:23

Hich te ho'one, ma me jta jmul ta stojol Jehová yu'un te ya jquehchan yalel wocol ta stojol ta acuentahique; ya ca'beyex anopic bin ut'il ay te lequil be soc te toj behe.

Números 16:41

Ta schebal c'ahc'al spisil te pueblo Israel hahchic ta scontrac'optayel te Moisés soc Aarón, hich la yalbeyic: Te ha'exe la amilic te pueblo yu'un Jehová, xchihic.

Números 14:2

Spisil te snich'nab Israel la scontrac'optayic te Moisés soc Aarón, hich la yalic: ¡Lec te chamucotic ta Egipto! ¡O lec te ya xchamotcotic li' ta jochol taquin q'uinal ini!

Hechos 7:60

Hich la squejan sba, tulan c'opoj: Cajwal, ma me xawa'be smulinic, xchi. Laj yalbel a, way sbaq'uetal.

Génesis 20:17

Ha yu'un te Abraham la sc'opombe Dios, hich lecubtesot yu'un Dios te Abimelec, te yihnam soc te scriadahetique; hich alajic,

Éxodo 4:7

La yal te Jehová: Cha'otsesa xan ac'ab ta yutil ac'u', xchi. Hich la scha'otses xan sc'ab ta yutil sc'u'; c'alal la sloq'ues, lequix ay a, hich te bin ut'il spisil te sbaq'uetale.

Números 11:2

Te pueblo awonic ta stojol Moisés, te Moisés la sc'opon te Jehová, hich tup' te c'ahq'ue.

Números 12:12

Ma xawac' te hich ya xc'oht te María te bin ut'il chamen-alal te ayine, te j'ohlil lajemix sbaq'uetal a te c'alal ya x'ayin, xchi.

Salmos 30:2

Jehová, Dios cu'un, la jcawtayat, hich la alecubteson ta chamel.

Salmos 41:4

Hich caloj: Jehová, c'uxultayawon, lecubtesawon, como jtahoj jmul ta atojol, xchihon.

Éxodo 15:26

hich la yal: Teme yac awa'iybe ta lec te sc'op Jehová te Dios awu'unic, teme yac apas te bin toj ta pasel ta stojol, teme yac awich' ta cuenta te mandariletic yu'un soc teme yac ach'uhun spasel spisil te chahpambil mandariletic yu'une, ma ba ya ca'bat junuc te chamel te la jca'be te egipciohetic, como ho'on Jehovahon te jpoxtaywanejon awu'unic, xchi.

1 Reyes 13:6

Ha yu'un te ajwalil la yalbe te winic yu'un Dios: Awocoluc, c'opombon te Jehová te Dios awu'un, scuenta yu'un ya xlecub a te jc'abe, xchi. Hich te winic yu'un Dios la sc'opon te Jehová, hich lecub te sc'ab te ajwalil, hich c'oht te bin ut'il ay ta nahil to.