Números 11:22 - Bible in Tzeltal Bachajón

²² ¿Tic' bal ya sts'acayic a teme ya yich'ic milel tsobol tuminchijetic, tentsunetic soc wacaxetic? ¿O tic' bal ya stahic a teme ya yich' stsobel spisil te chayetic ta mar? xchi.

Bible in Tzeltal de Oxchuc y Tenejapa

²² ¿Banti ay bayal chijetic soc wacaxetic te ya yich'ic milel, te tic' ya sts'acajic a? Manchuc me spisil ya cac'beytic te chayetic ta mar, ma tic'uc ya xnup' a —xi' te Moisese.

Números 11:22 Referans Kwoze

San Mateo 15:33

Ha yu'un la sjaq'uic te jnopojeletic yu'un: ¿Banti ya xhu' ya jtahcotic hich yipal pan li' ta jochol q'uinal yu'un ya xnoj sch'uhtic a te bayel ants-winiquetic? xchihic.

2 Reyes 7:2

Te príncipal te banti ya yich' yip sc'ab te ajwalil hich la sjac'be sc'op te winic yu'un Dios: Aunque Jehová ya sjamticlambe te ventanahetic yu'un ch'ulchan, ¿hich bal ya xc'oht ta pasel? xchi. Ya me awil ta asit, pero ma ba yac awe', xchi te Eliseo.

San Juan 6:9

Li' ay jtuhl querem te yich'oj ho'pehch pan pasbil ta cebada soc cha'coht bic'tal chay; pero ¿tic' bal a ini yu'un te ipal ants-winiquetic? xchi.

San Lucas 1:34

Te María la sjoc'obe te ch'ul a'bat: ¿Bin ut'il ay a ini, como mayuc jmamalal? xchi.

San Lucas 1:18

Te Zacarías hich la yalbe te ch'ul a'bat: ¿Bin ut'il ya xhu' ya jna' ini? como mamalonix soc ayix ya'bilal te quihname, xchi.

San Marcos 8:4

Hich la sjaq'uic te jnopojeletic yu'un: ¿Ban c'an jtahtic pan li' ta jochol q'uinal te tic' ya xwe'ic a? xchihic.

San Marcos 6:37

La sjac' te Jesús: A'beya swe'elic ha'ex, xchi. ¿Ya bal ac'an te ya xbaht jmancotic we'elil ta lajunwinic (200) denario soc ya ca'becotic yu'un ya xwe'ic a? xchihic yu'un.

Números 11:13

¿Banti ya jtahbe ti'bal spisil te pueblo ini? Yu'un ya xtalic ta oq'uel ta jtojol soc hich ya yalbon: ¡A'botcotic jwe'cotic ti'bal! xchihic.

Números 11:21

Pero hich la sjac' te Moisés: Te pueblo te ayon ta yohlilic, ha ho'lajuneb schanwinic ta pic (600,000) winiquetic te ya xbehenic, ¡yac awal ha'at te yac awa'be swe'ic ti'bal ta sjunal u!

Números 11:23

Ha yu'un te Jehová la yalbe te Moisés: ¿Yu'un bal xot'bilix sc'ab te Jehová? Yo'tic ya me awil teme ya xc'oht ta pasel o ma ba ya xc'oht ta pasel te jc'ope, xchi.