Números 11:17 - Bible in Tzeltal Bachajón

¹⁷ Ya xcohon tal soc ya jc'oponat tey a; ya quich'bat j'ohliluc te espíritu awich'oj, ya ca'be te mamaletic, hich ya scoltayat ta scuchel te pueblo te al ta cuchel, scuenta yu'un ma atuqueluc yac acuch a.

Bible in Tzeltal de Oxchuc y Tenejapa

¹⁷ Ya xcoon tel, ya xc'opojotic. Ya quich'bat oliluc te espíritu te awich'oje, ya cac'bey ta stojolic swenta yu'un ma atuqueluc ya awic' bael te lume, jich me ma atuqueluquix abi.

Números 11:17 Referans Kwoze

1 Samuel 10:6

Hich te espíritu yu'un Jehová ya me yu'untayat soc yu'el, hich yac ajoquinlan ta aw ta sc'op-jalwanej, soc ya xc'atp'ujat ta yan winic c'ohem.

Números 11:25

Hich co tal ta tocal te Jehová, c'opoj soc te Moisés. La yich'be te espíritu te yich'oj te Moisés, la yac'ticlambe te lajuneb schanwinic (70) ta tuhl mamaletic. C'alal hul ta stojolic te espíritu, hahchic ta c'op scuenta jalwanej; junax buelta hich la spasic.

1 Corintios 2:12

Te ho'otic ma ha'uc quich'ojtic te espíritu yu'un bahlumilal, ha quich'ojtic te Espíritu te talem ta stojol Dios, scuenta yu'un hich ya jna'tic a te bin ya'beyejotic te Diose.

2 Reyes 2:9

Te c'alal sohliquix bahel a, te Elías la yalbe te Eliseo: C'ambon te bin yac ac'an te ya jpasbat ta acuenta, te ma to ba quihquitayejate, xchi. La yal te Eliseo: Awocoluc, ihquitaybon hilel cheb buelta a te espíritu awu'une, xchi.

Joel 2:28

Ta patil ya jmal cohel te Espíritu cu'un ta stojol spisil ants-winiquetic, ya me yalic sc'op-jalwanej te aquerem-nich'nabic soc te awantsil-nich'nabic; te mamaletic awu'unic ay bin ya swayichtayic, soc te queremetic awu'unic ya me yilic nahalsitiletic.

2 Reyes 2:15

C'alal la yilic te jchahp jalwanejetic te ayic ta Jericó, hich la yalic: Te espíritu yu'un Elías hil ta stojol te Eliseo, xchihic. Hich baht stahic tal, la squejan sbahic ta stojol,

Romanos 8:9

Pero te ha'exe ma ba ayex ta scuenta ch'ich'-baq'uet, ayex ta scuenta Espíritu, teme melel ayinem ta awo'tanic te Espíritu yu'un Dios. Te mach'a ma ba yich'oj te Espíritu yu'un Cristo, ma yu'unuc Cristo stuquel.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

Nehemías 9:20

Soc la aticon talel te lequil espíritu awu'un scuenta yu'un ya xp'ijubtesotic yu'un. Ma ba la aquechan ya'beyel swe'ic maná, soc la awa'be yuch'ic ha' yu'un taquinti'il.

Éxodo 18:22

Ha'ic ac'a schahpanic te pueblo ta spisil ora te banti ma ba tulan sc'oblal. Yan te banti tulan te c'ope, ya yich'ic tal ta atojol. Hich ya xpehc'aj yalal a te ihcatsil ay ta acuenta, ha'ic ya scoltayat ta spasel te a'tele.

Judas 1:19

Ha'ic te ya yaq'uic jatamba, ya spasic te bintic ya smulan sbaq'uetalic soc mayuc ta yo'tanic te Espíritu.

1 Pedro 1:22

Te bin ut'il la alecubtesbeyex ach'uhlelic ta scuenta te la ach'uhunic te smelelil c'op, ta scuenta te Espíritu, te hich c'ux yac awa'iy abahic ta awo'tanic ta melel, talel c'axel c'ux me xawa'iy abahic ta spisil awo'tanic,

Números 12:5

Te Jehová co tal ta bahlal tocal, la stehc'an sba ta yochibal te Nahilpac' Templo. La yic' tal te Aarón soc te María; hich nohpoj tal schebalic.

Éxodo 19:20

Te Jehová co tal ta sba te wits Sinaí soc la yic' mohel te Moisés ta sba te witse. Hich mo bahel te Moisés.

Génesis 11:5

Te Jehová co tal ta yilel te muc'ul pueblo soc te muc'ul toyol ts'ahc te yacalic ta spasel te snich'nab winiquetic.

San Juan 7:39

Ha la yalbe sc'oblal te Espíritu te ya x'a'botic te mach'atic ya sch'uhunique. Como ma to ba talem a te Ch'ul Espíritu, yu'un ma to ba ac'ot ta ich'el ta muc' a te Jesuse.

San Juan 3:13

Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic.

Isaías 44:3

Yu'un ya jmal ha' ta taquin q'uinal, be-ha'etic ta taquin lum. Ya jmal te espíritu cu'un ta stojol awal-anich'nab, te bendición cu'un ta stojol ats'umbal;

Números 27:18

Te Jehová la yalbe te Moisés: Ic'a tal te Josué snich'an Nun, te jtuhl winic te ay yip yo'tan, cajambeya ac'ab ta sjol.

Números 12:8

Ya jsitin jba ta c'op soc, jamal ya jc'opon, ma ha'uc ta scuenta muquen c'op; soc ya yil bin yilel te Jehová. ¿Bin yu'un hiche te ma ba yac axi'ic te yac acontrac'optayic te ca'bat Moisés? xchi.

Éxodo 34:5

Potsol cohel tal ta tocal te Jehová, tey c'oht sta sba soc a, soc la yal te sbihil te Jehová.

Éxodo 19:11

scuenta yu'un chapalic a te cha'beje; yu'un cha'bej ya me yilic te pueblo te ya xco tal ta wits Sinaí te Jehová.

Génesis 18:33

C'alal laj yo'tan ta c'op soc Abraham baht te Jehová; yan te Abraham suht bahel ta sna.

Génesis 17:22

Te Dios laj yo'tan ta c'op soc Abraham, loc' bahel ta stojol.

Génesis 17:3

Ha yu'un te Abram la spahcan sba la ya'be sta lum te yelaw, c'oponot yu'un Dios, hich halbot:

Éxodo 18:18

Ya xluhbat yu'un soc te pueblo te sjoquinejat; como te a'tel c'ax al yac awa'iy, ma xhu' awu'un spasel ta atuquel.

Isaías 63:11

Pero la sna'ic bin ut'il ayic ta namey, ha te Moisés soc te pueblo yu'une, hich la yalic: ¿Banti ay te mach'a la yic'ticlan c'axel ta mar soc te jcanantaywanej yu'un te tuminchijetic yu'une? ¿Banti ay te mach'a la yac' te ch'ul espíritu yu'un ta yohlilic,

Números 7:89

C'alal ya x'och bahel Moisés ta Nahilpac' Templo yu'un tahojibal ta sc'oponel Dios, ya ya'iy te c'op te ya xc'oponot yu'un ta sba te yawil stahel perdón te ay ta sba te scaxahul Testigo-c'op ta yohlil te cheb querubinetic. Hich ya xc'oponot a.