Números 10:35 - Bible in Tzeltal Bachajón

³⁵ Te c'alal ya xhahch bahel te scaxahul te chapbil-c'op, hich ya yal te Moisés: ¡Hahchan, Jehová! ¡Ac'a spuc sbahic bahel te acontratac, soc ac'a ahnicuc bahel te mach'atic ya yilintayat! xchi.

Bible in Tzeltal de Oxchuc y Tenejapa

³⁵ Jujun buelta te c'alal ya xjajch'ic ta beel soc te cajón, te Moisés jich ya yal: —¡Jajch'an, Cajwal! ¡Ac'a spuc sbaic bael te acontrotaque! ¡Te c'alal ya yilat, ac'a anuquic bael! —xi' ta yalel.

Números 10:35 Referans Kwoze

Isaías 51:9

¡Hahchan, hahchan, lapa awu'el, ha'at c'abalat yu'un Jehová! Hahchan hich te bin ut'il ta namey, hich te bin ut'il ta cajalcaj ts'umbalil ta namey. ¿Ma bal ha'ucat te la asesen te Rahab, te la alow te dragón?

Salmos 132:8

Hahchan, Jehová, la' ta banti yac acux awo'tan, ha'at soc te scaxahul te chapbil-c'op yu'un awu'el.

Deuteronomio 32:41

Te c'alal ya juxbe ye te espada cu'un te mero xlipet soc te ya xhahchon ta stojil chahpanwanej, ya me ca'be spacol te jcontra, soc ya ca'be stojic te mach'atic ya yihlayonique.

Deuteronomio 7:10

pero ya ya'be stoj stuquel te mach'a ya x'ihlayot yu'un, jc'axel ya slajin; ma ba ya xhalaj te ya ya'be castigo te mach'a ya x'ihlayot yu'une.

1 Samuel 4:3

Te c'alal suhtic ta campamento te winiquetic, hich la yalic te mamaletic yu'un Israel: ¿Bin yu'un te Jehová la yac'otic ta tsalel yo'tic ta stojol te filisteohetique? Conic ta Silo, ya quich'tic tal te scaxahul te chapbil-c'op yu'un Jehová, scuenta yu'un teme ay ta cohliltic ya me scoltayotic ta sc'ab te jcontratique, xchihic.

Salmos 9:19

Hahchan, Jehová, ma me xawac' te ya ya'iy tsalaw te ants-winic; ac'a yich'ic chahpanel te nacionetic ta atojol.

Salmos 94:16

¿Mach'a ya xhahch ta scontrahinel ta jcuenta te mach'atic chopolic? ¿Mach'a ya sjoquinon ta scontrahinel te mach'atic ya spasic bin chopole?

Salmos 3:8

Yu'un Jehová te colole. ¡A'beya bendición te pueblo awu'une! Selah