Números 10:29 - Bible in Tzeltal Bachajón

²⁹ Te Moisés hich la yalbe te Hobab snich'an Reuel, te madian-winic, ha te snihal-mamal: Te ho'otcotic ya xbohotcotic ta banti hich yaloj te Jehová: Ha ya ca'beyex, te xchihe. Con, joquinawotcotic, lec bin ya jpasbatcotic, como te Jehová yaloj ta jamal te lec bin ya xc'oht ta stojol Israel, xchi.

Bible in Tzeltal de Oxchuc y Tenejapa

²⁹ Ay jun c'aal te Moisés la yalbey te sbal Hobab, snich'an Reuel te madianil winique: —Te jo'otic ya xbootic ta lumq'uinal te yalojbotic Cajwaltic te ya yac'botique. La', joinawotic, jun me co'tantic ta atojol, melel te Cajwaltic yaloj ta jamal te buen lec yo'tan yu'un Israel —xi' te Moisés.

Números 10:29 Referans Kwoze

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Jueces 4:11

Te Heber, te queneo-winic, te ha sts'umbal Hobab, snihal-mamal Moisés, ayix ora te loq'uem ta stojol te queneohetic soc te spasoj scampamento ta banti te jihte' ta Zaanaim, ta nopol Cedes.

Éxodo 3:1

Te Moisés yac ta scanantaybeyel stuminchij te snihal-mamal Jetro, te sacerdote ta Madián. La yic' bahel te tuminchijetic c'alal ta sjehchelul te jochol taquin q'uinal, c'oht c'alal ta Horeb, te wits yu'un Dios.

Éxodo 2:18

C'alal suhtic bahel ta banti ay te static Reuel, hich joc'obotic yu'un: ¿Bin yu'un ora nax suhtex tal? xchi.

Génesis 32:12

Hich awaloj: Ya cac' te lec ya xc'ohat, soc hich yipal ya xc'oht ats'umbal cu'un te bin ut'il shi'al mar te ma xhu' ta ahtayel, xchi ta sc'oponel Dios.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

Hebreos 6:18

Ha yu'un ta scuenta te cheb ini te ma xyanij sc'oblal, te ma xhu' ya spas lot yu'un te Diose, te ho'otic te jnohpojemotic bahel ta stojol ay bayel yip co'tantic te ya cu'untaytic te smuc'ul-o'tanil te ay ta jtojoltique.

Tito 1:2

te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

Hechos 7:5

Ma ba la ya'be sq'uinal tey a, ni jxeht'uc banti ya xc'oht te yoque; pero halbot yu'un Dios te ha ya x'a'bot sq'uinalin soc sts'umbal ta patil te q'uinal, aunque ma to ayuc snich'an a.

Jeremías 50:5

Ya me sjoc'oyic bahel te sbehlal Sión, tey ya stojlinic bahel a, hich ya yalic: Conic, junax ya cac' jbahtic soc te Jehová ta scuenta chapbil-c'op te sbahtel q'uinal ay, te ma xch'ay ta o'tanil, xchihic me.

Isaías 2:3

Ya xtalic bayel pueblohetic soc hich me ya yalic: La'ic, mohucotic ta wits yu'un Jehová, ta sna te Dios yu'un Jacob. Ha ya ya'botic jnoptic te behetic yu'un, hich ya xbehenotic ta tut behetic yu'un, xchihic. Como ya xloc' tal ta Sión te Ley, ta Jerusalén ya xloc' tal te sc'op te Jehová.

Salmos 34:8

Pasahic prueba, ilawilic te ha lec yo'tan te Jehová. ¡Bayel yutsil te mach'a ya smuc'ulin yo'tan!

1 Samuel 15:6

Hich la yalbe te queneohetic: Bahanic, jitsa abahic, loc'anic bahel ta yohlil te mach'atic ayic ta Amalec scuenta yu'un ma pajaluc ya jlajinex soc; como la ac'uxultayic spisil te snich'nab Israel te c'alal mohic tal ta Egipto, xchi. Hich loq'uic bahel te queneohetic ta yohlil te snich'nab Amalec.

Jueces 1:16

Te sts'umbal Hobab, te snihal-mamal Moisés, loq'uic bahel ta pueblo yu'un xahnetic soc te snich'nab Judá, bahtic ta jochol taquin q'uinal yu'un Judá te ay ta Neguev ta nopol Arad; la sjoquin sbahic ta nahinel soc te yajwal q'uinal tey a.

Números 23:19

Te Dios ma hichuc te bin ut'il winic te ya ya'iy lot, soc ma hichuc te bin ut'il snich'an winic te ya suht sc'op. Te bin la yal, ¿ma bal yacuc spas? Teme c'opoj, ¿ma bal yacuc sc'ohtes ta pasel?

Éxodo 18:27

Patil te Moisés la spatbe bahel yo'tan te snihal-mamal, hich baht ta slumal.

Éxodo 18:1

Te Jetro, te sacerdote yu'un Madián soc ha snihal-mamal Moisés, la ya'iy spisil te bintic pasbot yu'un Dios te Moisés soc Israel te pueblo yu'un, soc te bin ut'il Jehová la sloq'ues tal Israel ta Egipto.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

Génesis 13:15

Yu'un spisil te q'uinal te yac awile, ya ca'bat aq'uinalin soc ats'umbal sbahtel q'uinal.

Éxodo 6:4

Soc la jchap jc'op soc, ha te ya ca'be sq'uinalin te sq'uinal Canaán, ha te q'uinal banti hich nahinic te bin ut'il jbehyometic.

Éxodo 18:12

Te Jetro te snihal-mamal Moisés la ya'be scohtol chic'bil mahtaniletic soc milbil mahtaniletic te Diose. Te Aarón soc spisil te mamaletic yu'un Israel tal sjoquinic ta we'el te snihal-mamal Moisés ta stojol te Diose.

Números 10:28

Hich la schol sbahic ta behel te snich'nab Israel, ta scuenta jujuchahp, te c'alal hahchic ta behel.

Deuteronomio 4:40

Ch'uhuna te mandariletic yu'un te yac calbelat ta ora ini, scuenta yu'un lec ya xc'ohat soc lec ya xc'oht a te patil awal-anich'nab, soc te ya xnahtub aworahil te ayat ta q'uinal te ya ya'bat scuenta sbahtel q'uinal te Jehová te Dios awu'une, xchi te Moisés.

Deuteronomio 30:5

Te Jehová te Dios awu'un ya yac' te ya suhtat xan tal tey ta q'uinal la yich'ic hilel te ame'atatique, ha awu'un ya xc'oht. Lec bin ya spasbat, c'ax hich ya yac' p'ohlucat a te bin ut'il te ame'atatique.

Salmos 95:1

¡La', jc'ayojtaytic Jehová soc yutsil co'tantic! ¡Ac'a jc'ayojtaytic soc yutsil co'tantic te muc'ul ton yu'un te jcoleltique!

Salmos 100:1

C'ayojtayahic soc yutsil awo'tanic te Jehová, spisil mach'atic nahinemic ta bahlumilal.

Génesis 17:8

Ya ca'bat aq'uinalin soc ats'umbal ta patil bahel te q'uinal ta banti ayat ta nahinel, spisil te sq'uinal Canaán, stalel awu'unic ya xc'oht, soc Ho'on Dioson yu'unic ya xc'ohon, xchi.

Éxodo 2:21

Te Moisés la sch'uhun iq'uel tal ta nahinel ta sna te winique. Ha la ya'be yihnamin te Séfora te yantsil-nich'an.