Números 1:16 - Bible in Tzeltal Bachajón

¹⁶ Ha'ic te tsahbilic ta yohlil te pueblo, te jtsobawetic yu'un jujuchahp sts'umbal te static, te jtsobawetic yu'un te chahpalchahp ta Israel.

Bible in Tzeltal de Oxchuc y Tenejapa

¹⁶ Ja'ic jtsobwanejetic yu'un chajbalchajp te tsabilic ta yolilic te israeletic.

Números 1:16 Referans Kwoze

Números 7:2

Ha yu'un te príncipaletic yu'un Israel, ha te jtsobawetic ta jujuchahp sna te sme'static, ha te príncipaletic yu'un te jujuchahp sts'umbal Israel te scuentahinejic te mach'atic la yich'ic ahtayel, nohpojic tal

Éxodo 18:25

La stsa ta yohlil spisil Israel winiquetic te toj yo'tanique. La ya'be ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50), soc yu'un lajuntuhl (10).

Éxodo 18:21

Soc tsaha winiquetic ta yohlil te pueblo te toj yo'tanic, te xi'ojic te Diose, ha winiquetic te smelelil ya xc'opojic, te ya yihlayic te bin ma stojiluc ta tahel; a'beya ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50) soc yu'un lajuntuhl (10).

Números 26:9

Te snich'nab Eliab, ha te Nemuel, Datán soc Abiram. Ha nix te Datán soc Abiram, te jtsobawetic yu'un te pueblo te la stoy sbahic soc te smohloltac Coré ta stojol Moisés soc Aarón c'alal la stoy sbahic ta stojol Jehová.

Números 16:2

hahch scontrahinic te Moisés soc lajuneb yoxlajunwinic (250) ta tuhl winiquetic te snich'nab Israel, ha príncipaletic yu'un te pueblo, te mach'atic ayic ta tsoblej, winiquetic te mero na'bil sbahic.

Números 1:4

Ya me sjoquinex jtuhl winic ta jujuchahp sts'umbal Israel, te ha jtsobaw yu'un te sna te statique.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

1 Samuel 23:23

Ilawilic ta lec hiche soc halbonic ca'iy spisil te banti ya snac'ticlan sba. Patil suhtanic talel, ya me awa'bonic jna', hich ya joquinex bahel. Teme tey ay a, xtiq'uet ya jle ta yohlil jujuchahp sts'umbal Judá, xchi.

1 Samuel 22:7

Te Saúl hich la yalbe te a'batetic joytaybil yu'un: A'iya awa'iyic snich'nab Benjamín, te snich'an Isaí ¿ya bal ya'beyex aq'uinalic soc ats'usubilic, soc ya bal yotsesex ta jtsobaw yu'un jmil ta tuhl soc yu'un ho'winic (100) ta tuhl soldadohetic?

Jueces 6:15

La sjac' xan te Gedeón: Ay, cajwal, ¿bin ut'il ya xhu' ya jcoltay Israel te ho'one? Melel te mach'atic ay cu'un c'ax hich pobre a te bin ut'il te yantic ta Manasés, soc te ho'one mero xuton yu'un te mach'atic ayic ta sna te jtat, xchi.

Deuteronomio 1:15

Ha yu'un la jquic' te príncipaletic ta jujuchahp awu'unic, ha te winiquetic te ay sp'ijilic soc te ay snopojibal yu'unic, la jca'be ya'telic ta jcuentahinwanej ta atojolic, ha jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50), soc yu'un lajuntuhl (10), soc jtsobawetic yu'un jujuchahp awu'unic.

Números 11:17

Ya xcohon tal soc ya jc'oponat tey a; ya quich'bat j'ohliluc te espíritu awich'oj, ya ca'be te mamaletic, hich ya scoltayat ta scuchel te pueblo te al ta cuchel, scuenta yu'un ma atuqueluc yac acuch a.

Números 1:15

ta Neftalí: ha te Ahira snich'an Enán, xchi te Jehová.

Números 1:17

Te Moisés soc Aarón la yiq'uic tal te winiquetic te tsahbilic ta sbihilique;

Números 10:4

Yan teme junax ya yich' oq'uesinel, ha ya stsob sbahic ta atojol te príncipaletic, ha te jtsobawetic yu'un jujuchahp te Israel.

Números 30:1

Te Moisés hich la yalbe te príncipaletic yu'un jujuchahp te snich'nab Israel: Hich ay te bin yaloj te Jehová: