Números 1:1 - Bible in Tzeltal Bachajón

¹ Te Jehová la sc'opon te Moisés c'alal ay ta jochol taquin q'uinal Sinaí, ta Nahilpac' Templo yu'un tahojibal, ta sba c'ahc'alil yu'un te schebal u, ta schebal ha'bil sloq'uelic tal ta Egipto a, hich la yalbe:

Bible in Tzeltal de Oxchuc y Tenejapa

¹ Te sba c'aalil yu'un xchebal u, te xchebal ja'wil c'alal c'axemix jtebuc ta jun ja'wil sloq'uel tel ta Egipto a te israeletic, te Cajwaltic jich la yalbey Moisés ta jochol taquin q'uinal ta Sinaí ta Nailpac' te bay ya yich' c'oponel, jich la yal:

Números 1:1 Referans Kwoze

Éxodo 25:22

Tey ya jta jbahtic a ta sba te yawil stahel perdón, ta yohlil te cheb querubinetic te ay ta sba te scaxahul Testigo-c'op, tey ya calbat a spisil te jmandar yu'un te snich'nab Israel.

Éxodo 19:1

Ta yoxebal u sloq'uelic bahel ta sq'uinal Egipto a te snich'nab Israel, ta sc'ahc'alel nix, c'ohtic ta jochol taquin q'uinal Sinaí.

Números 9:1

Te Jehová la sc'opon te Moisés ta jochol taquin q'uinal Sinaí, ta shahchibal u ta schebal ha'bil sloq'uelic tal ta sq'uinal Egipto a, hich la yalbe:

Levítico 27:34

Ha te mandariletic ini te halbot yu'un Jehová te Moisés yu'un te snich'nab Israel ta wits Sinaí.

Levítico 1:1

Te Jehová la yic' te Moisés, la sjuc ta c'op c'alal ta Nahilpac' Templo yu'un tahojibal, hich la yalbe:

Éxodo 40:17

Ta sba c'ahc'alil yu'un te shahchibal u ta schebal ha'bil la yich' tehc'anel te Nahilpac' Templo.

Éxodo 40:2

Ta sba c'ahc'alil yu'un te shahchibal u ya me atehc'an te Nahilpac' Templo, ha te Nahilpac' Templo yu'un tahojibal.

1 Reyes 6:1

Ayix jbahc' soc chanwinic (480) ha'bil sloq'uelic tal ta Egipto a te snich'nab Israel, ta schanebal ha'bil soc cheb u yochel ta ajwalil yu'un Israel a te Salomón, ha te u Ziv, te Salomón hahch ta spasel te Na yu'un Jehová.

Números 1:18

soc la stsobic spisil te pueblo ta sba c'ahc'alil ta schebal u. Hich ochic ta ahtayel ta scuenta jujuchahp na soc ta scuenta sna te statique, la yich' ahtayel jujutuhl te ay jtahb (20) ya'bilal bahel.

Éxodo 19:2

C'alal loq'uic bahel ta Refidim c'ohtic ta jochol taquin q'uinal Sinaí banti la spas scampamentohic; tey la spas scampamento a te Israel ta stojol te wits.

Números 12:4

Te Jehová ora la yalbe te Moisés, Aarón soc María: Bahanic awoxebalic ta Nahilpac' Templo yu'un tahojibal, xchi. Hich baht yoxebalic.

Deuteronomio 1:3

Ta cha'winic (40) ha'bil, ta sba c'ahc'alil yu'un te sbuluchebal (11) u, te Moisés la yalbe ya'iyic te snich'nab Israel spisil te bintic halbot yu'un Jehová;

Deuteronomio 2:7

Como te Jehová te Dios awu'unic ya'beyejex bendición a ta spisil bintic apasojic; sna'oj te yaquex ta behel ta muc'ul jochol taquin q'uinal ini. Te cha'winic (40) ha'bil ini sjoquinejex te Jehová te Dios awu'unic, mayuc bin la spasex falta.

Deuteronomio 2:14

Te jayeb ha'bil loc'otic hahchel ta Cades-barnea ha to c'alal sohlotic ta uc'um Zered, waxaclajuneb scha'winic (38) ha'bil, ha to c'alal chamic ta campamento spisil te winiquetic te ya yaq'uic guerra, hich te bin ut'il jc'axel halbotic ta jamal yu'un Jehová.