Nehemías 1:3 - Bible in Tzeltal Bachajón

³ Hich la yalbonic: Te mach'atic te hilemic, te colemic tal ta chuquel, te ayic ta sq'uinal Judea, ay swocolic soc ayic ta q'uexlal. Te sts'ahcul te Jerusalén jihnem, lajem ta c'ahc' te puertahetic yu'une, xchihic.

Bible in Tzeltal de Oxchuc y Tenejapa

³ Jich la yalbonic: —Te mach'atic sujt'emic loq'uel tel ta sq'uinal Babilonia, mero wocol ayic soc mero ayic ta q'uexlal. Jich nix te Jerusalén, jinbil te sjoyob ts'ajc'ule, soc chic'bil ta c'ajc' te spuertail te muc'ul ts'ajq'ue —xi'.

Nehemías 1:3 Referans Kwoze

Nehemías 2:17

Ha yu'un hich la jcalbeyic: Ha'ex awilojic te jwocoltic: ha te jihnemix te Jerusalén soc c'ahq'uemiquix te puertahetic yu'un. La'ic, ya jpastic te sts'ahcul te Jerusalén scuenta yu'un ma ba ya quich'tiquix labanel a, xchihon.

2 Reyes 25:10

Spisil te caldeo soldadohetic te sjoquinejic te capitán la sjinic te ts'ahquetic ta sjoyobal te Jerusalén.

Nehemías 7:6

Ha'ic ini te mach'atic ayic ta Judá te suhtemic tal ta chuquel, te chucotic bahel yu'un te Nabucodonosor ajwalil yu'un Babilonia, te suhtic tal ta Jerusalén soc ta Judá, jujutuhl ta jujun sq'uinalic.

Nehemías 2:13

Ta ahc'abal loc'on bahel ta Puerta yu'un Spamlej, behenon bahel ta stojol te sloq'uib-ha' Dragón soc te puerta yu'un Tsa'najibal; la jtsahtay quil te sts'ahcul Jerusalén te jimbil soc te puertahetic yu'un te chic'ticlambilic.

Nehemías 2:3

Hich la jcalbe te ajwalil: Sbahtel q'uinal cuxuluc me te ajwalil. ¿Bin ut'il ma ba ya jmel co'tan yu'un te jihnemix te pueblo te banti muculic te me'iltatiletic cu'un, soc lajemic ta c'ahc' te puertahetic yu'une? xchihon.

Esdras 5:8

Ac'a sna' te ajwalil te bohotcotic ta sq'uinal Judá, ta sna te muc'ul Dios, te ya yich' pasel ta muc'ul tonetic. Yaquix ta ochel te ste'el te spahc'ule; sujoj sbahic ta a'tel, ora nax ta hu'el te a'tele.

Lamentaciones 5:1

Na'a me, Jehová, te bin c'ohem ta jtojolcotic; ilawil te jwocolcotic ta uts'inel.

Lamentaciones 3:61

Awa'iybeyej te labanel yu'unic, spisil te bin schapojic ta jcontra;

Lamentaciones 1:7

Te Jerusalén, te c'alal och ta sc'ab te scontra soc te mayuc mach'a coltayot yu'un, la sna' te bin ora ay swocol soc te stoyoj sba, la sna' spisil te sc'ulejal te la sta ta namey. Ilot yu'un te scontratac, labanot yu'un.

Jeremías 52:14

Spisil te caldeo soldado te sjoquinejic tal soc te capitán la sjinic spisil te ts'ahquetic ayic ta sjoyobal te Jerusalén.

Jeremías 42:18

Hich yaloj te Jehová te scuentahinej spisil, te Dios yu'un Israel: Hich te bin ut'il mal cohel te quilimba soc sc'ahc'al co'tan ta stojol te mach'atic nahinemic ta Jerusalén, hich ya xmal cohel ta atojolic te c'alal ya xbahex ta Egipto. Ha te bin wocol soc te bin xiweltic sba ya xc'ohex, te bin ac'bil ta lajel soc te bin p'ajbil; mayuc bin ora ya suhtex tal ta lugar ini, xchi.

Jeremías 39:8

Te caldeohetic la ya'beyic sc'ahc'al te sna ajwalil soc te nahetic ta pueblo, soc la sjinticlanic te ts'ahquetic yu'un Jerusalén.

Jeremías 29:18

Ya jnutsticlan bahel ta espada, ta wi'nal soc ta jmilawal-chamel, soc ya cac' te xiweltic sba ya xc'ohtic ta stojol spisil te nacionetic ta bahlumilal, te ma lecuc sc'oblalic, te xiweltic sba, labambilic soc tse'laybilic ta stojol spisil te nacionetic ta banti la jpucticlan bahele.

Jeremías 24:9

Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Jeremías 5:10

C'axanic bahel ta chohlochohl te sts'usubilic, jinticlanahic; pero ma jc'axeluc xajin. Jepticlambeyahic te sc'abc'ab, como ma yu'unuc Jehová.

Isaías 43:28

Ha yu'un la jbohlobtesbe sc'oblal te príncipaletic yu'un te templo, la jcac' te jc'axel ya xjihn te Jacob soc te ya yich' p'ajel te Israel.

Isaías 5:5

Ya calbeyex bin ya jpasbe te jts'usubil: Ya jloq'uesbe scorralil-ton, hich ya xjihn; ya jch'ojbe cohel te sts'ahcul, hich ya yich' ts'o'ts'o' teq'uel.

Salmos 79:4

Te jpat-xuhcotic ya slabanotcotic, ya stse'layotcotic te mach'atic ayic ta joyobalcotic.

Ester 1:1

Ta yorahil te Asuero, ha te Asuero te la scuentahin c'alal India ha to ta Etiopía, huqueb shucwinic (127) ta sehp q'uinal,

Nehemías 11:3

Ha'ic ini te jtsobawetic yu'un te jujun sehp q'uinal te nahinic ta Jerusalén; (pero ta pueblohetic ta Judá jujutuhl nahinic ta sq'uinalic soc ta pueblohetic yu'unic: ha te israeletic, sacerdotehetic, levitahetic, a'batetic yu'un te Templo soc te sts'umbal te a'batetic yu'un Salomón).

Esdras 2:1

Ha sbihilic ini te mach'atic hahchemic ta sq'uinal Judá te suhtic tal ta chuquel, ha te mach'atic chucotic bahel ta Babilonia yu'un te Nabucodonosor ajwalil yu'un Babilonia, te suhtic tal ta Jerusalén soc Judá, jujutuhl ta pueblo yu'un.

1 Reyes 9:7

ya jloq'ues te Israel tey ta q'uinal te ca'beyeje. Soc te Na ini te la jch'ultes scuenta jbihil ya jch'oj loq'uel ta jtojol, soc te Israel ya xhahch labanel c'op ta stojol soc ya x'och ta labanel yu'un spisil pueblohetic.

Proverbios 25:28

Hich te bin ut'il pueblo te jihnem sts'ahcul, hich ay te mach'a ma sna' scomel sba.

Lamentaciones 2:9

Jihnic cohel c'alal lum te ochibaletic yu'un; la swac'ticlan soc la sjinticlan te sc'atal-te'eletic yu'un. Te ajwalil soc te príncipaletic yu'un ayic ta yohlil te mach'atic ma ba yich'ojic te ley, soc te jalwanejetic yu'un mayuc bin ya x'a'bot yilic ta snahal sitil yu'un Jehová.

Levítico 26:31

Jc'axel jochol ya xhil cu'un te pueblohetic awu'unic, ya jimbeyex te ch'ul awilaletic awu'unic soc ma ba ya jsic'be sumumal yic' te lequil perfume awu'unique.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

2 Crónicas 36:19

La schiq'uic te sna Dios, la sjinic te sts'ahcul te Jerusalén, la schiq'uic spisil te muc'ul t'ujbil nahetic tey a soc la sjinticlanic spisil te bintic bayel sc'oblale.