Nehemías 1:2 - Bible in Tzeltal Bachajón

² tal jtuhl quermano, Hanani, soc cha'oxtuhl winiquetic ta Judá. La joc'obe bin yilel te judiohetic te colemiquix ta chuquel soc bin yilel te Jerusalén.

Bible in Tzeltal de Oxchuc y Tenejapa

² te c'ot te quermano Hanani. Sjoinej c'oel winiquetic jajch'ic tel ta Judá. Jich ora la jojc'obey te bi yilel te Jerusalén, soc te judioetic colic tel te ic'otic bael stuquelic.

Nehemías 1:2 Referans Kwoze

Nehemías 7:2

La jca'be scuentahin Jerusalén te quermano Hanani, soc te Hananías te jtsobaw yu'un te ahnibal ts'ahc (como ha winic te jun yo'tan soc yich'oj ta muc' te Diose, c'ax hich a te bin ut'il yantic),

Ezequiel 6:9

Ha'ex te ya xloq'uex ta ahnel ya me ana'onic ta nacionetic ta banti ya xbahex ta chuquel; como c'ax jwocol ta scaj te ay ta yo'tanic antsiwej te hich la yihquitayonic hilel, soc ta scaj sitic te la st'unic te loc'ombahetic yu'unique. Ha'ic nix ya xq'uexawic ta scaj te bintic chopol la spasic ta scuenta spisil te bintic ilobtic sba yu'unique.

Ezequiel 7:16

Te mach'atic cuxul ya xhilic hich ya xloq'uic ta ahnel ta witsiltic te bin ut'il stsuhmutetic yu'un te spamlejetic, spisilic ya x'ahcanajic ta scaj te smulique.

Jeremías 44:14

Te mach'atic hilemic ta Judá te ochic bahel ta nahinel ta sq'uinal Egipto mayuc mach'a ya xloc' ta ahnel o te cuxul ya xhil te ya suht tal ta sq'uinal Judá, te banti yo'tanuc ya xnahinic; ma ba ya suhtic bahel; ha nax cha'oxtuhl te ya x'ahnic loq'uel, xchi.

Esdras 9:14

¿Ya to bal jcha'c'axuntaybatcotic te mandariletic awu'un, soc ya bal quic' jbahcotic soc te yantic pueblohetic te ya spasic te bintic ilobtic sbahe? ¿Ma bal hichuc ya x'ilinat ta jtojolcotic te yac alajinotcotic ta c'axel, te mayuc mach'a cuxul ya xhil?

Génesis 14:10

Ta spamlej Sidim ay bayel pozohetic yu'un chapapote. Te c'alal loq'uic ta ahnel te ajwaliletic yu'un Sodoma soc yu'un Gomorra, ay mach'atic ch'ayic ochel tey a, te yantique ahnic bahel ta wits.

2 Reyes 24:14

La yic'ticlan bahel ta chuquel spisil mach'atic ayic ta Jerusalén: spisil te príncipaletic soc spisil te winiquetic te ay yipic, spisil te mach'atic ay bintic ya sna'ic spasel soc herrerohetic, ha jpic soc ho'bahc' (10,000) ta tuhl ta spisilic. Mayuc mach'a hil, ha xanix hilic te mach'atic pobrehetic ta q'uinal.

2 Reyes 25:12

Yan te pobrehetic ta q'uinal la yihquitay hilel te Nabuzaradán, yu'un ya schahpanic te ts'usubiletic soc te q'uinale.