Nahúm 3:6 - Bible in Tzeltal Bachajón

⁶ Ya jch'oj bahel ta atojol te bin bohloben sc'oblal, ya cac'at ta tse'layel, hich ya cac'at te bin ut'il tsa'.

Bible in Tzeltal de Oxchuc y Tenejapa

⁶ Soc ya me jch'oj tel ta atojol te bila ya x'ijc'ubat yu'une; ya cac' bolobuc ac'oplal soc ya cac'at ta tse'luyel ta comonsitil.

Nahúm 3:6 Referans Kwoze

Malaquías 2:9

Ha yu'un te la jcac' te p'ajbil soc peq'uel c'ohemex ta stojol spisil ants-winiquetic, como ma ba la acanantaybon te behetic cu'un, soc ma pajaluc yac achahpanic ta scuenta te Ley.

Jeremías 51:37

Busul jimbil na ya xc'oht te Babilonia, ha yawil ha'mal ts'i'etic, ha te bin xiweltic sba soc te labambil, mayuc mach'a ya xnahin tey a.

Job 9:31

yac awac'on cohel ta ch'en, ha nix ya yihlayon te jc'u'e.

Hebreos 10:33

ay la awich'ic ixta'c'optayel soc uts'inel ta comonsitil, soc ay la ajoquinic te mach'atic hich nix c'ax swocolic.

1 Corintios 4:9

como, te ya cal ho'on, slajibal ac'otcotic yu'un Dios ho'otcotic te jpuc-c'opotcotique, hich bin ut'il mach'atic chapal sc'oblalic ta milel. ¡Ayotcotic ta ilel ta comonsitil yu'un te bahlumilal, yu'un ch'ul a'batetic soc yu'un ants-winiquetic!

Nahúm 1:14

Te Jehová la yalbat ac'oblal, Nínive, ma ba ya xna'botix abihil. Ta templo yu'un te dios awu'un ya jinticlan te bin lop'taybil soc te loc'omba pasbil ta uhltesbil taq'uin, tey ya jpasbat amuquel a, como ihlaybilat.

Job 30:8

Ha sonsohetic, winiquetic te mayuc sbihilic, la yich'ic loq'uesel ta q'uinal.

Judas 1:7

Hich te bin ut'il te Sodoma soc Gomorra soc te pueblohetic ta sjoyobal, ha nix hich la ya'iyic chijil-o'tanil soc la spasic te bin ya scontrahin te stalel te baq'uete. Yich'oq'uehlic c'oht te bin ut'il c'ax swocolic yu'un castigo ta c'ahc' sbahtel q'uinal.

1 Corintios 4:13

Ya sjin jc'oblalcotic, pero lec ya jc'oponcotic; c'alal ora hich c'ohemotcotic te bin ut'il c'a'pal yu'un te bahlumilal, jch'aybilotcotic yu'un spisilic.

Malaquías 2:2

Teme ma ba yac awa'iyic soc teme ma ba yac anop ta awo'tanic te yac awalbe yutsil sc'oblal te jbihil, xchi te Jehová te scuentahinej spisil, ya jticombeyex chopol c'oblalil ta atojolic, ya calbe ma lecuc sc'oblalic te bendicionetic awu'unique; calbeyejix te ma lecuc sc'oblalic como ma ba anopojic ta lec ta awo'tanic.

Sofonías 2:15

Ha ini te pueblo te ay yutsil q'uinal ya ya'iy, te smuc'ulinej sba yo'tan, te hich la yal ta yo'tan: Ho'on nax, mayuc yan, te xchihe. ¡C'ax jimbil c'oht, ha yawilix ti'awal chambahlametic! Spisil te mach'atic ya xc'axic tey a ya slabanic soc ya stij sc'abic yu'un.

Lamentaciones 3:16

La swac'bon sbaquel que ta sjach'el hi', la smucon ta stanul c'ahc'.

Job 30:19

Te Dios la sch'ojon ta ahch'al, hichonix te bin ut'il ts'u'lum soc tan.

Ezequiel 16:37

ha yu'un ya me jtsob spisil te mach'atic la smulanat, te la amulan aba soc, spisil te mach'atic la amulan, soc spisil te mach'atic la ap'aj. Ya jtsob talel ta ajoyobal, soc ta scomon sitic ya jwahtambat abaq'uetal, ya me yilic te watalat.

Habacuc 2:16

Yac awac' te bayel yac ata q'uexlal, ma ha'uc ich'el ta muc'; ha nix hich yac awuch' ha'at soc ya xchicnaj abaq'uetal, te copa ay ta swa'el sc'ab Jehová ya xc'oht ta atojol, soc ya sutp'in ta q'uexlal te awutsilale.

Malaquías 2:3

Ya jtij ta c'op ats'umbal, ya jch'ojbeyex tsa' ta asit awelawic, ha te stsa' chambahlametic te yac awaq'uic scuenta milbil mahtaniletic, soc pajal ya xch'ojotex loq'uel soc.