Nahúm 3:11 - Bible in Tzeltal Bachajón

¹¹ Ha nix hichat, Nínive, ya me xyacubat soc ya me awich' naq'uel; yac ale banti yac anac' aba, ta scaj te acontrahe.

Bible in Tzeltal de Oxchuc y Tenejapa

¹¹ Ja' nix me jich te ja'at lum Nínive, ya me syacubtesat; ch'ayematix ta q'uinal yu'un, ya ale bay ya anac' aba, ya me ale awanjib yu'un acontro.

Nahúm 3:11 Referans Kwoze

Isaías 49:26

Te mach'atic la yuts'inat ya cac' te ha nix ya sti' te sbaq'uetalic, soc hich ya xyacubic yu'un te sch'ich'elic te bin ut'il vino. Hich me ya sna'ic spisilic te ho'on Jehovahon, Jcoltaywanejon awu'un soc J'ac'awon ta libre awu'un, te Mach'a yu'un Jacob te ay yip.

Isaías 2:10

¡Ochan bahel ta ch'en, nac'a aba ta lumq'uinal ta stojol te Jehová te xiweltic sba, ta stojol te sts'anabul te smuc'ul yutsilale!

San Lucas 23:30

Hich me ya xhahch yalbeyic te witsiltic: Hemts'ujan cohel tal ta jtojolcotic, soc: La', mucawotcotic, ya me yutic te tsehletique.

Nahúm 1:10

Hich ya xc'ohtic te bin ut'il ch'ixetic te sts'otoj sbahic, soc ts'ajal ta syacubelic, ya xlajic ta c'ahc' hich te bin ut'il taquin ha'mal.

Oseas 10:8

Te toyol awilaletic yu'un Avén, te ha smul te Israel, ya me yich'ic jinel; ya xcol ch'ixetic ta sba te scajtajib ta chiq'uel mahtaniletic yu'unique. Hich me ya yalbeyic te witsiltic: ¡Mucawotcotic! xchihic; soc ya me yalbeyic te tsehletic: ¡Cohan tal ta jtojolcotic! xchihic.

Jeremías 4:5

Pucahic ta halel ta Judá, halbeyahic sc'oblal ta Jerusalén, hich me yac awalic: Oq'uesinahic corneta ta q'uinal, xchihex; awonanic, hich me yac awalic: Tsoba abahic, ochucotic bahel ta pueblohetic te ayic sts'ahcul, xchihanic me.

Isaías 2:19

Te ants-winiquetic ya me x'ochic bahel ta ch'entiquil soc ta banti jamajtic te lumq'uinal, ta scuenta te xi'el te Jehová soc te sts'anabul te smuc'ul yutsilal, te c'alal ya xhahch ya'be castigo te lumq'uinale.

Salmos 75:8

Ay copa ta sc'ab te Jehová, pajubenix te vino soc capbilix; ha ya smal cohel, spisil mach'atic chopolic ta bahlumilal ya me slajinic yuch'el.

Nahúm 2:1

¡Yac ta talel jinaw ta atojol, Nínive! ¡Chahpana jcananetic ta tulan ahnibal ts'ahc! ¡Ilawil te be! ¡Chuca ach'uht! ¡Tsoba tal spisil awip!

Miqueas 7:17

Ya me sleq'uic ts'u'lum hich te bin ut'il chan, hich te bin ut'il te chanetic ta q'uinal; Yaquic ta nihquel a ya xloq'uic tal ta banti snac'oj sbahic, soc bayel xiwel ya xtalic ta stojol Jehová te Dios cu'untic, ya me xiwic ta atojol.

Amós 9:3

Teme ya snac' sbahic ta ba wits yu'un Carmelo, tey ya jle a soc ya jtsacticlan; aunque ya snac' sbahic ta jtojol c'alal ta sc'ubulil mar, tey ya calbe ta mandar te chan te ya sti'e.

Jeremías 51:57

Ya jyacubtesbe te príncipaletic soc te p'ijil winiquetic yu'un, te jtsobawetic, te mach'atic ich'bilic ta cuenta soc te soldadohetic yu'une. Ya xwayic sbahtel q'uinal, ma ba ya xcuxix yo'tanic, xchi te Ajwalil, te Jehová te scuentahinej spisil te sbihile.

Jeremías 8:14

¿Bin yu'un huculotic li'i? ¡Ac'a jtsohb jbahtic! ¡Ya x'ochotic bahel ta pueblohetic te joytaybilic ta sts'ahc, tey ya xlajotic a! Como te Jehová te Dios cu'untic ya yac'otic ta ch'ayel, soc la ya'botic cuch'tic ha' te ay svenenohil, como jtahoj jmultic ta stojol Jehová.

Isaías 63:6

Ta scuenta quilimba la jts'o' ta teq'uel te nacionetic, ta scuenta tulan quilimba la jyacubtes soc la jmalbe sch'ich'el ta lum, xchi.

Isaías 29:9

¡Coma abahic, xchamuc awo'tanic, mahcuc asitic, ts'o'situc ya xhilex! ¡Yacubenic, pero ma yu'unuc vino, xhanlajanuquex, pero ma yu'unuc tulan uch'balil!

1 Samuel 14:11

Hich schebalic la yac' sbahic ta ilel yu'un te soldadohetic yu'un te filisteohetic, hich halbotic yu'unic: Ilawilic, yacalic ta loq'uel tal ta ch'entiquil banti snac'oj sbahic te hebreohetic, xchihic.

1 Samuel 13:6

Te c'alal la yilic te winiquetic yu'un Israel te ma xhu' yu'unic (como mero tembilic te pueblo), la snac' sbahic ta ch'en, ta pimil q'uinal, ta sc'uhb muc'ul tontiquil, ta be-ha' ch'entiquil soc ta hotbil yawil.