Nahúm 2:8 - Bible in Tzeltal Bachajón

⁸ Te Nínive hich ay te bin ut'il yawil ha' te yac ta loq'uel te ya'lele. Hich ya yalic: ¡Tehc'ana abahic, tehc'an abahic! xchihic, pero mayuc mach'a ya yil suhtel.

Bible in Tzeltal de Oxchuc y Tenejapa

⁸ Jich bit'il ja' ya xmal loq'uel ta bay lomen ts'ajc'ul, jich ya x'anic loq'uel te yajwal lum Nínive. “Coma abaic. Sujt'anic tel”, xi' ta yawtaybelic; ja'uc me to, ma'yuc mach'a ya sujt' tel.

Nahúm 2:8 Referans Kwoze

Apocalipsis 17:15

Soc hich la yalbon xan te ch'ul a'bat: Te ha'etic la awil te banti hucul te j'antsinel-ants, ha pueblohetic, bayel ants-winiquetic, nacionetic soc c'opiletic.

Apocalipsis 17:1

Tal jtuhl te huqueb ch'ul a'batetic te yich'ojic te huqueb copahetic, hich la yalbon: La', ya ca'bat awil te castigo ya x'a'bot te j'antsinel-ants hucul ta sba ha'etic.

Nahúm 3:17

Te jcananetic awu'un hich c'ohemic te bin ut'il c'ulubetic; te mach'atic muc' sc'oblalic awu'un hich c'ohemic te bin ut'il c'ax bayel c'ulubetic te ya slahman sbahic ta ts'ahc ta yorahil sic; c'alal ya xloc' tal te c'ahc'al, ya xbahtic, mayuc mach'a ya sna' banti.

Jeremías 51:30

Te soldadohetic yu'un Babilonia quechajiquix ta yaq'uel guerra, hiliquix ta yutil te ahnibal ts'ahc yu'unique; lajix te yipic, hich c'ohtic te bin ut'il antsetic; a'bot sc'ahc'al te nahetic yu'unic, waq'uemic te sc'atal-te'eletic yu'unique.

Jeremías 50:16

Lajina ta Babilonia te mach'a ya ya'iy ts'umbajel soc te mach'a ya sboj ta hoz ta yorahil stsobeyel sit. Ta stojol te espada yu'un te j'uts'inwanej jujutuhl ya suht bahel ta slumal, jujutuhl ya x'ahn bahel ta sq'uinal.

Jeremías 46:5

¿Bin yu'un ya quil te bayel ayic ta xiwel, te suhtic bahel? Tsalbilic te soldadohetic yu'unic, loq'uiquix bahel ta ahnimal, ma ba la yilic suhtel ta spatic. ¡Bayuc ay xiwel! xchi te Jehová.

Isaías 48:20

¡Loc'anic ta Babilonia! ¡Ahnanic loq'uel ta stojol te caldeohetique! ¡Pucbeyahic sc'oblal ta aw soc yutsil awo'tanic, halbeyahic sc'oblal c'alal ta sti'il te q'uinale! Hich me yac awalic: Te Jehová la yaq'uix ta libre te Jacob te a'bat yu'une, chihanic me.

Isaías 47:13

Luhbenat yu'un te bayel tojobtesel awich'oj. Ac'a tal scoltayat te mach'atic ya stsahtay yilic te ch'ulchan, te mach'atic ya yilulanic eq'uetic, ta jujun yach'il u ya yalic bin ya xc'oht ta pasel ta atojol.

Isaías 13:14

Hich te bin ut'il gacela-chij te nutsbil, hich te bin ut'il tuminchijetic te mayuc jcanan yu'un, jujutuhl ya suht bahel ta pueblo yu'unic, jujutuhl ya x'ahn bahel ta slumal.

Génesis 10:11

Loc' bahel tey a baht ta Asiria, c'oht spas te Nínive, te Rehobot-Ir, Cala,

Jeremías 51:13

Ha'at te nahinemat ta banti bayel ha'etic, te ay bayel ac'ulejal, c'ohtix te alajibal, set'bilix te hilo yu'un acuxlejal.

Jeremías 47:3

yu'un te xnilet yoc te cawuhetic yu'un te stulanil sc'op te carretahetic, te xju'et te yoque. Te tatiletic ma ba ya scoltayic te yal-snich'nabic ta scaj te laj yip sc'abic.

Nahúm 1:1

Ha sc'op-jalwanej ta stojol Nínive. Te libro yu'un te snahalsit Nahúm te talem ta Elcos.

Isaías 38:14

Ya x'oc'on hich te bin ut'il grulla o ulich, ya x'ahcanajon hich te bin ut'il stsuhmut. Ya xluhb jsit ta yilel te ch'ulchane. Jehová, ayon ta uts'inel, coltayawon.

Isaías 59:11

Jpisiltic ya x'oc'otic hich te bin ut'il osohetic, ay yo'bolil jbahtic ta ahcan hich te bin ut'il stsuhmutetic. La jmahliytic stojil chahpanel, pero mayuc; la jmahliytic aq'uel ta libre, pero namal ay.