Nahúm 2:4 - Bible in Tzeltal Bachajón

⁴ Te carretahetic tulan ya x'ahnimajic ta callehetic, xnilet ya xbehenic ta plazahetic; hich yilelic te bin ut'il tsumbil c'ahq'uetic, hich ya x'ahnimajic te bin ut'il tsantsehwal.

Bible in Tzeltal de Oxchuc y Tenejapa

⁴ Te carretaetic ya x'animajic ta calleetic, ay sc'ajc'al yo'tanic yilel, bayuc nax ya xbajt'ic ta yolil lum. Jichic yilel te bit'il tsumbil c'ajc' te yac ta tilele; jich xlemlajan nax ya xc'ax te bit'il tsantsewal.

Nahúm 2:4 Referans Kwoze

Jeremías 4:13

Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Ezequiel 26:10

Ya smucat ta ts'u'lum ta scaj te bayel cawuhetic yu'un; ya xnihc te ts'ahquetic awu'un yu'un te xnilet te cawuhetic soc carretahetic yu'un, te c'alal ya x'och bahel ta ochibaletic awu'un hich te bin ut'il ya x'ochic bahel ta pueblo te jambilix te sts'ahcule.

Isaías 66:15

Como ilawil, te Jehová ya xtal soc c'ahc', te carretahetic yu'un hich ayic te bin ut'il sutu-ic', yu'un ya yac' tal sc'ahc'al te yilimba, soc ya xtal soc yat c'ahc' te utel yu'une.

Daniel 11:40

C'alal ya xc'oht yorahil te slajibale, te ajwalil ta sur ya me ya'be guerra te ajwalil ta norte; pero ha ya xloc' tal ta stojol hich te bin ut'il chahwuquil ha'al, ya xtal soc carretahetic yu'un guerra, soldadohetic mohemic ta cawu soc bayel barcohetic; ya yochintay bayel q'uinaletic, soc ya xc'ax xan bahel.

Isaías 37:24

Ta scuenta te a'batetic awu'un la alaban te Muc'ul Ajwalil, hich la awal: Mohon bahel ta sba witsiltic soc te ipal carretahetic yu'un guerra cu'un, ta jaxal coheletic yu'un Líbano; la jts'eticlambe te toyol cedrohetic yu'un, te mero lequil tajaltic yu'une; la jta c'ohel c'alal ta stoyolil te witsetic yu'un, ta tohyem te'etic te bayel ya'binal.

Jeremías 46:9

¡Hahchanic ta ahnimal, cawuhetic! ¡Tulan x'ahnimajex, carretahetic! ¡Ac'a behenuquic bahel te soldadohetic te ay yipic: ha te winiquetic yu'un Etiopía soc yu'un Put te yich'ojic smahquilic; soc te winiquetic yu'un Lidia, te ya sna'ic yaq'uel t'ihmalte'!

Ezequiel 23:24

Ya xtal scontrahinat soc chahpalchahp carretahetic, soc bayel winiquetic; ya xtal sjoytayat ta bayuc soc muc' soc tut mahquilaletic soc smahquil jolaletic. Ho'on ya ca'be ta scuentahic te ya schahpanat, ta scuenta te leyetic yu'unic ya schahpanat.

Ezequiel 26:7

Como hich yaloj Jehová, te Ajwalil: Ya cac' taluc ta norte te Nabucodonosor, ajwalil yu'un Babilonia, te ajwalil yu'un ajwaliletic, te ya scontrahin te Tiro soc cawuhetic, carretahetic, soc jmoheletic ta cawu soc bayel soldadohetic.

Proverbios 31:21

Ma smel yo'tan yu'un te mach'atic ay yu'un te c'alal ya xtal me'sic, como spisilic ay lec sc'u'ic.