Nahúm 2:2 - Bible in Tzeltal Bachajón

² Como te Jehová ya ya'be xan yutsilal te Jacob, hich te bin ut'il te yutsilal Israel, aunque j'eleq'uetic la spojbeyic sbiluquic soc la sjinic te sc'abc'ab ts'usubiletic yu'une.

Bible in Tzeltal de Oxchuc y Tenejapa

² Melel te Cajwaltic ya sujt'esbey yutsilal Jacob, ja' te yutsilal Israel. Jich nix bit'il ta neelal, te la apojbey baele, t'anal la awijq'uitayic jilel jich bit'il ste'el ts'usub te ma'yuc sc'ab ya xjile.

Nahúm 2:2 Referans Kwoze

Sofonías 3:11

Ta hich ora ma ba ya xq'uexawatix yu'un jchahpuc te a'teliletic te la atoy aba ta jtojol yu'une, como ya jloq'ues ta awohlil te mach'atic tse'el yo'tanic yu'un te stoybahilic, mayuquix bin ora yac atoy aba ta ch'ul wits cu'un.

Ezequiel 37:23

Ma ba ya sbohlobtesix xan sbahic ta scuenta te loc'ombahetic yu'unic, te bintic ilobtic sba soc te toybahil yu'unique. Ya jcoltay loq'uel ta spisil te toybahil yu'unic te la sta smulic yu'un, ya jpocticlan. Ha pueblo cu'un ya xc'ohtic, ho'on Dioson yu'unic ya xc'ohon.

Isaías 60:15

Ta nahilal ch'aybilat hilel soc p'ajbilat, mayuc mach'a behenic c'axel ta atojol, pero ho'on ya cac' te ay awutsilal sbahtel q'uinal, te ha'at tse'el-o'tanilat yu'un cajalcaj ts'umbalil.

Oseas 10:1

Te Israel ha ts'usubil te bayel ya'binal te ya yac' bayel sit. C'alal p'ohl yu'unic te site, ha nix hich p'ohl te scajtajib ta chiq'uel mahtaniletic; c'alal p'ohl te bintic la yac' te sq'uinalic, ha nix hich p'ohl te loc'ombahetic yu'unique.

Jeremías 49:9

Teme tal ta atojolic te mach'atic jtul-ts'usubiltic, ¿ma bal yacuc xhil yu'unic cha'ox chejuc? Teme tal j'eleq'uetic ta ahc'abal, ¿ma bal lajuc yich' bahel ban c'alal la sc'anic?

Jeremías 25:29

Como ya xhahchon ta spasel bin chopol ta stojol te pueblo banti ya yich' halel te jbihile. ¿Yu'un bal ya xcolex te ha'exe? Ma ba ya xcolex, como ya jticon tal espada ta stojol spisil mach'atic nahinemic ta q'uinal, xchi te Jehová te scuentahinej spisil.

Salmos 47:4

Ha la slehbotic te bin ya quich'tic hilel, ha te bin c'ax t'ujbil la yil te Jacob, te mach'a c'ux la ya'iy ta yo'tan. Selah

Jeremías 48:11

Te Moab lamal q'uinal la ya'iy c'alal ta squeremil, hich te bin ut'il vino te ya sts'aban sba ta yawil, ma ba yich'oj aq'uel ta yan yawil, mayuc bin ora te bahem ta chuquel. Ha yu'un stalel ay yutsil a, ma ba yanijem te sumet yiq'ue.

Ezequiel 37:21

hich xawalbe: Hich yaloj te Jehová, te Ajwalil: Ya jloq'ues tal te israeletic ta yohlil te nacionetic te banti c'ohemic; ya jtsobic ta bayuc ayic, ya cac' te ya xcha'suhtic tal ta sq'uinalic.

Nahúm 2:10

Jochol, jimbil, mayuquix bintic ay tey a, lajix yip yo'tanic, ya xnihc te sjol yacanic, c'ux sch'uhtic soc sacuben sit yelawic.

Nahúm 3:14

Chahpana awa'al yu'un yac awich' joytayel ta guerra, a'beya xan yip te joyob-ts'ahquetic awu'un, ochan ta ahch'al, wots'a ta teq'uel, tsaca te spasojibal ladrillo.