Nahúm 2:10 - Bible in Tzeltal Bachajón

¹⁰ Jochol, jimbil, mayuquix bintic ay tey a, lajix yip yo'tanic, ya xnihc te sjol yacanic, c'ux sch'uhtic soc sacuben sit yelawic.

Bible in Tzeltal de Oxchuc y Tenejapa

¹⁰ Lajinotix, jojch'ajix, t'analix jilel, jich ayix te lum Nínive. Ya xjinix yo'tanic yu'un te xiwele; ya xnijq'uic te sjol yacanique. Ta spisilic ma'yuquix yipic soc sacuben yelawic yu'un xiwel.

Nahúm 2:10 Referans Kwoze

Salmos 22:14

Malbilonix hich te bin ut'il ha', pitc'ujemiquix spisil te jbaquele. Te co'tan hich c'ohem te bin ut'il chabec', yac ta uhlel ta yutil te jbaq'uetale.

Joel 2:6

Te pueblohetic ya xiwic ta stojolic, ya sacub spisil sit yelawic.

Daniel 5:6

Sacalub yu'un soc och xiwel ta yo'tan, laj yip yacan soc la stahticlan sba sjol yacan yu'un.

Jeremías 30:6

Joc'oya awa'iyic soc ilawilic, teme ay winic te ya x'alaje. ¿Bin yu'un te ya quil spisil te winiquetic te hich stsacojic sch'uhtic te bin ut'il ants te ya x'ayinix yal, te ch'ayem sch'ich'el spisil sit yelawic?

Isaías 24:1

Ilawil, te Jehová ya sjohchobtes te lumq'uinal, mayuc bin ya xhil yu'un; ya syanijtesbe te sba te q'uinal soc ya spucticlan bahel te mach'atic nahinemic tey a.

Isaías 21:3

Ha yu'un te bayel sc'uxul te jbaq'uetal, la stsacon te swocol te sc'uxul, hich te bin ut'il swocol te ya x'ayin yal te antse. Te mel-o'tan ma xya'bon ca'iy c'op, noj te co'tan ta xiwel te c'alal la jquile.

Sofonías 3:6

La jcac' jihnuc nacionetic, jimbilic te toyol bahlal ts'ahquetic yu'unique; jochol hil cu'un te callehetic yu'unic, mayuquix mach'atic ya xc'axic tey a, jimbiliquix te pueblohetic yu'unic, mayuquix jtuhluc te ya xnahin tey a.

Nahúm 3:7

Spisil te mach'a ya yilat, ya me x'ahnic bahel ta atojol soc hich me ya yalic: ¡Jimbilix te Nínive! ¿Mach'a ya sna'be yo'bolil sba? ¿Banti ya jtahbat mach'atic ya smuc'ubtesbat q'uinal awa'iy?

Jeremías 51:62

Hich me yac awal: Jehová, ha'at awaloj te yac ajin te lugar ini, mayuc mach'a ya xnahinix tey a, ants-winiquetic o chambahlametic, soc te stalel jochol ya xhil, xchihat.

Isaías 14:23

Ya jc'atp'un ta yawil jch'ix-j'uchetic soc pampam-ha'etic. Ya jmes ta mes yu'un jinel, xchi te Jehová te scuentahinej spisil.

Josué 2:11

Te c'alal hich la jca'iycotic, laj yip co'tancotic yu'un; mayuc jtuhl winic te ay yip yo'tan yu'un ya scomex, como te Jehová te Dios awu'unic, ha Dios ta ch'ulchan ta toyol soc ta bahlumilal ta ye'tal.

Génesis 1:2

Te bahlumilal ma chahpambiluc soc jochol; te yihc'al q'uinal ha smacoj te mero sc'ubulil ha', soc te espíritu yu'un Dios behen ta baba ha'.

Josué 7:5

Te mach'atic ayic ta Hai la smilic waclajuneb scha'winic (36) winiquetic, la snutsic bahel c'alal ta yochibal te pueblo ha to c'alal ta Sebarim, la slajinic ta banti cohel bahel. Hich laj yip yo'tanic te israeletic, hich c'oht yo'tanic te bin ut'il ha'.

Jeremías 8:21

Ay jwocol yu'un te swocol te jlumale; ayon ta mel-o'tan, la yu'untayon tulan xiwel.

Jeremías 49:23

Hich ay sc'oblal te Damasco: Te Hamat soc Arfad ma sna'ic bin ya spasic, como la ya'iyic te bintic ma lecuc te ya xc'oht ta pasel; ya xnihc yo'tanic yu'un xiwel, hich te bin ut'il mar te ma xhu' ta lahmajtesel.

Ezequiel 21:7

Te c'alal hich ya sjoc'obat: ¿Bin yu'un ya x'ahcanajat? te xchihique, hich yac awal: Ta scaj te c'op te ya xtale. C'alal ya xtal ya xlaj yip spisil yo'tanic soc ya xlaj yip spisil sc'abic, spisil ya me smel yo'tanic yu'un soc ya xlaj yip sjol yacanic hich te bin ut'il ha'. Ya xtalix, ya xc'ohtix ta pasel, xchi te Jehová, te Ajwalil.

Ezequiel 31:15

Hich yaloj Jehová, te Ajwalil: Te bin c'ahc'alil te co bahel ta stsobojibal mach'atic chamenic, la jca'be mel-o'tan soc te ya xmucot yu'un te xahabe. La jcom te muc'ul-ha'etic, hich bayel ha'etic la yich'ic comel. Ta scuenta te te' la jmuc ta yihc'al q'uinal te Líbano, soc sayubic spisil te te'etic ta q'uinal.

Nahúm 2:2

Como te Jehová ya ya'be xan yutsilal te Jacob, hich te bin ut'il te yutsilal Israel, aunque j'eleq'uetic la spojbeyic sbiluquic soc la sjinic te sc'abc'ab ts'usubiletic yu'une.