Biblia Todo Logo
Bib sou entènèt

- Piblisite -




Nahúm 1:8 - Bible in Tzeltal Bachajón

8 Pero hich te bin ut'il snojel ha' ya slajinlan te mach'atic ya xcontrahinot yu'un, ha ya snuts bahel ta yihc'al q'uinal te scontrataque.

Gade chapit la Kopi

Bible in Tzeltal de Oxchuc y Tenejapa

8 Ja'uc me to, jich bit'il snojel ja' ya smes bael spisil, ya slajin te mach'atic ya stoy sbaic ta stojole; ya xtaot ta ijc' q'uinal te scontrotaque.

Gade chapit la Kopi




Nahúm 1:8
26 Referans Kwoze  

Ha yu'un hich yaloj te Jehová, te Ajwalil: Ta scuenta quilimba ya cac' taluc tulan ic' soc ta scuenta sc'ahc'al co'tan ya cac' taluc tulan ic'al ha'al, soc niwac bat capal ta ilimba te ya slajin.


Ya cac' te ha sp'isojibal ya xc'oht te stojil chahpanel, soc ha tojobtesel ta plomo ya xc'oht te bintic toj ta pasel. Ya xmesot bahel ta bat te ahnibal yu'un lot, soc ya xmulot ta ha' te nac'ombahil.


Ya me yilic te q'uinal, ha ya yilic wocol soc yihc'al q'uinal, pimil yihc'al q'uinal soc mel-o'tan; ya xch'ojotic bahel ta yihc'al q'uinal.


Soc ya shach sc'ab ta scontrahinel te norte, ya sjin te Asiria, soc ya sc'atp'ujtes ta jimbil q'uinal te Nínive, taquin ya xc'oht hich te bin ut'il jochol taquin q'uinal.


¿Ma bal yacuc xnihc sba te q'uinal yu'un? ¿Ma bal yacuc x'oc' spisil mach'atic nahinemic tey a? Ya xmo bahel spisil te q'uinal hich te bin ut'il te muc'ul-ha' Nilo; ya syuc' sba soc ya xco bahel hich te bin ut'il te muc'ul-ha' yu'un Egipto.


Yan te al-nich'aniletic te sc'oblal ayic ta cuentahinel yu'un te ch'ulchan ya xch'ojotic loq'uel ta fuera ta yihc'al q'uinal, tey ya xc'oht yoq'uetay sbahic soc ya sc'uxuxan yehic a, xchi.


Tal tulan ha'al, soc tal snojel ha' soc tulan ic', tulan la smaj te na, ora buch soc jc'axel jihn te nahe, xchi te Jesús.


Te Nínive hich ay te bin ut'il yawil ha' te yac ta loq'uel te ya'lele. Hich ya yalic: ¡Tehc'ana abahic, tehc'an abahic! xchihic, pero mayuc mach'a ya yil suhtel.


Ha sc'op-jalwanej ta stojol Nínive. Te libro yu'un te snahalsit Nahúm te talem ta Elcos.


C'alal ya xc'oht yorahil te slajibale, te ajwalil ta sur ya me ya'be guerra te ajwalil ta norte; pero ha ya xloc' tal ta stojol hich te bin ut'il chahwuquil ha'al, ya xtal soc carretahetic yu'un guerra, soldadohetic mohemic ta cawu soc bayel barcohetic; ya yochintay bayel q'uinaletic, soc ya xc'ax xan bahel.


Bayel soldadohetic ya yich'ic mesel bahel ta stojol hich te bin ut'il snojel ha', pajal ya yich'ic lajinel soc te príncipal yu'un te chapbil-c'ope.


C'alal ya xc'ax te cheb schanwinic (62) semana, ya yich' milel te mach'a malbil ta aceite, mayuc bintic ya xhil yu'un. Te ants-winiquetic yu'un te príncipal te ya xtal ya me sjinic te pueblo soc te ch'ul awilal; hich ya xtal slajibal te bin ut'il snojel ha', ya xhalaj te jinel ha to c'alal ya xlaj te guerrahe.


Halbeya yutsil sc'oblal te Jehová te Dios awu'unic, te c'alal ma to xtal yu'un a te yihc'al q'uinal, te c'alal ma to ba ac'ohchinej awoquic a ta witsiltic te ayic ta axinal; soc te c'alal yac amahlibel a te sacal q'uinal, ha ya sutp'ij ta axinal yu'un lajel soc ta yihc'al q'uinal.


Pero te be yu'un te mach'atic chopol yo'tanic, hich ay te bin ut'il yihc'al q'uinal; ma sna'ic bin ya sc'ohchinic.


Tal xiwel ta jtojol; ya xtenot bahel te yutsil jc'oblal hich te bin ut'il ic', te bintic ay cu'un hich c'ax bahel te bin ut'il tocal.


Pero te snich'nab te ajwalil ta norte ya schahpan sbahic yu'un guerra, ya stsobic bayel soldadohetic. Ora ya xtal hich te bin ut'il snojel ha', ya xc'ax bahel; patil ya suht tal ta ya'beyel guerra c'alal ta ahnibal ts'ahc yu'un te ajwalil ta sur.


Mala te yip awilimba, ilawil spisil jtoybahetic soc cohteslana.


Ilawil, ya xtal te sc'ahc'alel yu'un Jehová, ha sc'ahc'alel te xiweltic sba, sc'ahc'al yo'tan soc yilimba, yu'un ya sc'atp'un ta jochol taquin q'uinal te lumq'uinal soc ya slajin te jmulawiletic te ayic tey a.


Te eq'uetic soc te xana-eq'uetic ta ch'ulchan ma ba ya yac' sc'ahc'al; ya x'ihc'ub te c'ahc'al te c'alal ya xloc' tal, soc te u ma ba ya yac' sts'anabul.


Ilawil, te Jehová ay mach'a ay yu'un te ay yip soc ay yu'el: hich te bin ut'il ic'al ha'al te ay sbatul, hich te bin ut'il sutu-ic' te ya xlajinwan, hich te bin ut'il tulan ic'al ha'al te soc yip ya xmahl loq'uel. Tulan me ya sch'oj cohel ta lum,


soc hich me yac awal: Hich ya x'etanot ta ha' te Babilonia, ma ba ya scha'hahchix xan tal yu'un te jinel ya cac' tal ta stojole. Tsalbil ya xc'oht, xchihat me. Li' laj te sc'op te Jeremías.


Ha ya scanantaybe yoc te mach'atic yu'un te ch'uhltesbilique, yan te mach'atic chopol yo'tanic ya me xlajic ta yihc'al q'uinal; como mayuc mach'a ya ya'iy tsalaw ta scuenta te yip stuquel.


Ya xlajimbot sc'oblal te c'op achapojic soc te lajele, mayuc yip ya xc'oht te chapbil c'op awu'un soc te muquenal; c'alal ya xtal te tulan wocol, ha ya sts'o'ts'o'teq'uex.


Swiv nou:

Piblisite


Piblisite