Nahúm 1:6 - Bible in Tzeltal Bachajón

⁶ ¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Bible in Tzeltal de Oxchuc y Tenejapa

⁶ ¿Mach'a ya xju' yu'un te ya stejc'an sba ta stojol te yilimbae? ¿Mach'a ya xcujch' yu'un te sc'ajc'ale? Te sc'ajc'al yo'tan ya me spuc bael jichuc c'ajc', ya me xjat yu'un te muc'ul tonetique.

Nahúm 1:6 Referans Kwoze

Jeremías 10:10

Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

Malaquías 3:2

Pero ¿mach'a ya xcuhch yu'un te bin c'ahc'alil ya xtale? ¿Mach'a ya xhu' yu'un te teq'uel ya xhil te c'alal ya xchicnaj tale? Como hich ay te bin ut'il c'ahc' yu'un yuhltesel taq'uin, hich ay te bin ut'il xapon yu'un mach'a ya sac' pac'.

Nahúm 1:2

Te Jehová, ha Dios te ay xut'et yo'tan soc te ya yac' spacol; te Jehová ya ya'be spacol soc ay bayel yilimba; ya ya'be spacol te mach'atic ya xcontrahinot yu'un soc ya yilintay te scontrataque.

Salmos 76:7

¡Ha'at xi'bilat atuquel! ¿Mach'a c'an hu'uc yu'un te ya stehc'an sba ta atojol te c'alal ya xtihl awilimba?

Ezequiel 30:16

Ya ca'be sc'ahc'al te Egipto, te Sin ya me ya'iy bayel sc'uxul, ya me yich' jinel te Tebas, soc te Menfis spisil ora ay me swocol.

Lamentaciones 4:11

Te Jehová ts'acal c'oht te yilimba, la smal cohel te sc'ahc'al yo'tan, la ya'be sc'ahc'al te Sión te la slajin c'alal ta yich'o-ip.

Lamentaciones 2:4

La snit te st'ihmalte' hich te bin ut'il contra, chapalix te swa'el sc'ab hich te bin ut'il contra, la sjinticlan spisil te bintic t'ujbil ta ilel. Ta snahilpac' yu'un te yantsil-nich'an Sión la smal cohel yilimba hich te bin ut'il c'ahc'.

Isaías 27:4

Ma ba ilinemon. Teme ya scontrahinon ta ch'ixileltic soc ch'ixetic, ya xc'axon bahel tey a, jc'axel ya jchic'ticlan.

Isaías 10:16

Ha yu'un te Cajwaltic Jehová te scuentahinej spisil, ya me sticon bahel chamel ta stojol te mach'atic ay yipic; ya xtsacot ta c'ahc' te sbaq'uetalic hich te bin ut'il c'ahc' te yac ta tihlele.

Salmos 90:11

¿Mach'a ya sna'be sba te yip te awilimba? Hich smuc'ul awilimba te bin ut'il ya sc'an yac awich' xi'ele.

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

1 Reyes 19:11

Hich halbot yu'un Jehová: Loc'an tal, tehc'ana aba ta wits ta stojol Jehová, xchi sc'oblal. Ta hich ora c'ax bahel te Jehová, tal mero tulan ic' te la sjaticlan te witsetic soc la stop'ticlan muc'ul tonetic ta stojol Jehová; pero te Jehová ma ba tey ay a ta ic'. C'alal c'ax te ic', tal nihquel; pero te Jehová ma ba tey ay a ta nihquel.

Apocalipsis 16:8

Te schanebal ch'ul a'bat la smal te sbahl te copa yu'un ta c'ahc'al, ha a'bot te ya schic' te ants-winiquetique.

Apocalipsis 16:1

La jca'iy loc' tal tulan c'op ta templo te hich la yalbe te huqueb ch'ul a'batetic: Bahanic, malahic ta bahlumilal te sbahl te huqueb copahetic yu'un te yilimba Dios, xchi.

Apocalipsis 6:17

como c'ohtix sc'ahc'alel te tulan yilimba, ¿mach'a c'an hu'uc yu'un stehc'ambel sba? xchihic ta aw.

Job 40:11

Mala te yip awilimba, ilawil spisil jtoybahetic soc cohteslana.

Salmos 130:3

Jehová, te yacuc awich' ta cuenta te muliletic, ¿mach'a ya xhu' te teq'uel ya xhil?

Isaías 13:13

Yu'un ya cac' ya xnihc te ch'ulchan, soc te bahlumilal ya me xyanij yawil ta scuenta yilimba te Jehová te scuentahinej spisil ta yorahil te sc'ahc'al yilimba.

Isaías 66:15

Como ilawil, te Jehová ya xtal soc c'ahc', te carretahetic yu'un hich ayic te bin ut'il sutu-ic', yu'un ya yac' tal sc'ahc'al te yilimba, soc ya xtal soc yat c'ahc' te utel yu'une.

Jeremías 21:12

Sts'umbalex David, hich ya yal te Jehová: Stojil me xawa'iyic chahpanwanej ta sab, ac'ahic ta libre te mach'a tembil yu'un te j'uts'inwanej, scuenta yu'un ma ba ya xloc' talte quilimba hich te bin ut'il c'ahc'te ya xtihl te mayuc mach'a ya xhu' yu'un stup'el, ta scaj te chopol awa'telique.

Ezequiel 7:8

Yo'tic ta jts'ihn ya jmal cohel te quilimba ta atojol, ya cac' lajuc sc'ahc'al co'tan ta atojol; ya jchahpambat ha chican bin apasoj, soc ya ca'bat castigo yu'un spisil te bintic ilobtic sba awu'une.

Ezequiel 21:31

soc ya jmal cohel quilimba ta atojol; ya cac' tihluc ta atojol te sc'ahc'al te quilimba soc ya cac'at ta sc'ab j'uts'inwanejetic, te ya sna'ic ta lec jinaw.

Ezequiel 39:6

Ya jticon bahel c'ahc' ta stojol Magog soc ta stojol te mach'atic jun yo'tanic nahinemic ta ti'ti'mar. Hich me ya sna'ic a te ho'on Jehovahon.

Sofonías 2:2

te c'alal ma to ba c'ohem ta pasel a te bin chapbil soc te hich ya xc'ax bahel te sc'ahc'alel te bin ut'il suhlil trigo; c'alal ma to ba c'ohem ta atojolic a te tulan sc'ahc'al yilimba te Jehová; c'alal ma to ba c'ohem ta atojolic a te sc'ahc'alel yilimba te Jehová.

Malaquías 4:1

Ya me xtal te sc'ahc'alel, yac ta tihlel hich te bin ut'il horno, spisil te jtoybahetic soc te mach'atic chopol bin ya spasic, ha ac ya xc'ohtic. Te c'ahc'alil te ya xtal ya me schic'ticlan, xchi te Jehová te scuentahinej spisil, ma ba ya xhil yu'un te slohp' o te sc'abe.

Job 9:5

Soc yilimba ya sbul loq'uel te witsiltic, ma sna'ic mach'a la shemts'un.

Job 26:11

Ya xnihquic soc ya xiwic te yoyal te ch'ulchan yu'un te tulan c'op yu'une.

Salmos 76:8

C'alal ta ch'ulchan la awac' ta a'iyel te chahpanel awu'une; te bahlumilal la xi' soc la slahman sba

Isaías 33:14

Te jmulawiletic ta Sión ya xiwic, ya xnihquic te mach'atic ma tojuc yo'tanic, hich ya yalic: ¿Mach'ahotic a te ya xhu' ya xnahinotic soc te c'ahc' te ya xlajinwan? ¿Mach'ahotic a te ya xhu' ya xnahinotic soc te yat c'ahc' te sbahtel q'uinal ay? xchihic.

Lamentaciones 2:3

Ta sc'ahc'al yilimba la slajimbe spisil yip te Israel. Ta stojol te scontra la sloq'ues te swa'el sc'ab ta stojol Israel, la stsac c'ahc' ta Jacob hich te bin ut'il nup'bil c'ahc' te ya slajin spisil ta sjoyobal.