Nahúm 1:5 - Bible in Tzeltal Bachajón

⁵ Ya xnihquic te witsiltic ta stojol, soc te tsehletic ya x'uhlic. Te lumq'uinal ya syuc' sba ta stojol, te bahlumilal soc spisil mach'atic nahinemic tey a.

Bible in Tzeltal de Oxchuc y Tenejapa

⁵ Ya xnijq'uic te toyol witstiquil ta stojol; te peq'uel witstiquil ya x'ulubic yu'un. Spisil te lumq'uinal ya stij sba te c'alal ya yil; spamal balumilal ya stij sba soc te mach'atic nainemic tey a.

Nahúm 1:5 Referans Kwoze

Miqueas 1:4

Ya x'uhl cohel te witsiltic ta ye'tal yoc, ya xjat cohel te spamlejetic hich te bin ut'il chabec' ya x'uhl ta stojol te c'ahc', hich te bin ut'il ya x'oquin cohel ha' ta cohel q'uinal.

Jeremías 4:24

La jquil te witsiltic, yacalic ta nihquel; spisil te tsehletic xyuq'uinaj ta nihquel.

2 Samuel 22:8

Yuc'ot soc nihc te q'uinale, soc la syuc' sbahic te yich'o-ip te ch'ulchan; la stij sbahic como ilin te Diose.

Habacuc 3:10

La yilat te witsetic, nihquic yu'un; c'ax bahel te snojel ha'etic; c'opoj te xahab soc la stoy sc'ab ta toyol.

Salmos 68:8

la syuq'uilan sba te q'uinal, yahl cohel tal ha'al ta ch'ulchan; la syuq'uilan sba te wits Sinaí ta stojol Dios, ha te Dios yu'un Israel.

Jueces 5:5

Nihquic te witsiltic ta stojol Jehová, nihc te Sinaí ta stojol Jehová te Dios yu'un Israel.

Salmos 114:6

Ha'ex, witsetic, ¿bin yu'un wihlex hich te bin ut'il tat tuminchijtic? ha'ex, tsehltsehletic, ¿bin yu'un wihlex hich te bin ut'il tut tuminchijetic?

Salmos 114:4

Te witsetic hich wihlic te bin ut'il tat tuminchijetic, te tsehltsehltic hich wihlic te bin ut'il tut tuminchijetic.

Salmos 98:7

Ac'a awonuc te mar soc spisil bintic ay tey a, te bahlumilal soc te mach'atic tey nahinemic a.

Salmos 46:6

Ya x'awonic te nacionetic, ya xnihquic ban c'alal scuentahinejic; tulan c'opoj te Diose, uhl bahel yu'un te q'uinale.

Éxodo 19:18

Potsot ta ch'ahil spisil te wits Sinaí, yu'un co tal ta yohlil c'ahc' tey a te Jehová. Te ch'ahil xtomet yac ta mohel hich te bin ut'il sch'ahilel horno, soc spisil te wits mero tulan yac ta nihquel.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

San Mateo 28:2

Tal tulan nihquel, yu'un co tal ta ch'ulchan jtuhl ch'ul a'bat yu'un te Cajwaltic, baht ta muquenal, la sbalch'un loq'uel te ton, la shuhcan sba tey a.

San Mateo 27:51

Ta hich ora jats ta ohlil te pac' tsalbil a te Templo, hahch tal ta jatsel ta toyol, loc' ta yoc; nihc te q'uinal, top' te muc'ul tonetic;

Apocalipsis 6:14

Te ch'ulchan ch'ay bahel hich te bin ut'il ya yich' balel hun, soc jeltaybot yawilic spisil witsiltic soc te q'uinaletic joytaybilic ta ha'.

Salmos 18:7

La syuc' sba soc nihc te q'uinale, la syuc' sbahic te yich'o-ip te witsiltic; nihquic ta scaj te ilin te Jehová.

Isaías 5:25

Ha scuentahil te tihl yilimba Jehová ta stojol te pueblo yu'un, soc te la shach sc'ab ta scontrahinel soc te la yehchentes; nihc te witsiltic, te schamen-baq'uetalic ch'ojbilic hilel ta callehetic. Ta spisil ini, ma ba quehchaj te yilimba Jehová, shachoj to te sc'ab ta yaq'uel castigo.

Isaías 24:1

Ilawil, te Jehová ya sjohchobtes te lumq'uinal, mayuc bin ya xhil yu'un; ya syanijtesbe te sba te q'uinal soc ya spucticlan bahel te mach'atic nahinemic tey a.

Isaías 24:20

Hich ya xnihc te q'uinal te bin ut'il jyacubel, hich ya xyuc'ot te bin ut'il lehch-na; c'ax al te smule, ya xyahl cohel yu'un, mayuc bin ora ya xhahch xan.

Joel 2:10

Te lumq'uinal ya snihc sba ta stojolic, te ch'ulchan ya syuc' sba yu'unic; te c'ahc'al soc te u ya x'ihc'ub, ya xch'ay sts'anabul te eq'uetique.

Zacarías 4:7

Ha'at muc'ul witsat, ¿mach'ayat a? Ya xc'atp'ujat ta spamlej ta stojol Zorobabel. Ha ya sloq'ues te ton te bayel sc'oblal te c'alal hich yacalic ta aw: ¡Mero t'ujbil! ¡Mero t'ujbil! te xchihique.

Malaquías 4:1

Ya me xtal te sc'ahc'alel, yac ta tihlel hich te bin ut'il horno, spisil te jtoybahetic soc te mach'atic chopol bin ya spasic, ha ac ya xc'ohtic. Te c'ahc'alil te ya xtal ya me schic'ticlan, xchi te Jehová te scuentahinej spisil, ma ba ya xhil yu'un te slohp' o te sc'abe.

Job 9:5

Soc yilimba ya sbul loq'uel te witsiltic, ma sna'ic mach'a la shemts'un.

Job 26:11

Ya xnihquic soc ya xiwic te yoyal te ch'ulchan yu'un te tulan c'op yu'une.

Salmos 18:8

Loc' ch'ahil ta sni' soc loc' jlajinwanej c'ahc' ta ye, loc' ac'al te stsacoj c'ahc'.

Salmos 104:32

Ha ya yil te lumq'uinal, ya xnihc yu'un; ya spic te witsiltic, ya xloc' ch'ahil yu'un.

Jeremías 10:10

Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

Ezequiel 38:20

te chayetic ta mar, te mutetic ta toyol, te chambahlametic ta q'uinal, spisil te bintic staslajan ya xbehenic ta lumq'uinal, soc spisil te ants-winiquetic ta bahlumilal, ya me xnihquic ta jtojol. Ya xhemts'ujic cohel te witsiltic, ya xhemts'ujic cohel te tontiquil, soc spisil te ts'ahquetic ya xhemts'ujic cohel ta lum.

Amós 9:5

Te Ajwalil, te Jehová te scuentahinej spisil, ya stij te q'uinal, ya x'uhl yu'un, soc ya x'oq'uic spisil te mach'atic ya xnahinic tey a; spisil te q'uinal ya xnoj bahel hich te bin ut'il muc'ul-ha', soc ya xco bahel hich te bin ut'il te muc'ul-ha' yu'un Egipto.