Nahúm 1:4 - Bible in Tzeltal Bachajón

⁴ Ya yut te mar, ya yac' taquijuc, ya yac' taquijuc spisil te muc'ul-ha'etic. Te Basán soc te Carmelo ya xuch'ub, soc ya xluhbaj te nichim yu'un Líbano.

Bible in Tzeltal de Oxchuc y Tenejapa

⁴ Ya scom te mar, soc ya staquintes; ya me staquintes spisil te muc'ja'etique. Te spamlejetic yu'un Basán soc te wits Carmelo, ya sayubic, soc ya xlubaj te nichimetic ta Líbano.

Nahúm 1:4 Referans Kwoze

Isaías 33:9

Te lumq'uinal ya smel yo'tan soc ya xlaj yip, ya xq'uexaw te Líbano soc ya sayub; te Sarón sutp'ij ta jochol taquin q'uinal, te Basán soc Carmelo ya slihlinic cohel ya'binalic.

Salmos 106:9

La yalbe tulan mandar te Mar Rojo, hich taquij; la yac' te hich c'axic ta sc'ubulil te mar te bin ut'il ta jochol taquin q'uinal.

Isaías 51:10

¿Ma bal ha'ucat te la ataquijtes te mar, te ha'etic yu'un te muc'ul xahab, te la ac'atp'un ta be te sc'ubulil te mar scuenta yu'un ya xc'axic bahel te mach'atic ac'bilic ta libre?

Isaías 44:27

Ho'on me te ya calbe te sc'ubulil te mar: ¡Taquijan! ¡Ya jtaquijtes te be-ha'etic awu'un! xchihon.

Salmos 114:5

Mar, ¿bin yu'un ahnat? Ha'at, Jordán, ¿bin yu'un te suhtat ta apat?

Salmos 114:3

Te mar ha la yil, hich loc' ta ahnel, te muc'ul-ha' Jordán suht ta spat.

Salmos 104:7

La awut, hich ahnic bahel, c'alal la ya'iybat te chahwuc awu'un ora ahnic bahel;

Salmos 74:15

La ajam sloq'uib-ha' soc muc'ul-ha'etic, la awac' taquijuc te muc'ul-ha'etic te stalel ya x'oquinic.

San Mateo 8:26

Halbotic yu'un: ¿Bin yu'un ya xiwex, winiquetic te mayuc lec sch'uhunel awo'tanic? xchi sc'oblalic. Hich la stehc'an sba te Jesús, tulan la scom te ic' soc te mar, mero lamal hil te q'uinale.

Amós 5:8

Te mach'a la spas te Xana-ec' soc te Cruz-ec', te ya sc'atp'un ta sacal q'uinal te yihc'al q'uinal soc ya yac' ta ahc'abal te c'ahc'alele, te ya yic' tal te ya'lel te mar soc ya smal ta sba te lumq'uinal: ha Jehová te sbihile.

Amós 1:2

Hich la yal: Ya x'awon Jehová c'alal ta Sión, ya yac' ta a'iyel sc'op c'alal Jerusalén, te aquiltic yu'un te jcanan-tuminchijetic ya xtaquij soc ya xtaquij te ba wits Carmelo.

Ezequiel 30:12

Ya cac' taquijuc te muc'ul-ha'etic soc ya cac' te q'uinal ta sc'ab mach'atic chopol yo'tanic; soc ta scuenta sc'ab jyanlumetic ya cac' lajuc te q'uinal soc spisil bintic ay tey a. Ho'on Jehovahon c'opojonix.

Job 38:11

soc hich la jcalbe: Li' nax c'alal ya xc'ohat, ma me sohlat bahel; tey nax ya xquehchaj a te toybahil yu'un te tulan stselajan mar awu'un, te xchihone.

Génesis 8:1

Te Dios la sna' te Noé soc spisil chambahlametic, spisil bintic cuxajtic te sjoquinejic ta barco. Dios la yac' taluc ic' ta bahlumilal, hich ts'uj cohel te ha'e.

Josué 3:16

quehchaj te ha' te ya x'oquin tal ta ahc'ol, namal to la stsob hilel sba ta pueblo Adam nopol ta Saretán, yan te yoc te ya x'oquin bahel ta mar yu'un Arabá, ha te Mar Salado, taquij bahel. Hich sohlic bahel te pueblo ta stojol Jericó.

2 Samuel 22:16

Chicnaj hilel ye'tal te mar, chicnaj hilel te yich'o-ip bahlumilal, ta scaj te tulan tsitsel yu'un Jehová, ta scaj tulan ic' te loc' ta sni'.

Isaías 42:15

Ya jin te witsiltic soc te tsehletic, ya jtaquijtes spisil te ha'mal yu'une; te muc'ul-ha'etic ya jc'atp'un ta q'uinaletic joybilic ta ha', soc ya jtaquijtes te yawilic te ha'etique.

Ezequiel 38:20

te chayetic ta mar, te mutetic ta toyol, te chambahlametic ta q'uinal, spisil te bintic staslajan ya xbehenic ta lumq'uinal, soc spisil te ants-winiquetic ta bahlumilal, ya me xnihquic ta jtojol. Ya xhemts'ujic cohel te witsiltic, ya xhemts'ujic cohel te tontiquil, soc spisil te ts'ahquetic ya xhemts'ujic cohel ta lum.

Salmos 18:16

Ha la yac' tal sc'ab ta toyol, la stsacon, la sloq'ueson ta banti bayel ha'etic.