Nahúm 1:2 - Bible in Tzeltal Bachajón

² Te Jehová, ha Dios te ay xut'et yo'tan soc te ya yac' spacol; te Jehová ya ya'be spacol soc ay bayel yilimba; ya ya'be spacol te mach'atic ya xcontrahinot yu'un soc ya yilintay te scontrataque.

Bible in Tzeltal de Oxchuc y Tenejapa

² Te Cajwaltic, ja' te Dios te ma smulan teme ay bila yan ya jch'uuntique, ya me sujt'esbey ta swenta te j'uts'inwanejetique. Ya me yac'bey spacol te mach'atic ya stoy sba ta stojole; ya me yilintay te scontrotaque.

Nahúm 1:2 Referans Kwoze

Zacarías 8:2

Bayel xut'et co'tan ta stojol Sión, soc bayel ilimba te xut'et co'tan yu'un.

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Salmos 94:1

Jehová, ha'at Diosat te yac awa'be spacol, ha'at Diosat te yac awa'be spacol, ac'a aba ta ilel.

Éxodo 34:14

Ma me xanijan aba ta stojol junuc yan dios, como te Jehová, te ha Xut'et te sbihile, ha Dios te xut'et yo'tan.

Josué 24:19

Pero te Josué la yalbe te pueblo: Ma xhu' yac awac' abahic ta a'batinel yu'un te Jehová, como ha ch'ul Dios soc ha Dios te xut'et yo'tan, ma ba ya scuchbeyex atoybahilic soc amulic.

Hebreos 10:30

Como ya jna'betic sba te mach'a hich yaloj: Ho'on ay ta jcuenta spaquel c'abal, ho'on ya ca'be stoj, xchi, soc te hich la yal xan: Te Cajwaltic ya me yich' ta c'op te pueblo yu'une, te xchihe.

Isaías 42:13

Te Jehová ya xloc' tal hich te bin ut'il soldado, hich te bin ut'il jtuhl winic yu'un guerra ya shachbe xut'et yo'tan; ya stoy sc'op, ya x'awon yu'un guerra, ya stsal te scontrataque.

Deuteronomio 4:24

como te Jehová te Dios awu'un ha c'ahc' te ya xlajinwan, ha Dios te xut'et yo'tan.

2 Pedro 2:9

Te Cajwaltic ya sna' scoltayel loq'uel ta sujel te mach'atic jun yo'tanic ta stojol Dios, soc ya sna' sq'uejel te mach'atic ma tojuc bin ya spasic yu'un ya yich'ic castigo c'alal ya sta yorahil ich'el ta c'op;

Romanos 12:19

Quermanotac te c'uxex ta co'tan, ma me xapac ac'abalic, ac'a a'tejuc te yilimba Dios, como hich ts'ihbabil: Ho'on cu'un suhtesbeyel spacol; ho'on ya ca'be stoj, xchi te Cajwaltique.

Miqueas 5:15

Ta scuenta quilimba soc sc'ahc'al co'tan ya ca'be spacol te nacionetic te ma ba la sch'uhumbonic te jc'ope.

Joel 2:18

Te Jehová, te bin ut'il xut'et yo'tan ta scuenta te q'uinal yu'un, ya me sna'be yo'bolil sba te pueblo yu'une.

Ezequiel 39:25

Ha yu'un, hich yaloj te Jehová, te Ajwalil: Yo'tic ya cac' suhtuc talel te jchuqueletic yu'un Jacob, soc ya jna'be yo'bolil sba spisil te sna Israel; soc ya cac' ta ilel te xut'et co'tan yu'un te jch'ul bihile.

Ezequiel 6:12

Te mach'a namal, ay ya xcham ta jmilawal-chamel; te mach'a nopol ay, ya xlaj ta espada; te mach'a cuxul ya xhil, ya xcham ta wi'nal. Hich me ts'acal ya xc'oht te quilimba ta stojolique.

Jeremías 4:4

Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

Isaías 51:20

Tup' yiq'uic te awalatac, metsajtic ta jujuxuhc callehetic, hich te bin ut'il ha'mal chij te ochem ta yaquil. Nojelic ta yilimba te Jehová, nojel ta spisil te utel yu'un te Dios awu'une.

Isaías 51:17

Wic'a asit, wic'a asit, hahchan, Jerusalén, ha'at te la awuch'be yilimba ta copa te ay ta sc'ab te Jehová, te la awuch' spisil te copa te ya yac' te xhanlajanic ya xbehenic yu'une.

Job 20:23

Te c'alal ya snojesbe sch'uht, Dios ya sticon yilimba ta stojol, ya yac' te xnilet ya xhul ta stojol hich te bin ut'il ha'al.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Romanos 13:4

como ha a'bat yu'un Dios yu'un hich lec ya xc'ohat a. Yan teme yac apas te bin chopol, xiwan me yu'un, como ma tojoluc yich'oj te espada, como ha a'bat yu'un Dios, ha ya ya'be castigo te mach'a chopol bin ya spase.

Zacarías 1:14

Ha yu'un te ch'ul a'bat te yac sc'opombelon, hich la yalbon: Puca ta halel: Hich yaloj Jehová te scuentahinej spisil: Bayel xut'et co'tan ta stojol Jerusalén soc Sión.

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

Ezequiel 38:18

Ta hich ora, te c'alal ya xtal scontrahin Israel te Gog, xchi te Jehová, te Ajwalil, ya xhahch quilimba soc sc'ahc'al co'tan.

Ezequiel 36:6

Ha yu'un hala sc'op-jalwanej ta stojol te sq'uinal Israel, soc halbeya te witsiltic soc tsehletic, te uc'umetic soc te spamlejetic te hich yaloj te Jehová, te Ajwalil: C'opojonix ta xut'et co'tan soc ta sc'ahc'al co'tan te bin ut'il la awich'ic p'ajel yu'un te yantic nacionetique.

Ezequiel 8:18

Ha yu'un ya me x'a'tejon soc sc'ahc'al quilimba; ma ba ya jpasbe perdón, ma ba ya jna'be yo'bolil sbahic. Aunque tulan ya x'awonic ta jchiquin, ma ba ya ca'iybe sc'opic, xchi te Jehová.

Ezequiel 5:13

Hich ya xlaj te quilimba, ya cac' c'ohtuc ta stojolic te sc'ahc'al co'tan, hich ya xlahmaj a. Hich me ya sna'ic a te ho'on Jehovahon c'opojonix soc xut'et co'tan, c'alal ya jts'acaytes ta stojolic te quilimbahe.

Lamentaciones 4:11

Te Jehová ts'acal c'oht te yilimba, la smal cohel te sc'ahc'al yo'tan, la ya'be sc'ahc'al te Sión te la slajin c'alal ta yich'o-ip.

Jeremías 36:7

Ya wan xc'oht ta stojol Jehová te bin ya yalic wocol yu'un, soc jujutuhl ya wan yihquitayic hilel te chopol be yu'unique; como muc' te yilimba soc sc'ahc'al yo'tan te Jehová te ya xhul ta stojol te pueblo ini, xchi.

Jeremías 25:15

Hich la yalbon te Jehová, te Dios yu'un Israel: Tsacbon ta jc'ab te copa nojel ta vino yu'un quilimba, a'beya yuch'ic spisil te nacionetic te banti ya jticonat bahele.

Jeremías 3:5

¿spisil bal ora ya x'ilinat? ¿sbahtel bal q'uinal ya xhalaj te awilimba? ma bal xchihucat? Hich ya xc'opojat, pero la apas spisil te bin chopol te hu' awu'une, xchi te Jehová.

Isaías 66:15

Como ilawil, te Jehová ya xtal soc c'ahc', te carretahetic yu'un hich ayic te bin ut'il sutu-ic', yu'un ya yac' tal sc'ahc'al te yilimba, soc ya xtal soc yat c'ahc' te utel yu'une.

Deuteronomio 7:10

pero ya ya'be stoj stuquel te mach'a ya x'ihlayot yu'un, jc'axel ya slajin; ma ba ya xhalaj te ya ya'be castigo te mach'a ya x'ihlayot yu'une.

Jeremías 28:8

Te jalwanejetic te nahil c'axic cu'untic ta namey la yalic ta sc'op-jalwanej sc'oblal guerra, wocol soc jmilawal-chamel ta stojol bayel ta chahp nacionetic soc muc'ul ajwaliletic.

Ezequiel 38:19

Como ta scuenta xut'et co'tan soc ta quilimba caloj te ta hich ora ay tulan nihquel ta sq'uinal Israel,

Éxodo 34:7

ay sc'uxul yo'tan ta stojol bayel ta mil, ya spas perdón yu'un te bin chopol, te toybahil, soc te mulile; pero ma ba ya yal te mayuc smul te mach'a ay smul, ha ya ya'be stoj smul te me'iltatiletic te yal-snich'nabic soc smamatac c'alal ta yoxcajal soc schancajal te sts'umbalique, xchi.

Números 25:11

Te Finees snich'an Eleazar, te snich'an te sacerdote Aarón, la yac' quehchajuc te quilimba ta stojol te snich'nab Israel, yu'un la yac' ta ilel ta stojolic te xut'et yo'tan te hich nix ay te bin ut'il te xut'et co'tan; ha scuentahil te ma ba jc'axel la jlajin te snich'nab Israel ta scuenta te xut'et co'tan.

Jeremías 50:15

¡Awtayahic ta sjoyobal! ¡La yac' sba ta c'abal! ¡Yahlix cohel te bahlal ts'ahquetic yu'un, jihnix cohel te ts'ahquetic yu'une! ¡Ha te spacol yu'un Jehová! A'beyahic spacol; pasbeyahic hich te bin ut'il la spas.