Nahúm 1:12 - Bible in Tzeltal Bachajón

¹² Hich yaloj te Jehová: Aunque tulanic te asiriahetic soc bayelic, ya me yich'ic bulel soc ya xch'ayic bahel. La jcac' c'axuc awocol, Judá, pero ma ba ya caq'uix xan awocol.

Bible in Tzeltal de Oxchuc y Tenejapa

¹² Jich yu'un te Cajwaltic ya yalbey te lum yu'une: —Manchuc me tulanic ta jyalel te asiriaetic soc bayalic, ya me yich'ic jinel, soc ya me xch'ayic bael. La cac' c'axuc awocol, ja'uc me to, ma ba ya cac' xwoclajat yan buelta.

Nahúm 1:12 Referans Kwoze

Joel 2:19

Te Jehová hich ya sjac'be sc'op te pueblo yu'une: Ya jticombeyex trigo, yach'il vino soc aceite, tic' ya xnoj ach'uhtic yu'un; mayuquix bin ora ya cac' te yac awich'ic labanel ta yohlil te nacionetique.

Apocalipsis 7:16

Ma ba ya xwi'najiquix soc ma ba ya ya'iyiquix taquinti'il, ma ba ya ya'iyiquix sc'uxul c'ahc'al, o yan sq'uixnal,

Nahúm 1:15

¡Ilawil, tey ta sba witsiltic ay te yoc te mach'a ya yich' tal te lec yach'il c'op, te ya yalbe sc'oblal te lamal q'uinale! Pasa te q'uinetic awu'un, Judá, c'ohtesa ta pasel te bintic awaloj ta jamal, como mayuquix bin ora ya yochintayat te mach'a chopol yo'tan; jc'axel la yich'ix lajinel.

Daniel 11:10

Pero te snich'nab te ajwalil ta norte ya schahpan sbahic yu'un guerra, ya stsobic bayel soldadohetic. Ora ya xtal hich te bin ut'il snojel ha', ya xc'ax bahel; patil ya suht tal ta ya'beyel guerra c'alal ta ahnibal ts'ahc yu'un te ajwalil ta sur.

Isaías 51:22

Hich ya yal te Jehová te Ajwalil, te Dios awu'un, te ya xc'opoj ta scuenta te pueblo yu'une: Ilawil, la jloq'uesbat ta ac'ab te copa te la yac'at te ya xhanlajanat yu'un, mayuc bin ora yac awuch'ix xan te copa yu'un te quilimbahe.

Isaías 37:36

Hich te ch'ul a'bat yu'un Jehová baht smil oxeb scha'winic ta pic soc lajunwinic yoxbahc' (185,000) ta tuhl ta scampamento te asiriahetique. C'alal hahchic ta sab, tey ayic a spisil te chamen-baq'uetetic.

Isaías 31:8

Te Asiria ya xlaj ta espada te ma ha'uc espada yu'un winic, ya xlajinot yu'un espada te ma ha'uc espada yu'un winic. Ya me x'ahnic loq'uel ta stojol te espada, soc te queremetic yu'unic ya x'ac'otic ta tulan a'tel.

Isaías 30:19

Pueblo yu'un Sión te nahinemex ta Jerusalén, ma ba ya x'oc'atix. Te mach'a ya ya'iy c'uxultaywanej ya sna'bat yo'bolil aba soc ya sjac'bat te c'alal ya ya'iy te aw awu'une.

Isaías 17:14

Ta xmahl c'ahc'al, ay bayel xiwel; pero c'alal ma to ba sacuben q'uinal a, mayuquix te jcontra. Hich ya xc'oht ta stojol te mach'atic ya yelc'anotic, hich ya xc'oht ta stojol te mach'atic ya spojbotic jbiluctic.

Isaías 8:8

ya xc'ax bahel ta stojol Judá, ya xmulot yu'un, ya xnoj c'alal ta snuc'. Ya slich' bahel xic', ya snojesbat sjamalil aq'uinal, ha'at Emanuel, xchi.

Isaías 7:20

Ta hich ora te Jehová ya me smajan navaja ta jehch muc'ul-ha' Éufrates (ha te ajwalil yu'un Asiria), ya me squits'be stsotsel sjol soc stsotsel yoc, soc ya me sloq'uesbe yisim.

2 Reyes 19:37

Te c'alal yac ta sch'uhuntayel ta templo yu'un te sdios Nisroc a, te Adramelec soc Sarezer te snich'nab la smilic ta espada soc loq'uic ta ahnel ta sq'uinal Ararat. Ha och ta sjelol ta ajwalil te Esarhadón te snich'ane.

2 Reyes 19:35

Ha nix ta ahc'abal a te loc' ch'ul a'bat yu'un Jehová, baht smilticlan oxeb scha'winic ta pic soc j'ohlil yoxbahc' (185,000) ta tuhl ta campamento yu'un te asiriahetique. C'alal hahchic ta sab, tey ayic a te mach'atic chamenic.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Isaías 10:16

Ha yu'un te Cajwaltic Jehová te scuentahinej spisil, ya me sticon bahel chamel ta stojol te mach'atic ay yipic; ya xtsacot ta c'ahc' te sbaq'uetalic hich te bin ut'il c'ahc' te yac ta tihlele.