Nahúm 1:10 - Bible in Tzeltal Bachajón

¹⁰ Hich ya xc'ohtic te bin ut'il ch'ixetic te sts'otoj sbahic, soc ts'ajal ta syacubelic, ya xlajic ta c'ahc' hich te bin ut'il taquin ha'mal.

Bible in Tzeltal de Oxchuc y Tenejapa

¹⁰ Melel jichic me te bit'il ch'ixetic te sts'otoj sbae, jich bit'il taquin ac, ya me xc'ajq'uic ta jc'axel.

Nahúm 1:10 Referans Kwoze

Miqueas 7:4

Te mach'a lec yilel hich c'ohem te bin ut'il ch'ix; te mach'a mero toj hich c'ohem te bin ut'il jpeht ch'ix. Yac ta talel te sc'ahc'alel castigo awu'un, ha te bin la yalic te j'il-q'uinal awu'un; yorahilix te howiyel awu'une.

Malaquías 4:1

Ya me xtal te sc'ahc'alel, yac ta tihlel hich te bin ut'il horno, spisil te jtoybahetic soc te mach'atic chopol bin ya spasic, ha ac ya xc'ohtic. Te c'ahc'alil te ya xtal ya me schic'ticlan, xchi te Jehová te scuentahinej spisil, ma ba ya xhil yu'un te slohp' o te sc'abe.

Nahúm 3:11

Ha nix hichat, Nínive, ya me xyacubat soc ya me awich' naq'uel; yac ale banti yac anac' aba, ta scaj te acontrahe.

Isaías 9:18

Como te bin chopol, ya xtihl hich te bin ut'il c'ahc', ya slajin pimil ch'ixileltic soc ch'ixetic, ya schic' te pimil tohyem te'etic, xtomet ya xmo bahel hich te bin ut'il sutu-ic'.

Isaías 5:24

Ha yu'un, hich te bin ut'il ya slajin c'ajben te yat c'ahc', soc te ya slajin ac te c'ahq'ue, ha nix hich ya xc'a' te slohp'ic, soc ya xch'ay bahel snichic hich te bin ut'il ts'ubilum; como la sp'ajbe te ley yu'un Jehová te scuentahinej spisil, soc la yihlayic te sc'op te Ch'ul Dios yu'un Israel.

Jeremías 51:57

Ya jyacubtesbe te príncipaletic soc te p'ijil winiquetic yu'un, te jtsobawetic, te mach'atic ich'bilic ta cuenta soc te soldadohetic yu'une. Ya xwayic sbahtel q'uinal, ma ba ya xcuxix yo'tanic, xchi te Ajwalil, te Jehová te scuentahinej spisil te sbihile.

Jeremías 51:39

C'alal ya x'och sq'uixinal ya jchahpambe bayel we'elil soc ya cac' te ya xyacubic, yu'un ya stse'ejinic soc ya x'och swayelic sbahtel q'uinal te ma xwihc' sitic yu'un, xchi te Jehová.

Isaías 27:4

Ma ba ilinemon. Teme ya scontrahinon ta ch'ixileltic soc ch'ixetic, ya xc'axon bahel tey a, jc'axel ya jchic'ticlan.

Salmos 68:2

Hich yac ach'ayticlan bahel te bin ut'il ya xtenot bahel ta ic' te ch'ahile; hich te bin ut'il ya x'uhl chabec' ta c'ahc', hich me ya xch'ay bahel ta stojol Dios te mach'atic chopolique.

2 Samuel 13:28

Te Absalón hich la yalbe te a'batetic yu'un: Ya me awilic ta lec te Amnón te c'alal yacubenix yu'un vino a. Te c'alal hich ya cal: Milahic te Amnón, teme xchihone, ya me amilic. Ma me xiwex, como ho'on jmandar. Ac'a fuersa, ayuc me yip awo'tanic ta spasel, xchi.

1 Samuel 25:36

Te Abigail c'alal suht bahel ta stojol Nabal, yac ta pas-q'uin ta sna a hich te bin ut'il ajwalil. Tse'el yo'tan te Nabal soc buen yuch'oj, ha yu'un mayuc bin la yalbe ha to ta schebal c'ahc'al.

Salmos 118:12

La sjoytayonic hich te bin ut'il schanul chab, pero ora tup'ic hich te bin ut'il ya xc'ahc' ch'ixetic; ta scuenta sbihil Jehová la jlajinlan.

Isaías 47:14

Ilawil, hich ya xc'ohtic te bin ut'il taquin ac: ya xchic'ot yu'un c'ahc'; ma xhu' ya scoltay sbahic yu'un te yip te yat c'ahc'. Mayuc ya xhil yac'alel yu'un c'atimal, mayuc c'ahc' te ya xhuhcajat ta sc'atinel.

Isaías 56:12

Hich ya yalic: Conic, ya cuch'tic vino, ya xyacubotic yu'un tulan uch'balil. Hich nix ya jpastic pajel, o c'ax lec to xan a, xchihic.

Éxodo 5:12

Ha yu'un te israeletic la spuc sbahic ta spahmal sq'uinal Egipto ta slehel c'ajben yu'un sjelol te aque.

Éxodo 15:7

Ta scuenta smuc'ul awu'el la ajin cohel te mach'atic la scontrahinat. La aticon bahel awilimba, ha la slajin ta c'ahc' hich te bin ut'il taquin ha'mal.