Miqueas 7:1 - Bible in Tzeltal Bachajón

¹ ¡Obol jba! yu'un hich c'ohemon te bin ut'il c'alal tsobilix sit a ta yorahil snahtil c'ahc'al, c'alal c'axemix ta lehel a te bintic hilem yu'un te ts'usubil, mayuc hilem jchejuc ta we'el, mayuc hilem te sit te bayel ya jmulan.

Bible in Tzeltal de Oxchuc y Tenejapa

¹ ¡Obol jba! Jich c'oemon ya caiy te bit'il ya jle xan te c'alal c'axemix a te bila la yich' tulele; ma ba ya jtaix sit ts'usub ni sit higuera, ja'ic te bi ya smulan co'tan swe'elinel xane.

Miqueas 7:1 Referans Kwoze

Oseas 9:10

Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

Isaías 28:4

Te snich te yac ta taquijel, ha te t'ujbil yutsilal, te ay ta shahchibal te spamlej te lec slumil, hich ya xc'oht te bin ut'il sba sit higuera te ma to yorahiluc ta tsobel: teme ay mach'a ya yile, ya stul, ya slo' ta ora.

Isaías 24:13

Hich ya xc'oht ta bahlumilal soc ta stojol nacionetic te bin ut'il ya yich' yuq'uel te olivo, te bin ut'il ya yich' xan lehel te sit ts'usub te c'alal tsobilix a.

Isaías 17:6

Ay to ya xhil tey a, hich te bin ut'il c'alal ya xyuc'ot te olivo; ay cheb oxeb sit ya xhil ta sc'abc'ab, chaneb o ho'eb ya xhil ta sc'abc'ab te bayel ya yac' sit, xchi te Jehová te Dios yu'un Israel.

Jeremías 45:3

Hich la awal: ¡Obol jba! Ma hipuc a te ay bin c'ux ya ca'iy, te Jehová la ya'bon xan mel-o'tan a. Luhbenonix yu'un ahcan, mayuc ban ya jta cux-o'tanil, xchihat.

Jeremías 15:10

¡Ay, obol jba, jnan, te la awalatayon, ho'on te ya jach c'op soc te ya jcontrahin spisil te q'uinale! Mayuc bin jmajanej soc mayuc bin cac'oj ta majanel, pero spisilic ya sbohlc'optayonic.

Jeremías 4:31

La jca'iy aw hich te bin ut'il yaw ants te ya x'ayin yal, hich bin ut'il swocol ants c'alal ya x'ayin ba-alal yu'un; ha te aw yu'un te yantsil-nich'an Sión, te ya shach sc'ab soc te hich ya yal: ¡Obol jba, ya xlaj quip ta scaj te jmilawetic! xchi te Jehová.

Isaías 24:16

C'alal ta sti'il bahlumilal ya ca'iytic c'ayoj te hich ya yal: ¡Ay yutsil sc'oblal te mach'a toj yo'tan! xchi. Hich la jcal: ¡Ay me jwocol, ay me jwocol, ay yo'bolil jba! Te j'ac'awetic ta c'abal ya x'ac'awanic ta c'abal, ta scuenta schopolilic ya x'ac'awanic ta c'abal, xchihon.

Isaías 6:5

Ha yu'un hich la jcal: ¡Ay jwocol, ya xchamon! como ho'on winicon te bohloben sc'oblal que soc nahinemon ta yohlil te pueblo te bohloben sc'oblal yehic, la jquil ta jsit te Ajwalil, te Jehová te scuentahinej spisil, xchihon.

Salmos 120:5

¡Obol jba te nahinemon ta Mesec, te nahinemon ta yohlil te nahilpaq'uetic yu'un Cedar!

Jeremías 24:2

Ta jun moch ay lequil higohetic, hich te bin ut'il te nahil ya xc'anube. Ta yan moch ay higohetic te ma lecuc, ma xhu' ta lo'el.

Números 18:13

Spisil sba sit ts'unub-awalil ya xloc' ta sq'uinalic te ya yich'ic tal ta stojol Jehová, ha'at me awu'un. Spisil mach'atic lec sc'oblalic ay ta ana ya xhu' ya swe'ic.

Proverbios 20:6

Ay tsobolic ya yal sbahic te lec yo'tanic; pero te winic te jun yo'tan ¿mach'a ya sta?

Jeremías 5:1

Behenanic ta callehetic yu'un Jerusalén, ila me awilic ta lec, nopa awa'iyic, lehahic ta plazahetic; teme yac atahic jtuhluc te ya spas te bin toj, te ya sle te bin smelelil, yu'un ya jpasbe perdón.