Miqueas 5:3 - Bible in Tzeltal Bachajón

³ Pero Dios ya yihquitayic hilel ha to c'alal ya x'ayin yal te ants te swoloj yal, soc te ya scha'joquinic te snich'nab Israel te yermanotac te hilemique.

Bible in Tzeltal de Oxchuc y Tenejapa

³ Te Cajwaltic ya yijq'uitay yo'tic te mach'atic ay yu'une, ja' to me te c'alal ya x'ayin yal te ants yac ta smaliyel te yale. Ja' yu'un jich me ya stsob sbaic soc slumalic te israeletic te pujq'uemic ta yan lum.

Miqueas 5:3 Referans Kwoze

San Mateo 1:21

Ya x'ayin yal, soc ya me awa'be sbihilin JESÚS, como ha ya scoltay yu'un smulic te pueblo yu'un, xchi sc'oblal.

Miqueas 4:7

Te coxo'etic ya cac' te ha'ic te mach'atic hilemic, te mach'atic puhquemic ya cac' te ha tulan nación ya xc'ohtic. Ya xcuentahinotic yu'un Jehová ta wits Sión, ta ora ini soc ta sbahtel q'uinal.

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

Miqueas 7:13

Jochol taquin q'uinal ya xc'oht te q'uinal ta scaj te mach'atic nahinemic tey a, ta scaj te sit te ya'telique.

Oseas 2:14

Ha scuentahil te ya jmon talel; ya quic' bahel ta jochol taquin q'uinal soc ya cutsil-c'opon.

Oseas 2:9

Ha yu'un ya jcha'ich' te trigo ta yorahil soc te vino cu'un te c'alal ya yich' pasel; ya jloq'uesbe te stsotsel tuminchij soc te lino cu'un te la jca'be yu'un ya smuc sba a.

Romanos 8:29

Como te mach'atic nahil la sna'be sba, ha nix la schahpan te pajal yilel ya xc'ohtic soc te Snich'ane, scuenta yu'un muc'ul banquilal ya xc'oht yu'un tsobol ihts'inaletic.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Mateo 12:50

Como spisil te mach'atic ya spasbeyic te bin ya sc'an yo'tan te Jtat ay ta ch'ulchan, ha quihts'inab soc ha jnan stuquel, xchi.

Miqueas 6:14

Ya xwe'at, pero ma xnoj ach'uht yu'un, stalel ay awocol ta wi'nal; yac atsob, pero mayuc bin ya xhil awu'un, soc te bin q'uejbil awu'un ya cac' ta lajel ta espada.

Jeremías 31:1

Ta hich ora, xchi te Jehová, ho'on Dioson ya xc'ohon yu'un spisil ta chahp sts'umbal Israel, soc ha pueblo cu'un ya xc'ohtic, xchi.

Isaías 11:11

Soc ta hich ora te Jehová ya scha'hach sc'ab ta stsobel tal te pueblo yu'un te ayic ta Asiria, Egipto, Patros, Etiopía, Elam, Sinar, Hamat soc ta ti'ti'mar.

2 Crónicas 30:7

Ma me hichuquex te bin ut'il ame'atatic soc te awermanotac te la stoy sbahic ta stojol Jehová te Dios yu'un te sme'static, te hich ac'otic ta jinel yu'un, hich te bin ut'il yac awilic ta ora ini.

1 Reyes 14:16

Ya me yihquitay hilel Israel ta scaj smul te Jeroboam, te la sta smul soc te la ya'be sta smul te Israel, xchi.

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.

Miqueas 5:7

Te mach'atic hilemic yu'un Jacob hich ya xc'ohtic ta yohlil bayel pueblohetic te bin ut'il te ts'ujul yu'un Jehová, hich te bin ut'il ha'al ta sba te ha'maletic, te ma ba ya yich' ta cuenta te winic, ma ba ya smahliy te ants-winiquetique.

Miqueas 5:8

Te mach'atic yu'un Jacob te hilemic hich ya xc'oht ta yohlil te nacionetic, ta yohlil tsobol pueblohetic, te bin ut'il choj ta yohlil te ha'mal chambahlametic, hich te bin ut'il yal choj ta yohlil jtsohb tuminchijetic, te ya xtal, ya sts'o' ta teq'uel, ya sbutsticlan, mayuc mach'a ya scoltay bahel.

Salmos 67:3

¡Ac'a yalbat yutsil ac'oblal te pueblohetic, Dios cu'un; ac'a yalbat yutsil ac'oblal spisil te pueblohetique!

Isaías 49:6

hich ya yal: Jteb nax ya ca'iy te ha a'bat cu'un yu'un yac ahach te chahpalchahp sts'umbal Jacob, soc te yac apas te ya suhtic xan tal te mach'atic hilemic yu'un Israel; ha nix ya cac' te ha sacal q'uinal ya xc'ohat ta stojol te nacionetic, yu'un yac awich'bon bahel te colel cu'un c'alal ta sti'il te bahlumilale, xchi.

Jeremías 23:5

Ya me xtal sc'ahc'alel, xchi te Jehová, te ya jchicnajtes jtuhl spuhl te David te toj yo'tan, ha ya x'och ta ajwalil, ya scuentahin soc sp'ijil yo'tan, soc toj me ya ya'iy chahpanwanej soc ya spas te bin toj ta pasel ta q'uinal.

Ezequiel 34:16

Ya jle te tuminchij te ch'ayem, ya jsuhtes tal te howiyemic bahel, ya jpotsbe te banti waq'uem soc ya ca'be yip te banti mayuc yip; pero ya jlajin te juhp'en soc te ay yipe. Stojil me ya jcanantay.

Miqueas 4:4

Jujutuhl ya shuhcan sbahic ta ye'tal te sts'usubil soc ta ye'tal te higuera yu'une, mayuc mach'a ya xiwtesotic yu'un. ¡Hich yaloj te Jehová te scuentahinej spisil!

Zacarías 10:6

Ya ca'be yip te sna Judá, ya jcoltay te sna José. Ya cac' te ya suhtic talel, como ya jna'be yo'bolil sbahic. Hich ya xc'ohtic te bin ut'il ma ba jp'ajojix, como ho'on Jehovahon te Dioson yu'unic, ya ca'iybeyic te sc'opique.