Miqueas 4:4 - Bible in Tzeltal Bachajón

⁴ Jujutuhl ya shuhcan sbahic ta ye'tal te sts'usubil soc ta ye'tal te higuera yu'une, mayuc mach'a ya xiwtesotic yu'un. ¡Hich yaloj te Jehová te scuentahinej spisil!

Bible in Tzeltal de Oxchuc y Tenejapa

⁴ Ma me ayuquix xiwel ya yaiyic ta spisilic; juju-jtul ya me xju' xcux yo'tanic ta yaxinal sts'usub soc ta yaxinal higuera yu'un. Ja' me sc'op stuquel te Cajwaltic te Spisil ya xju' yu'une.

Miqueas 4:4 Referans Kwoze

Zacarías 3:10

Ta hich ora, xchi te Jehová te scuentahinej spisil, talel c'axel yac awic' abahic ta huclej ta ye'tal ats'usubilic soc ta ye'tal higuerahetic awu'unic, xchi.

1 Reyes 4:25

Te Judá soc Israel jun yo'tan nahinic, jujutuhl ta ye'tal sts'usubetic soc te higuera-te' yu'unic, c'alal Dan ha to ta Beerseba, te jayeb c'ahc'al cuxul te Salomón.

Ezequiel 39:26

Te c'alal jun yo'tan nahinemic ta q'uinal soc mayuquix mach'a ya xiwtesot yu'un, ya xch'ay ta yo'tanic te sq'uexlalic soc te ma ba jun yo'tan la yac' sbahic ta jtojol;

Isaías 1:20

yan teme ma xac'anic soc teme yac atoy abahique, ya me xlajex ta espada, xchi. Hich yaloj te Jehová.

Isaías 54:14

Yac awich' ch'alel ta bin toj ta pasel; namal ya xhil awu'un te uts'inele, mayuc bin yac axi'; namal ya xhil awu'un te tulan xiwel, ma ba ya xnohpoj tal ta atojol.

Ezequiel 34:28

Mayuquix bin ora ya yich'ic pojel yu'un te nacionetic soc ma ba ya xlajinotiquix yu'un te ti'awal chambahlametic, jun yo'tan ya xnahinic, mayuquix mach'a ya xiwtesotic yu'un.

Isaías 58:14

hich me yac ata yutsil awo'tan ta stojol Jehová, soc ho'on ya cac' te ya xmohat bahel ta toyol q'uinaletic soc ya ca'bat awe' te bin yich'oj hilel te atat Jacob. Hich yaloj te Jehová.

Isaías 40:5

Hich ya xchicnaj te yutsilal te Jehová, soc spisil ants-winiquetic pajal me ya yilic, como c'opojix te Jehová, xchi.

Ezequiel 38:11

Hich yac awal: Ya ca'be guerra te jsehp q'uinal te mayuc bin ya scoltay sba a, ya jcontrahin ants-winiquetic te jun yo'tanic soc te jun yo'tan nahinemic ta q'uinal. Spisilic mayuc ts'ahc banti ya xnahinic soc mayuc puertahetic soc sc'atal-te'eletic, xchihat.

Ezequiel 34:25

Ya jpas chapbil-c'op yu'un lamal q'uinal ta stojolic soc ya jloq'ues ta q'uinal te ti'awal chambahlametique; jun yo'tanic ya xnahinic ta jochol taquin q'uinal soc ya xwayic ta tohyem te'etic.

Isaías 26:16

La slehat, Jehová, te c'alal ayic ta wocol a, ta sajsaj-c'op la sc'oponat te c'alal la awac'ticlambe castigo.

Levítico 26:6

Ya cac' lamal q'uinal, soc mayuc mach'a ya xiwtesex c'alal wayalex a; ya cac' loc'uc ta aq'uinalic te chopol chambahlametic, soc ma xc'ax ta aq'uinalic te espadahe.

Job 11:19

Ya xwayat, mayuc mach'a ya xiwtesat; soc bayel mach'atic ya sc'ambat coltayel.

Salmos 72:3

Te witsetic ya me yich'beyic tal lamal q'uinal te pueblo, te tsehletic ya me yich'ic tal te bintic toj ta pasele.

Isaías 17:2

Te pueblohetic yu'un Aroer ch'aybil ya xhilic; ya sutp'ij ta ha'maltic yu'un chambahlametic, ya xwayic tey a, mayuc mach'a ya xiwtesotic yu'un.

Isaías 22:25

Ta hich ora, xchi te Jehová te scuentahinej spisil, te ts'apbil clavo te ay ta tulan yawil ya me yich' loq'uesel; ya xwac' soc ya xch'ay cohel. Soc te ihcatsil te tey jipil a ya xch'ay cohel; hich yaloj te Jehová, xchi.

Isaías 36:16

¡Ma me xawa'iybeyic sc'op te Ezequías! yu'un hich ya yal te ajwalil yu'un Asiria: Ac'ahic te ya xlahmaj q'uinal ta jtojoltic, soc loc'anic tal ta jtojol. Hich jujutuhl yac awe'ic te bin ya yac' te ats'usubic soc te higuera awu'unic, soc yac awuch'ic te ha' ta pozo awu'unic,

Jeremías 30:10

Ha'at, Jacob, a'batat cu'un, ma me xiwat, xchi te Jehová, ma me xnihc awo'tan, Israel, como ilawil, ho'on ya jcoltayat tal ta namal q'uinal, ha'at soc ats'umbal ta q'uinal banti chuculex. Ya suht tal te Jacob, lamal q'uinal soc jun yo'tan ya x'ayin, mayuc mach'a ya xiwtesot yu'un.

1 Reyes 5:5

Ha yu'un jnopoj te ya jpas na yo'tic yu'un te sbihil te Jehová te Dios cu'un, hich te bin ut'il halbot yu'un Jehová te jtat David, te hich la yal: Te anich'an te ya cac' huhcajuc ta ahuctajib ta ajelol, ha ya spas na ta scuenta yich'el ta muc' te jbihile, te xchihe.

Proverbios 3:25

Ma ba yac axi' jinel te ora nax ya xtal o te jinel ya xtal ta stojol te mach'atic chopolic,

Isaías 32:17

Te bin ya yac' te bin stojil ta pasele, ha te lamal q'uinal, soc te bin ya xloc' yu'un te ya'tel te bin stojil ta pasel, ha te c'ux-o'tanil soc te jun yo'tan spisil ora.

Jeremías 23:4

Ya cac'ticlambe jcananetic te ya scanantayique. Ma ba ya xiwiquix, ma ba ya smel yo'tanic, soc ma xch'ay jcohtuc, xchi te Jehová.

Miqueas 5:3

Pero Dios ya yihquitayic hilel ha to c'alal ya x'ayin yal te ants te swoloj yal, soc te ya scha'joquinic te snich'nab Israel te yermanotac te hilemique.

Sofonías 3:13

Te mach'atic cuxul hilic yu'un Israel ma ba ya spasic te bin ma stojiluc ta pasel soc ma ba ya ya'iyic lot, ma ba ya xloc' ta yehic lo'loywanej, como ya xwe'ic soc ya scux yo'tanic, mayuc mach'a ya x'a'bot xiwel yu'un.