Miqueas 4:2 - Bible in Tzeltal Bachajón

² Ya xtal bayel nacionetic, hich ya yalic: La'ic, mohucotic bahel ta wits yu'un Jehová, ta sna te Dios yu'un Jacob, ha ya snohptesotic a te behetic yu'un, hich ya xbehenotic ta behetic yu'un, xchihic. Como ya xloc' tal ta Sión te Ley, ta Jerusalén ya xtal te sc'op Jehová.

Bible in Tzeltal de Oxchuc y Tenejapa

² Ya xtal bayal ta jchajp nacionetic, jich me ya yalbey sbaic: —La'ic, ya xmootic bael ta wits yu'un te Cajwaltique; ya xmootic ta templo yu'un te Dios yu'un Jacob. Ja' me ya yac'botic quiltic te beetic yu'une; jich me ya xju' xbeenotic ta bay ch'in beetic yu'une —xi'. Melel ta Sión ya xloc' tel te p'ijubtesjibal yu'un te Cajwaltique; ta Jerusalén ya xtal te sc'ope.

Miqueas 4:2 Referans Kwoze

Isaías 2:3

Ya xtalic bayel pueblohetic soc hich me ya yalic: La'ic, mohucotic ta wits yu'un Jehová, ta sna te Dios yu'un Jacob. Ha ya ya'botic jnoptic te behetic yu'un, hich ya xbehenotic ta tut behetic yu'un, xchihic. Como ya xloc' tal ta Sión te Ley, ta Jerusalén ya xloc' tal te sc'op te Jehová.

Jeremías 31:6

Ya me sta sc'ahc'alel te hich ya x'awonic te j'il-q'uinaletic ta witsiltic yu'un Efraín: Hahchanic, mohucotic bahel ta Sión, ta stojol Jehová te Dios cu'untic, xchihic.

Hechos 1:8

pero ya me awich' awu'elic te c'alal ya xtal ta atojolic te Ch'ul Espíritu; testigo ya xc'ohex cu'un ta Jerusalén, ta spisil Judea, Samaria, soc c'alal ta sti'il bahlumilal, xchi sc'oblalic.

Isaías 54:13

Spisil te awal-anich'nabic ya yich'ic nohptesel yu'un te Jehová, soc ya xp'ohl te lamal quinal ya ya'iyic te awal-anich'nabique.

Salmos 25:12

¿Mach'a a te winic te ya yich' ta muc' te Jehová? Ha ya x'a'bot sna' yu'un te be te ya sc'an ya stsahe.

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

Romanos 15:19

ta scuenta yip te señahiletic soc jchahp a'teliletic pasbil ta scuenta yu'el te Espíritu yu'un Dios. Hich c'alal Jerusalén soc ta sjoyobal ha to ta sq'uinal Ilírico, spisil la jnojes ta lec yach'il c'op yu'un Cristo.

San Lucas 24:47

soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

San Marcos 16:20

Hich te jnopojeletic loq'uic bahel ta spuquel ta bayuc te lec yach'il c'op, soc te Cajwaltic yac scoltaybel soc yac yac'bel ta na'el te ha smelelil te sc'op, ta scuenta te señahetic te joquimbilic yu'un. Hichuc.

Zacarías 14:16

Spisil te mach'atic cuxul hilemic yu'un te nacionetic te la ya'beyic guerra te Jerusalén, ya xmohic bahel jujun ha'bil ta sch'uhuntayel te Ajwalil, ha te Jehová te scuentahinej spisil, soc ta spasel te q'uin scuenta Yax Nahetic.

Hechos 13:42

C'alal loq'uic ta sinagoga yu'un te judíohetic, la yalbeyic wocol te Pablo te ta yan sc'ahc'alel cux-o'tan yacuc xhalbotic xan sc'oblal.

San Juan 6:45

Hich ts'ihbabil yu'un te jalwanejetic: Spisilic ya me xp'ijubtesotic yu'un Dios, xchihic. Ha yu'un spisil te mach'atic ya ya'iyic te Tatil soc te ya yich'ic p'ijubtesel yu'une, ya me xtalic ta jtojol.

Deuteronomio 6:1

Hich ay spisil te mandariletic, te bintic chapal soc te bintic halbil ta mandar, te Jehová te Dios awu'unic la spason ta mandar te ya ca'beyex anopic, scuenta yu'un yac apasic tey ta q'uinal te ya x'och awu'untayic,

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

Oseas 6:3

Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

Salmos 110:2

Te Jehová ya me yac' hahchel bahel ta Sión te bastón awu'un te ay yip. ¡Ya me awa'iy cuentahinwanej ta stojol te acontrataque!

Salmos 119:1

Bayel me yutsil te mach'atic toj ya xbehenic, te st'unojic te ley yu'un Jehová.

Salmos 119:171

Ac'a loc'uc ta que ta yalel yutsil ac'oblal, te c'alal yac anohpteson te halbil mandariletic awu'une.

Salmos 122:1

Tse'el co'tan yu'un te mach'atic hich la yalbonic: Conic ta sna te Jehová, te xchihique.

Isaías 56:7

ha'ic me ya quic' tal ta ch'ul wits cu'un soc ya ca'be yutsil yo'tanic ta jna te banti ya quich' c'oponele. Ya jtsacbe te scohtol chic'bil mahtaniletic soc te yantic milbil mahtaniletic ya ya'bonic ta scajtajib cu'un, como hich ya x'a'bot sbihil te jna: ha te na yu'un sc'oponel Dios yu'un spisil pueblohetic, xchi.

Jeremías 42:3

C'ambeya te Jehová te Dios awu'un te yacuc yac' jna'cotic banti ya sc'an ya xbohotcotic soc bin ya sc'an ya jpascotic, xchihic.

Zacarías 9:10

Ya slajimbe te carretahetic yu'un guerra ta Efraín, soc te cawuhetic ta Jerusalén, ya yich'ic wac'ticlanel te t'ihmalte'etic yu'un guerra, ya yalbe sc'oblal lamal q'uinal ta stojol te nacionetique. Ya ya'iy cuentahinel c'alal ta jehch mar ha to ta yan jehch mar, c'alal ta muc'ul-ha' Éufrates ha to ta sti'il te bahlumilale.