Miqueas 3:4 - Bible in Tzeltal Bachajón

⁴ Ya me sta yorahil te yac awawtayic te Jehová, pero ma ba ya sjac'beyex ac'opic; ta hich ora ya me snac' sit yelaw ta atojolic ta scaj te chopol awa'telique.

Bible in Tzeltal de Oxchuc y Tenejapa

⁴ Ya me sta sc'aalelal te ya awawtayic te Cajwaltique; ja'uc me to, ma ba ya sjac'beyex ac'opic. Te bi ora jich ya apasique, ya me snac' sba ta atojolic ta scaj te muliletic apasojique.

Miqueas 3:4 Referans Kwoze

Isaías 1:15

Te c'alal yac ahach ac'abic ta jtojol, ya jnac' jsit ta atojolic; aunque bayel yac ac'opononic, ma ba ya ca'iybeyex; yatinej ch'ich' te ac'abique.

Proverbios 1:28

Ta hich ora ya sc'opononic, pero ma ba ya jac'be; ya me slehonic, pero ma ba ya stahonic;

Ezequiel 8:18

Ha yu'un ya me x'a'tejon soc sc'ahc'al quilimba; ma ba ya jpasbe perdón, ma ba ya jna'be yo'bolil sbahic. Aunque tulan ya x'awonic ta jchiquin, ma ba ya ca'iybe sc'opic, xchi te Jehová.

Salmos 18:41

Awonic, pero mayuc mach'a coltayotic yu'un; la yawtayic te Jehová, pero ma ba a'iybot sc'opic yu'un.

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

San Mateo 7:22

Ta hich ora ay me tsobol mach'atic hich ya yalbonic: Cajwal, Cajwal, ¿yu'un bal ma ba la jpucbatcotic ta halel ac'op ta scuenta abihil, soc ta scuenta abihil la jloq'ueslancotic pucujetic, soc ta scuenta abihil la jpasticlancotic jchahp a'teliletic? xchihic me ta jtojol.

Isaías 3:11

¡Ay me swocol te mach'a chopol! Ma ba lec ya xc'oht ta loq'uel, como ya x'a'bot stojol sc'ab ha chican te bin spasojique.

San Juan 9:31

Jna'ojtic te ma x'a'iybot sc'opic yu'un Dios te jmulawiletique; yan te mach'a ha xi'oj te Dios soc te ya spasbe te bin ya sc'an yo'tan, ya x'a'iybot sc'op yu'un stuquel.

San Lucas 13:25

Teme hahchemix te yajwal na soc la smac te ti'nahil, ya me xhilex ta c'op ta fuera: Cajwal, Cajwal, jambotcotic, xchihex. Ma jna' banti talemex, ya me yutex.

Zacarías 7:13

Hich la yal: Hich te bin ut'il c'alal la jcawtay, ma ba la ya'iyic, ha nix hich c'alal la yawtayon ma ba la jca'iy, xchi te Jehová te scuentahinej spisil,

Jeremías 33:5

(como teme ya xloq'uic bahel ta ya'beyel guerra te caldeohetic, ha nax ya xtuhun te nahetic te ya xnojic yu'un ta chamen baq'uet te ya cac'ticlan ta lajel ta scuenta quilimba, yu'un la jnac' jsit quelaw ta stojol te muc'ul pueblo ini),

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Proverbios 28:9

Te mach'a ma sc'an ya ya'iy te ley, ha nix hich ihlaybil te bin ya sc'opon Dios yu'une.

1 Samuel 8:18

Ta hich ora ya me xhahchex ta aw yu'un te ajwalil te yac atsahic, pero te Jehová ma ba ya sjac'beyex ac'opic, xchi.

Job 27:9

¿Ya bal x'a'iybot yaw yu'un Dios te c'alal ya xtal swocol?

Job 35:13

Melel Dios ma ba ya ya'iy te tojol c'op; te Mach'a spisil ya xhu' yu'un ma ba ya yich' ta cuenta.

Jeremías 11:11

Ha yu'un hich yaloj te Jehová: Ya cac' wocol ta stojolic te ma xhu' ya xloq'uic ta ahnel ta stojole. Aunque ya yawtayonic, ma ba ya ca'iybeyic.

Jeremías 14:12

Aunque ya scom swe'elic, ma ba ya ca'iybe yawic, aunque ya yaq'uic scohtol chic'bil mahtaniletic soc mahtanil harina ma ba ya jtsac. Ya me jlajinlan ta espada, ta wi'nal soc ta jmilawal-chamel, xchi te Jehová.

Miqueas 3:7

Ya xq'uexawic te jalwanejetic soc ma sna' bin ya spasic te jna'ojeletique. Spisilic ya me smac yehic, como mayuc suhtib yu'un Dios.

Miqueas 7:13

Jochol taquin q'uinal ya xc'oht te q'uinal ta scaj te mach'atic nahinemic tey a, ta scaj te sit te ya'telique.