Miqueas 3:2 - Bible in Tzeltal Bachajón

² Pero yac ap'ajic te bin lec soc c'ux ta awo'tanic te bin chopole; yac aloq'uesbeyic snuhculel te pueblo cu'un soc te sbaq'uetal ta sbaquelic;

Bible in Tzeltal de Oxchuc y Tenejapa

² Ja'uc me to, ya awilayic te bay leque; soc ja' lec awo'tan yu'un te bila amene. Ya aloq'uesbeyic snujc'ulel c'oem te lum cu'une; soc chajal ya awijq'uitaybeyic te sbaquele.

Miqueas 3:2 Referans Kwoze

Ezequiel 22:27

Te príncipaletic yu'unic hich c'ohemic te bin ut'il ha'mal ts'i'etic te ya stuch'ticlan swe'elic; ya smalic ch'ich' soc ya slajinic cuxlejaliletic scuenta yu'un ma stojiluc ay bin ya stahic a.

Proverbios 28:4

Te mach'atic ya yihquitayic te ley ya yalbe lec sc'oblal te mach'atic chopolic, yan te mach'atic ya sch'uhunic te ley ya scontrahinic te mach'atic chopolic.

Salmos 53:4

¿Ma bal ayuc snopojibal yu'un te mach'atic ya spasic bin chopol, ha te ya slajimbonic te pueblo cu'un hich te bin ut'il ya swe'ic pan, soc te ma xyalbeyic wocol te Diose?

Romanos 12:9

Ma me babac'opuc te sc'uxul awo'tanic. Ihlayahic te bin chopol, t'una me te bin leque.

Isaías 3:15

¿Bin anopojic a te yac atenic ta uts'inel te pueblo cu'un soc te yac atec'beyic yelaw te pobrehetic? xchi te Jehová te scuentahinej spisil.

2 Crónicas 19:2

Te jalwanej Jehú snich'an Hanani loc' ta stahel, hich la sjoc'obe te ajwalil Josafat: ¿Ya bal acoltay te mach'a chopol, c'ux bal yac awa'iy ta awo'tan te mach'atic scontrahinejic te Jehová? Ha scuentahil te ilinem ta atojol te Jehová.

1 Reyes 21:20

Te Acab la yalbe te Elías: ¿La bal atahonix, jcontrahat? xchi. La yal te Elías: La jtahat, como la awac' aba ta spasel te bin chopol ta stojol Jehová.

2 Timoteo 3:3

mayuc sc'uxul yo'tanic, mayuc perdón ta yo'tanic, jlehawetic ta c'op, ma scom sbahic, j'uts'inwanejetic, ihlaybil yu'unic te bintic lec,

Romanos 1:32

Aunque sna'ojic te yaloj ta jamal te Dios te ya x'ac'otic ta lajel yu'un te mach'atic hich ya spasic, ma ha'uc nax ya spasic, ha lec yo'tanic yu'un te mach'atic hich ya spasique.

San Juan 18:40

Spisilic la yawtayic: ¡Ma ha'uc ini, ha te Barrabás! xchihic. Ha j'elec' te Barrabás.

San Juan 7:7

Ma xhu' ya sp'ajex te mach'atic ayic ta bahlumilal, yan te ho'one ya sp'ajonic, yu'un jamal ya cal te ha chopol te ya'telique.

San Lucas 19:14

Pero p'ajot yu'un te mach'atic cuentahimbilic yu'un, ta spat nax la sticonic bahel winiquetic te c'oht yalic: Ma jc'ancotic te ya x'och ta ajwalil cu'uncotic, xchihic c'ohel.

Sofonías 3:3

Te príncipaletic te ayic ta yohlil ha xhihet chojetic; te jchahpanwanejetic yu'unic ha ha'mal ts'i'etic te ya xbehenic ta ahc'abal te ma ba ya yihquitayic hilel jch'ixuc bac yu'un sacubel q'uinal.

Ezequiel 34:3

Yac awuch'beyic sleche te tuminchijetic, yac ac'u'imbeyic stsotsel, soc yac amilic te banti juhp'enic, pero ma ba yac amac'linic.

Salmos 15:4

ha te ya yihlay te mach'a chopol, pero ya yich' ta muc' te mach'atic ya yich'ic ta muc' te Jehová; ha te mach'a ya xc'oht ta pasel yu'un te bin yaloj ta jamal, aunque ya sta swocol yu'un;

Isaías 57:12

Ya jpuc ta halel te ma lecuc te bintic toj yac apas ta ac'op soc te awa'tele, te mayuc bin ya scoltayat a.

Ezequiel 11:7

Ha yu'un hich yaloj te Jehová, te Ajwalil: Te chamen baq'uetetic te awac'ojic ta yohlil te pueblo, ha te ti'bale, soc ha te oxom te pueblohe, pero ya jloq'uesex tey a.

Ezequiel 24:4

Otsesa sesembil ti'bal tey a, spisil bintic lec, ha te ya' soc slomo, soc nojesa ta tsahbil sbaquel.

Miqueas 2:8

Te mach'a pueblo cu'un wojey, hahchemix hich te bin ut'il jcontra; yac aloq'uesbeyic smuc'ul-c'u' te mach'atic jun yo'tan ya xc'axic bahel, te mach'atic ya suhtic tal ta guerra.

Miqueas 7:2

Mayuquix ta q'uinal te mach'a ay sc'uxul yo'tan, mayuc hilem ta yohlil te ants-winiquetic te mach'a toj yo'tan; spisilic ya xmacliywanic yu'un ya xmilawanic, jujutuhl ya schahpambe syacol te yermanohe.

Miqueas 7:3

Scuenta ts'acal ya spas te bin chopol, te príncipal ay bin ya xc'ambot yu'un, te juez ya sc'an smahtan ta chahpanwanej; te mach'a muc' sc'oblal ya yal chican bin ya sc'an yo'tan, pajal ya yaq'uic c'ohtuc ta pasel.

Isaías 5:20

¡Ay me swocolic te mach'atic ya yalic te lec te bin ma lecuc soc te ma lecuc te bin leque; te ya sc'atp'unic ta yihc'al q'uinal te sacal q'uinal, soc ta sacal q'uinal te yihc'al q'uinale; te ya sc'atp'unic ta ch'a te bin chi', soc ta chi' te bin ch'a!

Amós 4:1

A'iya awa'iyic te c'op ini, ha'ex wacaxetic yu'un Basán, te nahinemex ta wits yu'un Samaria, te yac awa'beyic swocol te pobrehetic soc yac awuts'inic te mach'atic mayuc bin ay yu'unique; te hich yac awalbeyic te amamalalic: Ich'ahic tal bin ya cuch'tic, te xchihexe.

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.