Miqueas 2:4 - Bible in Tzeltal Bachajón

⁴ Ta hich ora ya shachic ta atojolic tsahbil c'op, ya sc'ayojtayex ta c'ayoj yu'un mel-o'tan te hich ya yalic: Jpisiltic jc'axel la jquich'tic jinel; te Jehová la sjelbe te bintic ay yu'un te pueblo cu'une. ¡La sloq'uesbotic te jq'uinaltic, la spucticlambe yantic! xchihic ta c'ayoj.

Bible in Tzeltal de Oxchuc y Tenejapa

⁴ Jich me yorail te ya yich' c'ajintayel ta atojolic c'ayojetic swenta mel-o'tan. Jich me ya yalic: “Jc'axel la quich'tic jinel ta jyalel; te lum cu'untic, te ja' yu'un te Cajwaltic, la yich' jelel yajwal, ma'yuc mach'a ju' yu'un scomel; te jq'uinaltic la spucbeyix sbaic te jtsalwanejetic cu'untique”, xiic me —xi' te Cajwaltique.

Miqueas 2:4 Referans Kwoze

Habacuc 2:6

¿Ma bal hichuc ya xhalot sc'oblal spisil te tsahbil-c'op soc te ixta'c'op ini? Hich ya yalic: ¡Obol sba te mach'a la sp'oltes te bin ma ha'uc yu'un! ¿Bin to ora ya xlaj yo'tan te ya xc'ulejub yu'un te bintic yich'oj scuenta prenda? xchihic.

Miqueas 1:15

Ya jticombeyex yan mach'a ya stsalex, ha'ex te nahinemex ta Maresa, te yutsilal te Israel ya xc'oht ta Adulam.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Isaías 24:3

Te q'uinal jc'axel jochol ya xhil, jc'axel pojbil sbiluc ya xhil, como hich yaloj te Jehová.

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

Deuteronomio 28:29

soc xmaxlajan ya xbehenat ta ohlil c'ahc'al hich te bin ut'il ts'o'sit ta yihc'al q'uinal, soc ma ba lec ya xc'oht te bintic yac apas; spisil ora ayat ta uts'inel soc ya x'elc'anot abiluc, mayuc mach'a ya scoltayat.

Números 23:7

Te Balaam hich la yal ta sc'op-jalwanej: C'alal ta Aram la yic'on te Balac, te ajwalil yu'un Moab, c'alal ta witsiltic ta stojol banti ya xloc' tal c'ahc'al. La', bohlobtesbeya sc'oblal te Jacob, la', bohlc'optaya te Israel, xchi.

San Marcos 12:12

Ya c'an stsaquic te Jesús como la sna'ic te ha sc'oblalic te halbot ya'iyic te sloc'ombahil c'ope; pero la xi'ic te pueblo, hich la yihquitayic hilel, bahtic.

Sofonías 1:2

Jc'axel ya jlajin spisil bintic ay ta sba te bahlumilal, xchi te Jehová.

Miqueas 2:10

Hahchanic, behenanic, como ma ha'uc lugar yu'un cux-o'tanil ini, yu'un bohlobenix, jc'axel jihnemix.

Amós 5:17

Ay oq'uel ta spisil ts'usubiletic, yu'un ya xc'axon ta awohlil, xchi te Jehová.

Amós 5:1

A'iya awa'iyic te c'op ini scuenta mel-o'tan te ya cal ta atojolic, sna Israel:

Joel 1:13

Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Joel 1:8

Oc'an hich te bin ut'il ach'ix te slapoj sc'u' scuenta mel-o'tan yu'un te smamalal c'alal ach'ix to a.

Ezequiel 16:44

Ilawil, spisil te mach'atic ya yalic tsahbil c'opetic, hich ya yalbat ac'oblal ta tsahbil c'op ini: Te bin ut'il ay te nanil, hich ay te yantsil-al, xchihic.

Ezequiel 2:10

La slim ta jtojol, ts'ihbabil ta jehch ta jehch. Tey ts'ihbabil a te sc'op oq'uel, mel-o'tan soc wocoletic.

Jeremías 14:18

Teme ya xloc'on bahel ta aquiltic, ya quilticlan te mach'atic lajic ta espada; teme ya x'ochon bahel ta pueblo, ya quilticlan te jchameletic ta scaj wi'nal. Te jalwanej soc te sacerdote bayuc ya xbehenic ta q'uinal, mayuc bin ya sna'ic, xchi.

Jeremías 4:13

Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Isaías 14:4

yac awalic te tsahbil c'op ini ta scontrahinel te ajwalil yu'un Babilonia: ¡Ilawil bin ut'il laj te j'uts'inwanej, bin ut'il lahmaj te sc'ahc'al yilimba!

Job 27:1

La sjac' xan te Job, hich la yal:

2 Crónicas 35:25

Te Jeremías la schahpan sc'ayojil mel-o'tan yu'un te Josías. Spisil te jc'ayojetic ants-winiquetic ya to yalulanic ta sna'el te Josías c'alal ora; hich c'ahyic ta sc'ayojtayel ta Israel. Ts'ihbabil hilel ta libro yu'un sc'ayojil mel-o'tan.

2 Samuel 1:17

Te David la spas c'ayoj scuenta mel-o'tan yu'un te Saúl soc Jonatán te snich'ane.

Números 24:15

Hich c'opoj ta sc'op-jalwanej: Hich ya yal Balaam snich'an Beor hich ya yal te winic te wiq'uil sit;

Números 24:3

Ha yu'un hich la yal ta sc'op-jalwanej: Hich ya yal Balaam snich'an Beor, hich ya yal te winic te wiq'uil sit,

Números 23:18

Hich te Balaam la yal ta sc'op-jalwanej: Balac, hahchan, a'iya me awa'iy, a'iybon awa'iy jc'op, snich'anat Zipor:

Jeremías 6:12

Te snahic, sq'uinalic soc yihnamic ya x'ich'otic yu'un yantic, como ya me jach jc'ab ta stojol te mach'atic nahinemic ta q'uinal, xchi te Jehová.

Jeremías 8:10

Ha yu'un te yihnamic ya cac' ta sc'ab yan winiquetic, soc yan yajwalic ya xc'oht te sq'uinalique. Como ta spisilic, muc' biq'uitetic, ya xbic'taj yo'tanic ta stahel taq'uin; te jalwanejetic soc sacerdotehetic, spisilic ya ya'iyic lo'loywanej.

Miqueas 1:8

Ha yu'un te ya x'oc'on soc ya x'ahcanajon; mayuc jtep soc watalon a ya xbehenon; ya x'ahcanajon hich te bin ut'il ha'mal ts'i' soc ya x'awonon hich te bin ut'il avestruz-mutetic.

Jeremías 9:16

Ya jpucticlan bahel ta yohlil nacionetic te ma ba sna'beyejic sba ni ha'uc te sme'statique; soc ya jticombe espada ta stojolic ha to c'alal ya xlajic, xchi te Jehová.