Miqueas 2:3 - Bible in Tzeltal Bachajón

³ Ha yu'un hich yaloj te Jehová: Chapalix cu'un te ya ca'be te bin chopol ta stojol te ants-winiquetic ini te ma xhu' yac acoltay abahic yu'une; ma ba soc toybahil ya xbehenex, como ha yorahil wocol.

Bible in Tzeltal de Oxchuc y Tenejapa

³ Ja' swentail te jich la yal te Cajwaltique: —Jo'on chapalix cu'un ta jcontroinbelex te ja'exe. Ya jticun tel tulan woclajel te ma xju' ya acoltay aba yu'une. Ma xju'ix te soc nax toybail ya xbeenexe, melel ya me sta yorail ya xc'ot te awocolique.

Miqueas 2:3 Referans Kwoze

Amós 5:13

Ha yu'un te mach'a ya sna' stsahtayel mayuc bin ya yal ta hich ora, como chopol te yorahile.

Jeremías 8:3

Ya slehic slajelic, ma ha'uc scuxlejalic, spisil te mach'atic cuxul ya xhilic yu'un te jcaj ts'umbalil ini te chopol yo'tanic, ta spisil banti ya jpucticlan bahel, xchi te Jehová te scuentahinej spisil.

Jeremías 18:11

Halbeya hiche te ants-winiquetic ta Judá soc te mach'atic nahinemic ta Jerusalén: Hich yaloj te Jehová: Yacon ta schahpanel te bin chopol ta atojolic, yacon ta schahpanel te bin ya scontrahinex. Jujutuhl, ihquitayahic hilel te chopol behetic awu'unic; tojobtesahic te behetic awu'unic soc te awa'telic, xchihat.

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Lamentaciones 5:5

Ay jwocolcotic ta nutsel, ya xluhbotcotic, mayuc ya jcux co'tancotic.

Lamentaciones 2:17

Te Jehová la spas te bin snopoj ta yo'tan, la sc'ohtes ta pasel te sc'op te nameyix la schahpambe sc'oblale. La sjin, ma ba la sna' yo'bolil sbahic, la yac' te tse'el yo'tan ta atojol te acontra soc la stoybe yip te acontrataque.

Efesios 5:16

na'ahic stuhunel ta lec te tiempo, como chopol te bin ya xc'oht ta pasel ta jujun c'ahc'al.

Romanos 16:4

C'an yac' scuxlejalic ta jcuenta. Ma jtuqueluc ya calbe wocol, ha nix hich ya yalbeyic wocol spisil te iglesia yu'un te jyanlumetique.

Miqueas 2:1

Ay me swocolic te mach'atic ay ta swayibic a te ya snopic spasel bintic chopol, te ya schapic bin chopol ya spasic, c'alal ya sacub q'uinal ya sc'ohtesic ta pasel, como ya xhu' yu'unic te ya spasique.

Amós 2:14

ma xhu' ya xloc' ta ahnel te mach'a tulan ya x'ahnimaj, te mach'a ay yip ma ba ya xcoltayot yu'un te yipe, soc te mach'a ma xiw ma xhu' ya scoltay scuxlejal;

Daniel 4:37

Yo'tic, ho'on Nabucodonosor, ya calbe wocol, ya jtoybe sc'oblal soc ya calbe yutsil sc'oblal te Muc'ul Ajwalil ta ch'ulchan, como smelelil spisil bin ya spas soc toj te behetic yu'une; ya xhu' ya spehc'an te mach'atic toyol yac'oj sbahic, xchi.

Lamentaciones 1:14

Te muliletic cu'un la schucbon ta jnuc' hich te bin ut'il yugo, te Jehová ha nix ta sc'ab la schucbon ta jnuc', laj quip yu'un. ¡Te Cajwal yac'ojon ta sc'ab te mach'atic ma xhu' ya jcoltay jba ta stojolic!

Jeremías 43:2

te Azarías snich'an Osaías, te Johanán snich'an Carea, soc spisil te toyba winiquetic hich la yalbeyic te Jeremías: ¡Lotil te bin yac awal! Te Jehová te Dios cu'untic ma ba hich la sticonat ta yalel: Ma me xbahex ta nahinel ta Egipto, ma xchihuc.

Jeremías 36:23

C'alal la yil cha'oxcaj ta hun te Jehudí, te ajwalil la sboj loq'uel ta cuchillo yu'un jts'ihbajel, la sch'oj ochel ta c'ahc' te ay ta yawil c'ahc'. Hich la spas ha to c'alal laj ta c'ahq'uel spisil te balbil hune.

Jeremías 34:17

Ha yu'un hich yaloj te Jehová: Ma ba la ach'uhumbonic jc'op, ma ba la awaq'uic ta libre te alumalic, te amohloltaque. Ha yu'un ya cac'at ta libre, xchi te Jehová, ha te libre ya xlajat ta espada, ta jmilawal-chamel soc ta wi'nal. Ya cac' te xiweltic sba ya xc'ohex ta stojol spisil te nacionetic ta bahlumilal.

Jeremías 27:12

Ha nix hich la jcalbe te Sedequías ajwalil yu'un Judá spisil te c'opetic ini: Ac'a ta anuc' te yugo yu'un te ajwalil yu'un Babilonia; ac'a aba ta a'batinel ta stojol soc ta stojol te pueblo yu'une, hich me ya xcuxajex a.

Isaías 5:19

te hich ya yalic: ¡Ac'a suj sba te Diose, ac'a spas ta ora te ya'tel yu'un ya quilcotic! ¡Ac'a nohpojuc tal bin schapoj te Ch'ul Dios yu'un Israel scuenta yu'un ya jna'cotic a! te xchihique.

Isaías 3:16

Soc ha nix hich ya yal te Jehová: Te antsetic yu'un Sión stoyoj sbahic, stoyoj snuq'uic a ya xbehenic, ya xmonawan ta sitic, ya x'ahc'otajic ta behel, yac ta stijel sch'ahlel yoquic a.

Deuteronomio 28:48

ha yu'un ya me awac' aba ta a'batinel yu'un acontra te ya sticon tal ta atojol te Jehová, ha yac apas soc awi'nal, taquinti'il, mayuc ac'u' apac' soc mayuc bin ay awu'un a. Ha ya ya'bat ta anuc' jun yugo pasbil ta taq'uin, ha to c'alal jc'axel ya slajinat.

Amós 3:1

A'iya awa'iyic te bin ya yal te Jehová ta scontrahinelex, snich'nabex Israel, ta scontrahinel spisil mach'atic ay awu'unic te la jloq'ues tal ta sq'uinal Egipto:

Amós 3:2

Ta yohlil spisil te pueblohetic ta bahlumilal; ha'ex nax atuquelic te la jtsahex ha yu'un ya ca'beyex castigo yu'un spisil te bin chopol apasojique.

Isaías 29:20

Como ya me xlaj te j'uts'inwanej, soc ya xch'ay bahel te jlabanwanej; ya xlajic spisil mach'atic ma xwayic yu'un spasel te bin chopole,