Miqueas 2:2 - Bible in Tzeltal Bachajón

² Ya xbic'taj yo'tanic yu'un q'uinaletic, hich ya spojic; ya xbic'taj yo'tanic yu'un nahetic, hich ya yich'ic; ya stenic ta uts'inel te winic soc te mach'atic ay yu'un, ya stenic ta uts'inel te winic soc te bintic ay yu'une.

Bible in Tzeltal de Oxchuc y Tenejapa

² Ya sbic'tal-o'tantayic q'uinaletic, jich ya spojic; ya sbic'tal-o'tantayic nanatic, jich ya yu'uninic. Ya stenic ta uts'inel ants-winiquetic, soc te mach'atic ay yu'unique, soc te bitic ay yu'unique.

Miqueas 2:2 Referans Kwoze

Isaías 5:8

¡Ay me swocolic te mach'atic ya slehticlan nahetic yu'unic, soc ya slehticlan q'uinaletic, ha to c'alal ya yich'ic spisil! ¿Atuquelic bal ya x'ayinex ha'ex ta q'uinal?

Amós 8:4

A'iya awa'iyic ini, ha'ex te yac ats'o'ic ta teq'uel te mach'atic mayuc bin ay yu'unic soc te yac ajinic te pobrehetic ta q'uinal,

Jeremías 22:17

Pero te asit soc te awo'tan ha nax ay sc'oblalic yu'un yac ale te bin ya sc'an awo'tan, yu'un yac amalbe sch'ich'el te mach'a mayuc smul, soc yu'un yac awa'iy uts'inwanej soc yac awac' c'axuc wocol.

Ezequiel 18:12

ya yuts'in te pobre soc te mach'a mayuc bin ay yu'un, ya ya'iy elec' soc ma ba ya sutbe te bin yich'beyej, ya stoy mohel sit ta stojol te loc'ombahetic soc ya spas te bintic ilobtic sba,

1 Timoteo 6:10

Como te slohp' spisil te bintic chopole ha te sbic'sitayel taq'uin. Ay mach'atic la sbic'sitayic taq'uin, hich la yihquitayic sch'uhunel Dios soc ha'ic nix la ya'be sba bayel swocolic yu'un.

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Miqueas 3:9

A'iya awa'iyic ini, jtsobawex yu'un te sna Jacob, capitanex yu'un te sna Israel, te yac ap'ajic stojil chahpanel soc te yac ajinic spisil te bintic toj,

Ezequiel 22:12

Tey ta awohlil ay mach'atic la yich'ic taq'uin yu'un smalel ch'ich'; la ac'ambe sjol ataq'uin soc ma stojiluc la awac' ta majanel taq'uin, la awuts'in ta elc'anel te apat-axuhque. ¡Ch'ayonix ta awo'tanic! xchi te Jehová, te Ajwalil.

2 Reyes 9:26

Wojey la jquilbe te sch'ich'el Nabot soc sch'ich'el te snich'nab, soc li' ta q'uinal ini ya me ca'bat atoj, xchi te Jehová. Ha yu'un tsaca, ch'oja bahel ta sq'uinal Nabot, hich te bin ut'il yaloj te Jehová, xchi.

Éxodo 20:17

Ma me xbic'taj awo'tan yu'un te sna apat-axuhc: ma me xbic'taj awo'tan yu'un yihnam, ya'bat, scriada, j'a'tel-wacax, burro, o biluc ay yu'un te apat-axuhc, xchi.

Job 31:38

Teme ya x'awon ta jcontra te jq'uinal soc ya x'oc' spisil te chohlolchohl joc'bil lum;

1 Reyes 21:1

Ta patil bahel, te Nabot te talem ta Jezreel ay sts'usubil ta nopol sna Acab ajwalil yu'un Samaria.

Ezequiel 8:17

Hich la yalbon: ¿La bal awil, snich'anat winic? Ma tic'uc a te yac spasbelic te bintic ilobtic sba te sna Judá. Ya snojesic ta uts'inwanej te q'uinal, bayel ya yac' ilinucon. Ilawil, ya yaq'uic ta sni'ic te jchej ya'binal sc'ab te'.

Ezequiel 22:13

La jpac' jc'ab yu'un te bintic ay awu'un te ma stojiluc la ata soc yu'un te ch'ich' la amal ta awohlile.

Ezequiel 33:26

Ha smuc'ulinej awo'tanic te espadahetic awu'unic, yac apasic te bintic ilobtic sba soc jujutuhl yac abohlobtesbe sc'oblal yihnam apat-axuhc, ¿yu'un bal yac awu'untayic te q'uinale? xchihat.

Ezequiel 46:18

Te príncipal ma ba ya yich'be sq'uinal te pueblo, ma ba ya spojbe te bintic ay yu'une. Te bintic ay yu'un ha te ya ya'be yich' te snich'nab, scuenta yu'un mayuc jtuhluc te pueblo cu'un te ya yich' tenel loq'uel ta sq'uinal, xchi.

Amós 2:7

Ya sts'o'ts'o'tec'beyic sjol ta ts'u'lum te mach'atic ma xhu' ya scoltay sbahic, soc ya showiytesic ta be te mach'atic peq'uel yo'tanique. Te winic soc te snich'an jtuhl nax ach'ix ya xwayic soc, hich ya sbohlobtesbonic sc'oblal te jch'ul bihile.

Miqueas 6:12

Te jc'ulejetic bayel ya x'uts'inwanic, te mach'atic nahinemic tey a ya xc'opojic ta lot, ya xlo'loywan te yehique.

Isaías 3:14

Te Jehová ya xtal schahpan te mamaletic soc te príncipaletic yu'un te pueblo: Ha'ex te la alajinic te ts'usubil cu'un, soc ay ta anahic te bin la apojbeyic te pobre.

Ezequiel 45:9

Hich yaloj te Jehová, te Ajwalil: ¡Tic'aniquix a, príncipaletic yu'un Israel! Ihquitayahic te uts'inwanej soc te elec'. Stojil me xawa'iy chahpanwanej soc stojil me bintic yac apasique. Ma xateniquix loq'uel ta sq'uinalic te pueblo cu'un, xchi te Jehová, te Ajwalil.

Amós 4:1

A'iya awa'iyic te c'op ini, ha'ex wacaxetic yu'un Basán, te nahinemex ta wits yu'un Samaria, te yac awa'beyic swocol te pobrehetic soc yac awuts'inic te mach'atic mayuc bin ay yu'unique; te hich yac awalbeyic te amamalalic: Ich'ahic tal bin ya cuch'tic, te xchihexe.