Miqueas 2:1 - Bible in Tzeltal Bachajón

¹ Ay me swocolic te mach'atic ay ta swayibic a te ya snopic spasel bintic chopol, te ya schapic bin chopol ya spasic, c'alal ya sacub q'uinal ya sc'ohtesic ta pasel, como ya xhu' yu'unic te ya spasique.

Bible in Tzeltal de Oxchuc y Tenejapa

¹ Ya me yil swocolic te mach'atic ayic ta swayibic te ya snopilay ta yo'tanic te muliletique. Te c'alal ya sacub q'uinal, ya xc'ot ta pasel yu'unic, melel ay yipic ta spasel.

Miqueas 2:1 Referans Kwoze

Salmos 36:4

Ta swayib ya snopilan te bin chopol; ay ta banti ma lequil behuc, ma ba ya sp'aj te bin chopole.

Isaías 32:7

Ha chopol te ya'tejib te jlo'loywanej, ha ya snop bin chopol yu'un ya sjin ta scuenta lot te pobrehetic, aunque toj bin yac sc'ambel te pobrehe.

Nahúm 1:11

Ha'at Nínive, loc' tal ta atojol te mach'a la schap bin chopol ta scontrahinel te Jehová, ha jtuhl chopol j'ac'-o'tanil.

Romanos 1:30

jwulwul-c'opetic, jp'aj-diosetic, jc'ahc'al-c'opetic, jtoybahetic, jtoybac'opetic, jnop-muliletic, jc'axun-c'opetic,

Jeremías 18:18

Hich la yalic: La'ic, ya jchahp jc'optic ta scontrahinel te Jeremías; como ma xpasot falta te nohptesel yu'un te sacerdotehetic, te j'ac'-o'tanil yu'un te mach'atic ay sp'ijilic, soc te sc'op te jalwanejetique. La'ic, ya jcomtic ta c'op, ma ba ya quich'tic ta cuenta te bin ya yale, xchihic.

Isaías 59:3

Como bohloben ac'abic yu'un ch'ich', bohloben yalatac ac'abic yu'un bintic chopol; ya yalic lot te awehic, ya yal bintic chopol te awaq'uique.

Proverbios 4:16

Como ma xwayic ha to teme la spasic te bin chopole; ma ba ya xtal swayelic teme mayuc mach'a la syahltesic.

Proverbios 3:27

Ma me xacom aba ta spasel te bin lec ta pasel ta stojol te mach'a hich ya sc'an pasbeyel, teme ya xhu' awu'un spasele.

Génesis 31:29

Ay quip yu'un ya ca'bat awocol; pero te Dios yu'un te atat la sc'oponon ahc'abe, hich la yalbon: Tsahtaya me aba, ma me ayuc bin chopol yac awalbe te Jacob, xchi.

Hechos 23:12

C'alal sacub q'uinal, ay la stsob sbahic judíohetic ta schapbeyel sc'oblal ta milel te Pablo, soc la yalic ta jamal ta scuenta chopol c'oblalil te ma ba ya xwe' x'uch'ic ha to teme la smilic te Pablo.

San Juan 19:11

Jesús la yalbe: Mayuc awa'tel ta jtojol te manchuc a'bilat ta toyol. Ha yu'un te mach'a la yac'on ta ac'ab c'ax hich smul a stuquel, xchi.

Deuteronomio 28:32

Te aquerem-nich'nab soc te awantsil-nich'nab ya x'ac'otic ta sc'ab jyanlumetic, yac awil ta asit soc ya xlaj awip yu'un mel-o'tan ta stojolic ta spisil ora, pero mayuc bin ya xhu' awu'un spasel.

Hechos 23:15

Yo'tic te ha'ex soc te jchahpanwanejetic c'ambeyahic te comandante te yacuc yic' tal ta atojolic pajel te Pablo, sjel te ay bin yac ajoc'obeyic xan; te ho'otcotic chapalotcotic te ya jmilcotic c'alal ma to xc'oht a, xchihic.

Proverbios 12:2

Te mach'a lec yo'tan, ya sta lec sc'oblal yu'un Jehová, pero ha ya yalbe smul te mach'a chopol bintic snopoj.

San Lucas 20:19

Te principal sacerdotehetic soc te escribanohetic la slehic bin ut'il ya stsaquic ta ora, como la sna'ic te ha sc'oblalic te bin halbotic ta sloc'ombahil c'op; pero la xi'ic te ants-winiquetique.

San Marcos 15:1

Te principal sacerdotehetic, te mamaletic, escribanohetic soc spisil mach'atic ay ya'telic schapoj sc'opic ta buen sab, hich chucul a la yiq'uic bahel te Jesús, la ya'beyic ta sc'ab te Pilato.

Ezequiel 11:2

Hich la yalbon te Jehová: Snich'anat winic, te winiquetic ini ha'ic te ya snopic te bin chopol soc te ya ya'beyic te pueblo j'ac'-o'tanil te ma lecuc.

Ester 9:25

Pero c'alal c'oht ta stojol ajwalil te Ester, la yal mandar ta carta te ajwalil te ac'a suhtuc ta stojol Amán te bin chopol schapoj ta scontrahinel te judiohetic; soc ac'a yich' jihpanel ta te' soc te snich'nabe.

Ester 5:14

Te Zeres te yihnam soc spisil te yamigotac hich la yalbeyic: Ac'a yich' pasel ts'apbil te' te ha lajuneb yoxwinic (50) xuhc'ubil stoyolil, pajel yac ac'ambe te ajwalil te ya yich' jihpanel tey a te Mardoqueo. Hich me tse'el awo'tan ya x'ochat ta we'el soc a te ajwalil, xchihic. Lec la ya'iy te Amán, hich la yac' ta chahpanel.

Ester 3:8

Te Amán hich la yalbe te ajwalil Asuero: Ay jun pueblo te puhquemic ta yohlil te pueblohetic ta spisil ta jujusehp q'uinal te ban c'alal acuentahinej, te leyetic yu'unic ma pajaluc soc te leyetic yu'un te yantic pueblohetic, soc ma ba ya sch'uhunic spasel te leyetic yu'un te ajwalil. Mayuc bin ya xtuhun yu'un te ajwalil teme cuxul ya xhilic.

Job 24:14

Te jmilawal buen sab ya xhahch ta milaw, ya smil te pobre soc te mach'a mayuc bin ay yu'un, soc hich ya xc'oht te bin ut'il j'elec' ta ahc'abal.

Proverbios 14:22

¿Ma bal yacuc xhowiyic te mach'atic chopol bin ya snopic? yan te mach'atic ya snopic te bin lec, ya me stahic c'uxultayel soc te bin melele.

Isaías 29:20

Como ya me xlaj te j'uts'inwanej, soc ya xch'ay bahel te jlabanwanej; ya xlajic spisil mach'atic ma xwayic yu'un spasel te bin chopole,

Ezequiel 33:26

Ha smuc'ulinej awo'tanic te espadahetic awu'unic, yac apasic te bintic ilobtic sba soc jujutuhl yac abohlobtesbe sc'oblal yihnam apat-axuhc, ¿yu'un bal yac awu'untayic te q'uinale? xchihat.

Ezequiel 38:10

Hich yaloj te Jehová, te Ajwalil: Ta hich ora ay bin ya xtal ta awo'tan, yac anop te bin chopole.

Ezequiel 46:18

Te príncipal ma ba ya yich'be sq'uinal te pueblo, ma ba ya spojbe te bintic ay yu'une. Te bintic ay yu'un ha te ya ya'be yich' te snich'nab, scuenta yu'un mayuc jtuhluc te pueblo cu'un te ya yich' tenel loq'uel ta sq'uinal, xchi.

Miqueas 6:12

Te jc'ulejetic bayel ya x'uts'inwanic, te mach'atic nahinemic tey a ya xc'opojic ta lot, ya xlo'loywan te yehique.

Zacarías 7:10

ma me xawa'be swocol ta uts'inel te me'ba' ants, te me'ba' alal, te jyanlum o te pobre, soc ma me ayuc mach'a chopol bin ya snop ta yo'tan ta stojol te yermanohe, xchi.

1 Reyes 21:7

Te Jezabel te yihnam la yalbe: ¿Ma bal ha'ucat ajwalilat yu'un Israel? Hahchan, we'an, tse'eluc me awo'tan. Ho'on ya ca'bat te sts'usubil Nabot ta Jezreel, xchi.

Job 15:35

Ya swolic te bin chopol, ya yayintesic mulil, ta yo'tanic ya xhahch lo'loyel, xchi te Elifaz.

Salmos 36:5

Te sc'uxul awo'tan, Jehová, ya xc'oht c'alal ta ch'ulchan, te stalel jun awo'tan ya sta c'ohel te tocale.

Salmos 58:3

Ta yalalil to howiyemic te mach'atic chopolic; c'alal ta sch'uht snan howiyemic, ya ya'iyic lot.

Isaías 3:14

Te Jehová ya xtal schahpan te mamaletic soc te príncipaletic yu'un te pueblo: Ha'ex te la alajinic te ts'usubil cu'un, soc ay ta anahic te bin la apojbeyic te pobre.

Isaías 5:8

¡Ay me swocolic te mach'atic ya slehticlan nahetic yu'unic, soc ya slehticlan q'uinaletic, ha to c'alal ya yich'ic spisil! ¿Atuquelic bal ya x'ayinex ha'ex ta q'uinal?