Miqueas 1:7 - Bible in Tzeltal Bachajón

⁷ Spisil te ch'ultesbil te'etic yu'un ya yich'ic wuyticlanel, ya yich'ic chiq'uel spisil te mahtaniletic yu'un, soc ya jinticlan spisil te loc'ombahetic yu'une, como la stsobticlan ta scuenta stojol j'antsinel antsetic, soc ha nix stojol j'antsinel antsetic ya yich' tuhunel yan buelta.

Bible in Tzeltal de Oxchuc y Tenejapa

⁷ Spisil te yajcanane ya me xwuyic jilel; soc ya me xc'ajq'uic spisil te' sts'apojic ta ch'uunele. Melel pastaj ta puro stojol jmulawil antsetic te ayic ta templo yu'un te lotil diosetic. Ja' nix jich ta stojol jmulawil antsetic ya jc'atp'un ta yan buelta —xi'.

Miqueas 1:7 Referans Kwoze

Deuteronomio 23:18

Ma me xawich' tal ta sna Jehová te Dios awu'un te stojol jtuhl j'antsinel-ants o te stojol winic sjel ta ts'i' ta stojel biluc a te bin achapoje, como schebalic ihlaybilic yu'un Jehová te Dios awu'une.

Oseas 2:12

Ya jlajimbe te ts'usubiletic soc te higuerahetic yu'un, te hich la yalbe sc'oblal: Ha jtojol te la ya'bonic te mach'atic ya smulanon, te xchihe. Ya jc'atp'un ta spimil q'uinal, ya xwe'otic yu'un te ha'mal chambahlametique.

Apocalipsis 18:3

Como spisil te nacionetic yuch'ojic te vino yu'un te yajmule. Te ajwaliletic ta bahlumilal spasojic mulil soc te antse, soc c'uhlejubenic te jchombajeletic ta bahlumilal yu'un te bayel bintic mulambil yu'une, xchi sc'oblal.

Oseas 8:6

Como ha nix yu'un Israel te jcolel toro; pasbil yu'un mach'a ya sna' spasel, ma ha'uc Dios te toro. Ha yu'un ya me yich' wuyel te jcolel toro yu'un Samaria.

Apocalipsis 18:9

Te ajwaliletic ta bahlumilal te la yantsinic soc te pajal ay bin la smulanic soc, ya me smel yo'tanic soc ya me yoq'uetayic te c'alal ya yilic xtomet ta loq'uel sch'ahilel sc'ahc'al te ya yich' chiq'uele.

Joel 3:3

La spasic seña ta na'el ta stojol te pueblo cu'un, la sjelic tut queremetic ta j'antsinel ants, soc la schonic tut ach'ixetic yu'un ya smanic vino a te ya yuch'ique.

Oseas 2:5

Como la yac' sba ta antsinel te snanic, q'uexlaltic sba te mach'a la yalatay. Como hich la yal: ya jt'un bahel te mach'atic ya smulanon, te ya ya'bonic jwe'el soc ha', stsotsel tuminchij soc lino, aceite soc te bin ya cuch', xchi.

Isaías 27:9

Hich ya xpasbot perdón yu'un smul te Jacob, soc ha ini ha spisil te sit yu'un te ya yich' loq'uesel te smule: Ha te spisil te tonetic yu'un te scajtajib ta chiq'uel mahtanil hich ya xc'oht te bin ut'il tonetic yu'un tan te juch'ticlambilic, soc te ma ba teq'uelix ya xhil te loc'ombahetic yu'un Asera o te loc'ombahetic yu'un te c'ahc'ale.

2 Crónicas 31:1

C'alal laj ta pasel ini, spisil te israeletic te tey ayic a bahtic ta pueblohetic yu'un Judá, la swuyic te ch'ultesbil tonetic, la sjinticlanic te loc'ombahetic yu'un Asera, te toyol awilaletic soc te scajtahib ta chiq'uel mahtaniletic ta spisil sq'uinal Judá soc Benjamín, soc nix ta Efraín soc Manasés, ha to c'alal laj spisil. Patil suhtic bahel spisil te israeletic ta pueblohetic yu'unic, jujutuhl ta sq'uinalic.

Deuteronomio 9:21

Patil la jtsac te bin la ata amulic a, ha te jcolel toro la apasic, la jchic' ta c'ahc', la juch' ta lec ha to buen ts'ubiltic c'oht; la jch'oj bahel ta ha' ta uc'um te ya xco tal ta wits.

Levítico 26:30

Ya jlajimbeyex te toyol awilaletic awu'unic, ya jimbeyex te scajtajib ta chiq'uel pom awu'unic soc ya jbusambeyex te chamen-abaq'uetalic ta sba te chamen-sbaq'uetal loc'ombahetic awu'unic; ihlaybil ya xc'ohex ta co'tan.

1 Samuel 5:4

Pero c'alal hahchic ta sab ta yan c'ahc'al pacal ta lum yan buelta te Dagón ta stojol te scaxahul te chapbil-c'op yu'un Jehová, soc te sjol te Dagón soc schebal sc'ab waq'uemic ta smarcohil te puerta; ha xanix wolol hilel smuc'ul te Dagón.

Isaías 2:18

Soc jc'axel ya xch'ay bahel spisil te loc'ombahetique.

Isaías 23:17

C'alal ts'acay lajuneb schanwinic (70) ha'bil, te Jehová ya me sna' xan te Tiro, te ha ya schon sba yan buelta ta antsinel ta stojol spisil te nacionetic ta bahlumilal.

Ezequiel 6:6

Ta bayuc te ya xnahinex, jochol ya xhilic te pueblohetic soc ya yich'ic lajinel te toyol awilaletic awu'unic, scuenta yu'un jimbil soc jochol ya xhilic te scajtajib ta chiq'uel mahtanil awu'unique. Ya yich'ticlan wuyel soc jinel te loc'ombahetic awu'unic, te loc'ombahetic yu'un te c'ahc'al awu'unic ya yich'ic wuyticlanel soc ya yich'ic lajinel te ya'tel ac'abique.

Oseas 2:14

Ha scuentahil te ya jmon talel; ya quic' bahel ta jochol taquin q'uinal soc ya cutsil-c'opon.

Oseas 8:5

Samaria, te jcolel toro awu'un la yac' te q'uejel bahat. Tihlemix quilimba ta stojolic: ¿Bin to ora yac atahic lecubtesel?