Miqueas 1:6 - Bible in Tzeltal Bachajón

⁶ Ha yu'un ya cac' te busul ya xhil ta jinel te Samaria, ha lumq'uinal ta banti ya yich' ts'unel ts'usubiletic. Ya jbusq'uin cohel ta spamlej te tonetic yu'un soc ya cac' te ya xchicnaj te yich'o-ip.

Bible in Tzeltal de Oxchuc y Tenejapa

⁶ Jich yu'un ya yal te Cajwaltique: —Ya jpasbey te lum Samaria, jbus nax ts'ajc' ya xc'ot. Jamal me q'uinal te tey ya yich' ts'unel a te ts'usubiletique. Ya jpucbey bael ta stenlej xatal q'uinal te tonetic yu'un te lume; t'anal ya quijq'uitaybey te yiptajibe.

Miqueas 1:6 Referans Kwoze

Ezequiel 13:14

Hich ya jin cohel te ts'ahc te la abonic ta tan, ya jbusq'uin cohel ta lum, ya xchicnaj yilel te yich'o-ipe. Ya xbusq'uij cohel soc tey ya xlajex a; ya me ana'ic te ho'on Jehovahon.

Miqueas 3:12

Ha yu'un ha'ex ta acuentahic ya yich' tuquel te Sión, ya xc'atp'uj ta busul jinel te Jerusalén, soc te wits yu'un te Templo ya xpotsot ta ha'mal.

Lamentaciones 4:1

¡Bin ut'il ihc'ub te oro! ¡Bin ut'il ch'ay yutsil st'ujbilal te oro! Puhquemic bahel ta xuhc' callehetic te tonetic yu'un te ch'ul awilal.

2 Reyes 19:25

¿Ma bal ayuc awa'iyej te ta namey tal la jcac' c'ohtuc ta pasel? Nameyix chapal cu'un, yo'tic la jcaq'uix c'ohtuc ta pasel: Ha'at yac awac' te busajtic ya xhilic pueblohetic joybilic ta ts'ahc.

San Mateo 24:2

Hich halbotic yu'un te Jesús: ¿Ya bal awilic spisil ini? Jamal ya calbeyex te mayuc cajal ya xhil junuc ton ta sba yan ton, spisil me ya yich' jinticlanel, xchi.

Habacuc 3:13

Loc'at tal ta scoltayel te pueblo awu'un, ta scoltayel te mach'a tsahbil awu'une. La ajimbe te jolal yu'un te sna te mach'a chopol, la achicnajtesbe te yich'o-ip c'alal ta ton.

Amós 5:11

Te bin ut'il yac apehc'ambeyic sc'oblal te pobre soc yac ac'ambeyic spatanil te trigo, ma ba ya xnahinex ta nahetic la apasic ta walubil ton, soc ma ba yac awuch'beyic te vino yu'un te t'ujbil ts'usubiletic la ats'unique.

Oseas 13:16

Te Samaria ya me yich'be smul como la stoy sba ta stojol te Dios yu'une. Ya xlajic ta espada, te alaletic yu'un ya yich'ic majticlanel ta lum, soc ya yich'ic jamticlanel te antsetic te swoloj yalic.

Jeremías 51:37

Busul jimbil na ya xc'oht te Babilonia, ha yawil ha'mal ts'i'etic, ha te bin xiweltic sba soc te labambil, mayuc mach'a ya xnahin tey a.

Jeremías 51:25

Jcontrahinejat, ha'at jinaw witsat, xchi te Jehová, ha'at te la ajin spisil te q'uinale. Ya jach jc'ab ta scontrahinelat, ya jtselat cohel ta tontiquil, soc ya jc'atp'unat ta c'ahq'uem wits.

Jeremías 9:11

Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Isaías 25:12

Ha ya sjin cohel te toyol ts'ahquetic awu'un, ya spehc'an, ya sch'oj cohel ta lum, c'alal ta ts'ubilum.

Isaías 25:2

Como la ac'atp'un ta busambil ton te pueblo, la ajin te pueblo te joybil ta sts'ahc, te muc'ul nahetic yu'un te jyanlumetic ma pueblohuquix, mayuc bin ora ya yich' cha'pasel xan.

2 Samuel 17:13

Soc teme ya xbaht ta ahnel ta jun pueblo, spisil Israel ya me yich'ic bahel lazohetic tey a, ya jnitic bahel c'alal ta uc'um, hich mayuc junuc ton ya xhil tey a, xchi.

Isaías 17:1

Ha te bin halbot sc'oblal te Damasco: Ilawil, te Damasco ma pueblohuc ya xc'oht; ha busul jihnem ts'ahquetic ya xhil.

Jeremías 31:5

Ya me ats'un xan ts'usubiltic ta witsiltic yu'un Samaria; te mach'atic ya xts'umbajic ya me smulambeyic te site.

2 Reyes 18:9

Ta schanebal ha'bil ya'tel ta ajwalil a te Ezequías, te ha shuquebal ha'bil ay ta ajwalil a te Oseas snich'an Ela, ajwalil yu'un Israel, te Salmanasar ajwalil yu'un Asiria tal sjoytay ta guerra te Samaria.

2 Reyes 18:10

Ta yoxebal ha'bil la stsalic. Tsalbil c'oht te Samaria ta swaquebal ha'bil yochel ta ajwalil a te Ezequías, ha te sbalunebal ha'bil yochel ta ajwalil yu'un Israel a te Oseas.

Amós 6:8

Te Jehová yaloj ta jamal ta scuenta stuquel, te Jehová, te Dios te scuentahinej spisil, hich yaloj: Ya quihlay te ya scuy sba ta muc' te Jacob, ya jp'aj te t'ujbil muc'ul nahetic yu'une; ya cac' ta c'abal te muc'ul pueblo soc spisil te bintic ay tey a, xchi.