Miqueas 1:5 - Bible in Tzeltal Bachajón

⁵ Ta spisil ini ha ta scaj stoybahil te Jacob, ta scaj smul te sna Israel. ¿Bin a te stoybahil te Jacob? ¿Ma bal ha'uc te Samaria? ¿Bin a te toyol awilal yu'un Judá? ¿Ma bal ha'uc te Jerusalén?

Bible in Tzeltal de Oxchuc y Tenejapa

⁵ Ta spisil ya xc'ot ta pasel ta scaj stoybail te sts'umbal Jacob, ta scaj smul te israeletic. ¿Banti ay te stoybail te sts'umbal Jacob? ¡Ta lum Samaria! ¿Banti ay te toyol ch'uunjibaletic ta Judá? Ja' ta bay Jerusalén.

Miqueas 1:5 Referans Kwoze

Amós 8:14

Te mach'atic ay bin ya yalic ta jamal ta scuenta te mulil yu'un Samaria, te hich ya yalic: Ta scuenta te Dios awu'un, Dan, xchihic; soc: Ta scuenta te sbehlal Beerseba, te xchihique, ya me xyahlic, mayuquix bin ora ya xhahchiquix.

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Lamentaciones 5:16

Ch'ay cohel ta joltic te corona. ¡Obol jbahcotic como jtahoj jmulcotic!

Jeremías 6:19

A'iya awa'iy, lumq'uinal: Ya quich' tal bin chopol ta stojol te pueblo ini, ha te sit te bin snopojic, como ma ba la ya'iybonic jc'op soc la sp'ajbonic te ley cu'une.

Jeremías 4:18

Ha nix ta scaj te atalel soc te bintic apasoj la yac' c'ohtuc ta pasel ini. Ha awocol ini, mero ch'a, c'ohemix c'alal ta awo'tan, xchi.

Jeremías 2:17

¿Ma bal ha'uc hich pasbotat yu'un te la awihquitay hilel te Jehová te Dios awu'un te c'alal la stojobtesat bahel ta be?

1 Reyes 13:32

Como ya me xc'oht ta pasel te bin la yal ta scuenta smandar te Jehová ta scontrahinel te scajtajib ta chiq'uel pom ta Bet-el soc ta scontrahinel spisil te nahetic ta toyol awilaletic te ayic ta pueblohetic ta Samaria, xchi.

Amós 6:1

¡Obol sbahic te mach'atic mayuc swocolic ta Sión soc te mach'atic jun yo'tan nahinemic ta wits Samaria, te mach'atic ich'bilic ta cuenta soc te príncipaletic ta nacionetic, ha te mach'atic ta sna Israel te ya xbahtic ta stojolic!

Oseas 7:1

Te c'alal yac jpoxtaybel a te Israel, chicnaj smul te Efraín soc schopolil te Samaria, como la ya'iyic lo'loywanej; ya x'och bahel te j'eleq'uetic, soc te jchahp j'eleq'uetic ya ya'iyic elec' ta calle.

Jeremías 5:25

Ta scaj achopolilic te yanijem spisil ini; ta scaj amulic ma ba la atahic bintic lec.

2 Crónicas 34:3

Ta swaxaquebal ha'bil yochel ta ajwalil a, querem to a, hahch ta slehel te Dios yu'un te David te state. Ta slahchayebal (12) ha'bil hahch ta sloq'uesel ta Judá soc ta Jerusalén te toyol awilaletic, te loc'ombahetic yu'un Asera, te bintic yan loc'taylambil, soc te loc'ombahetic pasbilic ta uhltesbil taq'uin.

2 Crónicas 34:4

La yich' jinticlanel ta stojol Josías te scajtajib ta chiq'uel mahtaniletic yu'un te baaletic; la swuyticlan te scajtajib ta chiq'uel pom te ay ta sba; soc la swuyticlan te loc'ombahetic yu'un Asera, te bintic lop'taybil soc te loc'ombahetic pasbilic ta uhltesbil taq'uin; la sjuch' soc la spucbe te stanul ta sba smuquenal te mach'atic la yaq'uic milbil mahtaniletic yu'un.

Isaías 7:9

Te jolal yu'un Efraín, ha te Samaria, te jolal yu'un Samaria, ha te snich'an Remalías. Teme mayuc sch'uhunel awo'tanic, ma ba ya xhilex, xchi.

Amós 7:9

Te toyol awilaletic yu'un Isaac ya me yich'ic jinel, te ch'ul awilaletic yu'un Israel ya me yich'ic jinel, soc ya jach espada ta scontrahinel te sna Jeroboam, xchi.

Miqueas 1:13

Chucahic ta carreta te cawuhetic, ha'ex te nahinemex ta Laquis. Tey hahch a te smul te yantsil-nich'an Sión, como chicnaj ta atojolic te toybahiletic yu'un Israel.

1 Reyes 11:7

Ta wits te ay ta stojol sloq'uib c'ahc'al yu'un Jerusalén te Salomón la spasbe toyol awilal te Quemos te ihlaybil loc'omba yu'un Moab, soc te Moloc te ihlaybil loc'omba yu'un te snich'nab Amón.

1 Reyes 16:24

Ha la smambe te Semer te wits yu'un Samaria, cheb talento plata la stoj. Tey la spas pueblo a, la ya'be sbihil Samaria te ha sbihil te Semer te yajwal te witse.

Jeremías 23:13

Ta yohlil te jalwanejetic ta Samaria la jquil te bintic ma smulan co'tan: la yalic sc'op-jalwanej ta scuenta Baal, hich la showiytesbonic te pueblo Israel cu'une.

Jeremías 23:14

Soc ta yohlil te jalwanejetic ta Jerusalén, quiloj bintic ilobtic sba: ya ya'iyic antsiwej soc ya ya'iyic lot, ya ya'beyic yip yo'tanic te mach'atic chopolic, scuenta yu'un mayuc mach'a ya suhtes yo'tanic yu'un te bin chopol ya spase. Hich c'ohemic ta co'tan te bin ut'il Sodoma, te mach'atic nahinemic tey a hich c'ohemic te bin ut'il Gomorra.

Ezequiel 16:46

Te amuc'ul-wix, ha te Samaria soc te yalatac te nahinemic ta stojol norte awu'un; soc te awihts'in ha te Sodoma soc te yalatac te nahinemic ta stojol sur awu'unic.