Miqueas 1:2 - Bible in Tzeltal Bachajón

² A'iya awa'iyic apisilic, pueblohetic; a'iya awa'iyic lumq'uinal soc spisil mach'atic ayic tey a, te Jehová te Ajwalil ha testigo ta scontrahimbelex, ha te Ajwalil c'alal ta sch'ul templo.

Bible in Tzeltal de Oxchuc y Tenejapa

² Apisilic lumetic, aiya awaiyic stojol; yajwalex spisil te lumq'uinal, aiya me awaiyic: Te Cajwaltic ja' testigo ta scontroinbelex te ja'exe, te ya xc'opoj tel ta ch'ul templo yu'un.

Miqueas 1:2 Referans Kwoze

Isaías 1:2

A'iya awa'iy, ch'ulchan, a'iya awa'iy, bahlumilal; como hich ya yal te Jehová: La jcoltes jnich'nab, la jmuc'ubtes, pero la stoy sbahic ta jtojol.

Salmos 11:4

Te Jehová ay ta ch'ul Templo yu'un; ay ta ch'ulchan te smuc'ul-huctajib Jehová. Ya yil ta lec te ants-winiquetic, ya stsahtay yil ta sit.

Apocalipsis 3:22

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

Apocalipsis 3:13

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Habacuc 2:20

Pero te Jehová ay ta ch'ul Templo yu'un; ¡ch'aban me ta stojol spisil te q'uinale!

Jonás 2:7

C'alal yac ta lajel yip te jcuxlejal la jna' te Jehová; te bin la jcalbat c'oht ta atojol, c'oht c'alal ta ch'ul templo awu'un.

Jeremías 22:29

¡Lumq'uinal, lumq'uinal, lumq'uinal, a'iybeya awa'iy sc'op te Jehová!

Salmos 50:7

A'iya awa'iy, pueblo cu'un, ya xc'opojon; a'iya awa'iy, Israel, ya xc'opojon ta acontra: Ho'on te Dioson awu'un.

Apocalipsis 3:6

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

Apocalipsis 2:29

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

Apocalipsis 2:17

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be swe' te maná nac'bil, soc ya ca'be tut saquil ton te ts'ihbabil tey a te yach'il sbihil te mayuc mach'a ya sna', ha nax ya sna' stuquel te mach'a ya yich'e, xchi.

Apocalipsis 2:11

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ma ba ya ya'iybe sc'uxul te schebal buelta lajel, xchi.

Malaquías 2:14

Pero hich yac ajoc'oyic: ¿Bin yu'un? xchihex. Como te Jehová ha testigo ta atojol soc ta stojol te ants nuhpunat soc te c'alal queremat to a, te ma ba junix awo'tan ta stojol, aunque ha amohlol soc ha achapoj ac'op soque.

Jeremías 29:23

Como chopol bintic la spasic ta Israel: ha la yantsimbeyic yihnam te spat-xuhquic soc la yalic ta scuenta te jbihil bintic ma ba la jcalbe ta mandar. Ho'on jna'oj soc ho'on testigohon, xchi te Jehová.

Jeremías 6:19

A'iya awa'iy, lumq'uinal: Ya quich' tal bin chopol ta stojol te pueblo ini, ha te sit te bin snopojic, como ma ba la ya'iybonic jc'op soc la sp'ajbonic te ley cu'une.

Salmos 50:12

Te ayuc jwi'nal, ma ba ya calbat te ha'ate, como ho'on cu'un te bahlumilal soc spisil bintic ay tey a.

Salmos 50:1

Te Dios yu'un yantic diosetic, te Jehová, ha c'opojix soc la yic'ticlanix tal te mach'atic ayic ta bahlumilal c'alal banti ya xloc' tal c'ahc'al ha to c'alal ta smahlib c'ahc'al.

Salmos 28:2

A'iybon awa'iy caw te c'alal ya jc'ambat coltayel, te c'alal ya jtoy jc'ab ta stojol te ch'ul Templo awu'une.

Salmos 24:1

Ha yu'un Jehová te q'uinal soc spisil bintic ay tey a, te bahlumilal soc spisil mach'atic nahinemic tey a;

Deuteronomio 32:1

A'iya awa'iy, ch'ulchan, ya xc'opojon; a'iya awa'iy, bahlumilal, te bintic ya cal.

Jueces 11:10

Te mamaletic ta Galaad la yalbeyic te Jefté: Ha testigo cu'untic te Jehová te ya jpascotic te bin yac awale, xchihic.

1 Reyes 22:28

La yal te Micaías: Teme lamal q'uinal ya suhtat tal, yu'unix ma ba la sc'oponon a te Jehová, xchi.

2 Crónicas 18:27

La yal te Micaías: Teme lamal q'uinal ya suhtat tal, yu'un nix ma ha'uc c'opoj ta jcuenta a te Jehová, xchi. Soc la yal xan: A'iya me awa'iyic apisilic, xchi.

Isaías 18:3

Ha'ex ta apisilic te ayex ta bahlumilal, ha'ex te nahinemex ta q'uinal, te c'alal ya yich' tohytesel mohel bandera ta wits, ila me awilic; soc te c'alal ya yich' tijel corneta, a'iya me awa'iyi.

Isaías 50:7

Te bin ut'il te Cajwaltic Jehová ya scoltayon, hich ma ba q'uexawon; ha yu'un hich la jcac' jsit quelaw te bin ut'il ton, soc ya jna' te ma ba ya xhilon ta q'uexlal.

Jeremías 42:5

Hich la yalbeyic te Jeremías: Te Jehová ha'uc smelelil soc stojil testigo ta cohlilcotic teme ma ba ya jpascotic te bin ya sticonat ta yalel ta jtojolcotic te Jehová te Dios awu'une.

Proverbios 8:4

Winiquetic, ha'ex ya cawtayex; ya jc'opon te yal-snich'nab ants-winiquetic.

Jonás 2:8

Te mach'atic ya st'unic loc'ombahetic te tojol ayic, ma ha'uquix jun yo'tanic ta atojol.