San Mateo 9:37 - Bible in Tzeltal Bachajón

³⁷ Ha yu'un la yalbe te jnopojeletic yu'un: Melel bayel te sit awal-ts'unubil, pero mayuc tsobol te j'a'teletique.

Nuevo Testamento Tzeltal de Amatenango

³⁷ Jich a yalbe te jnopojeletik yuꞌune: —Bayal me te kꞌajoje. Yan te jkꞌajojetike maꞌyuk bayal.

Bible in Tzeltal de Oxchuc y Tenejapa

³⁷ Jich la yalbey te jnopojeletic yu'une: —Ta mero melel bayal te c'ajoje. Yan te j'at'eletique ma'yuc bayalic.

San Mateo 9:37 Referans Kwoze

San Lucas 10:2

Hich la yalticlambe bahel: Bayel te sit awal-ts'unubil, pero mayuc tsobol te j'a'teletique. Ha yu'un c'ambeyahic te Yajwal awal-ts'unubil te yacuc sticonlan j'a'teletic ta stsobel.

San Marcos 16:15

Hich la yalbe: Bahanic ta swohlol bahlumilal, halbeya ya'iyic spisil ants-winiquetic te lec yach'il c'ope.

1 Corintios 3:9

Como te ho'otcotic joc jbahcotic ta a'tel soc Dios; te ha'exe sts'unubex Dios, ha snahex Dios.

San Mateo 28:19

Ha yu'un bahanic, otsesahic ta jnopojel spisil te nacionetic, ac'ticlambeyahic yich'ic ha' ta scuenta te Tatil, te Nich'anil soc te Ch'ul Espíritu,

2 Corintios 6:1

Ha yu'un te bin ut'il joc jbahcotic ta a'tel soc Dios, ya jtsitsexcotic te manchuc tojoluc ya xc'oht te la awich'iquix c'uxultayel yu'un Dios.

Hechos 16:9

Ta jun ahc'abal te Pablo a'bot yil ta snahalsit te teq'uel jtuhl macedonia-winic te hich halbot wocol yu'un: C'axan tal ta Macedonia, coltayawotcotic, xchi.

San Lucas 24:47

soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

Salmos 68:11

Ay bin la yal te Jehová, tsobol antsetic la spucbeyic ta halel:

1 Timoteo 5:17

Te ancianohetic te lec ya xcuentahinwan, bayel ac'a yich' ich'el ta muc', ha mero hich ya sc'an ta stojol te mach'atic ya ya'telinic yalel sc'op Dios soc p'ijubteswanej,

Colosenses 4:11

Xcoltanuquex laj yu'un te Jesús, te Justo yan sbihile. Ha'ic nax ini te yich'ojic circuncisión te yac scoltaybelonic ta a'tel yu'un te cuentahinel yu'un Dios, soc te smuc'ubtesbeyejonic q'uinal ca'iye.

Hechos 18:10

como ho'on joquinejat, mayuc mach'a ya xhu' ya yuts'inat, yu'un ay to tsobol ants-winiquetic cu'un li' ta pueblo ini, xchi.

San Mateo 9:38

Ha yu'un c'ambeyahic te Yajwal awal-ts'unubil te yacuc sticonlan j'a'teletic ta stsobel, xchi.

San Mateo 20:1

Te cuentahinel yu'un te ch'ulchan hich c'ohem te bin ut'il jtuhl yajwal q'uinal te loc' bahel ta sab ta slehel j'a'teletic yu'un sts'usubil.

Santiago 5:4

A'iya me awa'iyic, yaquic ta aw ta scontrahimbelex te j'a'teletic te la stsobeyex sit te ats'unub awawalic, te ta scuenta lo'loyel ma ba la atojique. Te yawic te mach'atic la stsobic te sit ats'unub awawalic c'ohtix ta stojol te Cajwaltic te scuentahinej spisil.