San Mateo 9:2 - Bible in Tzeltal Bachajón

² Ay tal sq'uechbelic jtuhl winic te chamen schihal yoc sc'ab, metsel ta schahchamte'el. C'alal la yil te Jesús te ay sch'uhunel yo'tanic, hich la yalbe te mach'a chamen schihal yoc sc'ab: Ayuc me smuc'ul awo'tan, jnich'an. Ch'aybilix amul, xchi.

Nuevo Testamento Tzeltal de Amatenango

² Ay jtul winik teꞌa te kꞌolbil xchial yok-skꞌabe xchoyojik tal ta kꞌabal-teꞌ ta stojol te Jesuse. Te kꞌalal la yil Jesus te tutꞌil xchꞌuunej yoꞌtanik te ya xlekuteswane, jich a yalbe te jchamele: —Junuk awoꞌtan, jnichꞌan. Chꞌaybilix te amule —xchi.

Bible in Tzeltal de Oxchuc y Tenejapa

² Ay jtul winic tey a te chamen xchial yoc-sc'ab te la sq'uechic tel ta cajcante' ta stojol te Jesuse. C'alal la yil Jesús te bit'il ay xch'uunjel yo'tanique, jich la yalbey te jchamele: —Jnich'an, ac'a bujts'najuc awo'tan. Pasbilatix perdón yu'un te amule —xi'.

San Mateo 9:2 Referans Kwoze

San Mateo 9:22

Pero la sut sba te Jesús, la yil te ants, hich la yal: Ayuc me smuc'ul awo'tan, cantsil-nich'an, lecubatix ta scuenta sch'uhunel awo'tan, xchi. Lecub ta ora te antse.

Santiago 2:18

Pero ay mach'a ya yal: Te ha'ate ay sch'uhunel awo'tan, te ho'one, ay ca'tel, xchi. A'bon quil te sch'uhunel awo'tan te mayuc ya'telul, te ho'one, ya ca'bat awil ta scuenta ca'tel te sch'uhunel co'tane.

Hechos 19:12

ay chuhquilaletic o paq'uetic te la spicbeyic sbaq'uetal a te Pablo la yich'ic bahel ta stojol te jchameletic, hich lecubic ta chamel soc loc' bohl espírituhetic yu'un.

San Juan 21:5

Joc'obotic yu'un te Jesús: Jnich'nab, ¿ay bal jtebuc we'elil awu'unic? xchi. Mayuc, xchihic.

San Mateo 8:10

C'alal hich la ya'iy te Jesús, bayel yutsil la ya'iy, hich la yalbe te mach'atic t'umbilic yu'un: Jamal ya calbeyex, mayuc jtahoj ta Israel mach'a hich ay sch'uhunel yo'tan te bin ut'il ini.

San Mateo 4:24

Puhc sc'oblal ta spisil sq'uinal Siria; la yiq'uic tal ta stojol spisil mach'atic ay banti c'ux ya ya'iyic soc te yich'ojic bayel ta chahp chamel soc te bayel swocolic, soc te mach'atic ay pucuj ta yo'tanic, te mach'atic ya xtup' yiq'uic, soc mach'atic chamen schihalic; la slecubteslan te Jesús.

Romanos 5:11

Soc ma ha'uc nax ini, ha tse'elix co'tantic ta stojol Dios ta scuenta te Cajwaltic Jesucristo, te ha ta scuenta te junix co'tan jbahtic soque.

Hechos 14:9

La ya'iy te bin yac yalbel te Pablo. Te Pablo la yilbe sit, la yil te ay sch'uhunel yo'tan te ya xlecub,

San Juan 16:33

La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

San Mateo 9:6

Scuenta yu'un hich yac ana'ic a te ha yich'oj ya'tel ta sch'ayel mulil ta bahlumilal te Nich'anil ay ta scuenta winic, hich la yalbe te mach'a chamen schihal yoc sc'ab: Hahchan, q'uecha bahel te achahchamte'el, bahan ta ana, xchi.

San Mateo 8:16

Ta yihc'ubel q'uinal la yiq'uic tal bayel mach'atic ay pucuj ta yo'tanic; ta sc'op nax la sloq'ueslan te pucujetic soc la slecubteslan spisil te jchameletique.

Isaías 44:22

Hich la jmes bahel te ac'axun-c'opic te bin ut'il tocal, te muliletic awu'un hich te bin ut'il sahb ha'. Suhtanic tal ta jtojol, como la jcac'at ta libre, xchi.

San Juan 2:25

ma yu'unuc la sc'an te ay mach'a ya yalbe bin ut'il ay yo'tan te ants-winic, como sna'oj stuquel te bin ay ta yo'tan.

San Marcos 5:34

Te Jesús la yalbe: Cantsil-nich'an, colatix ta scuenta sch'uhunel awo'tan. Bahan, lamaluc me q'uinal yac awa'iy, colematix ta awocol, xchi sc'oblal.

San Marcos 1:32

Mahlix c'ahc'al a, la yic'ticlanic tal spisil te mach'atic ayic ta chamel soc te mach'atic ay pucuj ta yo'tanic.

Eclesiastés 9:7

Bahan, tse'eluc me awo'tan ya xwe'at, soc tse'eluc me awo'tan yac awuch' te vino awu'une, como lequix yo'tan Dios yu'un te awa'tele.

San Mateo 6:12

Pasbotcotic perdón yu'un jmulcotic, hich te bin ut'il ya jpasbecotic perdón te mach'atic ay smulic ta jtojolcotic.

San Mateo 9:5

¿Banti ma ba wocol ta halel yac awa'iyic: Ha bal te ch'aybilix amul, o: Hahchan, behenan, teme xchihe?

San Mateo 14:27

Pero ora c'oponotic yu'un te Jesús: ¡Muc'ubenuc me q'uinal xawa'iyic! Ho'on me, ma me xiwex, xchi sc'oblalic.

San Marcos 6:50

como spisilic la yilic soc xiwic yu'un. Pero ora nax jucotic ta c'op yu'un te Jesús, hich la yal: ¡Ayuc me smuc'ul awo'tanic! Ho'on me, ma me xiwex, xchi.

San Marcos 10:49

Ha yu'un la stehc'an sba te Jesús, la sticon ta iq'uel tal. Hich la yiq'uic tal te ts'o'sit soc hich la yalbeyic: Ayuc smuc'ul awo'tan; hahchan, yac yic'belat te Jesús, xchihic.

Hechos 23:11

Ta ahc'abal te Cajwaltic la stehc'an sba ta stojol te Pablo, hich la yalbe: Ayuc me smuc'ul awo'tan, Pablo. Hich te bin ut'il la awalbon jc'oblal ta Jerusalén, ha nix hich ya sc'an yac awal ta Roma, xchi.