San Mateo 9:15 - Bible in Tzeltal Bachajón

¹⁵ Halbotic yu'un te Jesús: ¿Ya bal smel yo'tanic te mach'atic yacalic ta pas-q'uin scuenta nuhpunel teme sjoquic to te jnuhpunele? Pero ya me sta yorahil te ya xloq'uesbot te jnuhpunel, ha to me ya xhahch scom swe'elic a.

Nuevo Testamento Tzeltal de Amatenango

¹⁵ La yal te Jesuse: —¿Me ya wan spas te ben triste ay te machꞌatik majanlanbil ta nupunele teme sjoyinej to sba sok te machꞌa ya xnujpune? Pero ya me sta yorail te ya xꞌikꞌot lokꞌel ta yolilik te machꞌa nujpunixe. Jaꞌ to me ya xlijk skom sweꞌelik a te jꞌil-nujpuneletike.

Bible in Tzeltal de Oxchuc y Tenejapa

¹⁵ La yal te Jesuse: —¿Ya bal xju' ya smel yo'tan te mach'atic ic'bilic ta il-nujbinel teme sjoinej to sbaic soc a te winic ya xnujbine? Ja'uc me to, ya me sta yorail te ya x'ic'ot loq'uel ta yolilic te winic te nujbinixe. Ja' to me ya xjajch' spasic ayuno abi.

San Mateo 9:15 Referans Kwoze

Apocalipsis 19:9

Soc hich la yalbon te ch'ul a'bat: Ts'ihbaya ini: Bayel me yutsilic te mach'atic ic'bilic ta we'el ta nuhpunel yu'un te Jcolel Tuminchij, xchi. Soc hich la yalbon xan: Ha smelelil c'op yu'un Dios ini, xchi.

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

Apocalipsis 21:2

La jquil te ch'ul pueblo, te yach'il Jerusalén, yac ta cohel tal ta ch'ulchan ta stojol Dios, chahpambil hich te bin ut'il ya sch'ahl sba jtuhl ach'ix ta stojol te mach'a ya xnuhpun soque.

Hechos 14:23

La slehic ancianohetic ta jujun iglesia, la scom swe'elic soc la sc'opombeyic Dios, hich la ya'beyic ta sc'ab te Cajwaltic te ha sch'uhunejiquixe.

1 Corintios 7:5

Ma me talel c'axeluc ma xac'an yac ata abahic, ha nax teme hich achapojic chican jayeb c'ahc'al, yu'un yac awa'telinic sc'oponel Dios. Patil joquina abahic, scuenta yu'un ma ba ya sujex a te Satanás ta scaj te ma xhu' yac acom abahique.

San Juan 16:6

Pero ayex ta mel-o'tan yu'un te hich la jcalbeyex.

Isaías 22:12

Ha yu'un te Jehová te scuentahinej spisil, ta hich ora la yiq'uex yu'un ya x'oq'uex soc yac amel awo'tanic, yu'un yac aloq'uesic stsotsel ajolic soc yac alapic ch'ixal pac'.

2 Corintios 11:27

ay jwocol ta a'tel soc ta luhbel, bayel yahwayel, ay jwocol ta wi'nal soc ta taquinti'il; bayel buelta ma ba weht jwe'el; ay jwocol ta sic, ay jwocol yu'un mayuc jc'u' jpac'.

San Mateo 9:14

Te jnopojeletic yu'un te Juan talic ta stojol, hich la sjoc'obeyic: ¿Bin yu'un te ho'otcotic soc te fariseohetic nopic ya jcom jwe'elcotic, yan te jnopojeletic awu'un, mayuc ya scom swe'el stuquelic? xchihic.

San Mateo 9:16

Mayuc mach'a ya ya'be yach'il spac'anil te poco' c'u'ul, como ya xmuc'ub sch'i'emal yu'un te spac'anile.

San Marcos 2:19

Hich halbotic yu'un te Jesús: ¿Ya bal scom swe'elic te mach'atic yacalic ta pas-q'uin scuenta nuhpunel teme sjoquic to te jnuhpunele? Te c'alal sjoquinejic to te jnuhpunel, ma xhu' ya scom swe'elic.

San Marcos 2:20

Pero ya me sta yorahil te ya xloq'uesbot te jnuhpunel ta stojolic, ha to me ya xhahch scom swe'elic a.

San Lucas 5:34

Te Jesús hich la yalbe ya'iyic: ¿Ya bal xhu' yac awa'be scom swe'el te mach'atic ic'bil ta il-nuhpunel teme joquinejotic yu'un te mach'a ya xnuhpune?

San Lucas 5:35

Pero ya me sta yorahil ya xpojbotic bahel te mach'a nuhpune, ta hich ora ya scom swe'elic, xchi.

San Lucas 17:22

Soc la yalbe te jnopojeletic yu'une: Ya me sta yorahil te awo'tanicuc te yac awilic junuc sc'ahc'alel te Nich'anil ay ta scuenta winic, pero ma ba yac awilic.