San Mateo 8:4 - Bible in Tzeltal Bachajón

⁴ Ha yu'un halbot yu'un te Jesús: Ilawil, ma me ayuc mach'a xawalbe ya'iy. Bahan, ac'a aba ta ilel ta stojol te sacerdote, soc ac'a te mahtanil yaloj Moisés, scuenta testigo ya xc'oht ta stojolic, xchi sc'oblal.

Nuevo Testamento Tzeltal de Amatenango

⁴ Te Jesuse la yalbe te winike: —Ya kalbeyat, ma me machꞌa xꞌawalbe yaꞌi. Jaꞌ nax baan ta stojol te saserdotee. Akꞌa aba ta ilel yuꞌun. Sok ichꞌa bael te smajtan Diose jich te tutꞌil la yal ta mantal te Moisese. Jich me ya snaꞌbeyik sluwar te genteetike te lekubenix te achamele —xyut bael.

Bible in Tzeltal de Oxchuc y Tenejapa

⁴ Jesús la yalbey te winique: —Ya calbat, ma me mach'a xawalbey yaiy. Ja' nax baan, ac'a aba ta ilel ta stojol te sacerdotee. Soc ac'beya smajt'an te Diose, jich te bit'il yaloj mandal te Moisese. Jich me ya sna'ic stojol te bit'il ch'ayemix te achamele —la yut bael.

San Mateo 8:4 Referans Kwoze

San Lucas 17:14

C'alal ilotic yu'un Jesús, hich halbotic yu'un: Bahanic, ac'a abahic ta ilel ta stojol te sacerdotehetique, xchi sc'oblalic. Te c'alal yacalic ta bahel a, ch'ay te sc'a'el-chamelique.

San Lucas 5:14

Te Jesús la spas ta mandar te manchuc ayuc mach'a ya yalbe. Hich la yalbe: Bahan, ac'a aba ta ilel yu'un te sacerdote soc a'beya smahtan Dios yu'un te lecubatix, hich te bin ut'il yaloj mandar te Moisés, scuenta testigo ta stojolic, xchi.

San Marcos 7:36

Pasotic ta mandar yu'un Jesús te manchuc ayuc mach'a ya yalbeyic ya'iy. Pero aunque hich pasotic ta mandar yu'un, c'ax to xan hich la spuquic ta halel a.

San Mateo 9:30

Hich jahm te sitique. Tulan pasotic ta mandar yu'un te Jesús: Ilawilic te manchuc ay mach'a ya sna', xchi.

San Marcos 6:11

Teme ay banti ma sc'an ya yiq'uex soc te ya ya'iybeyex ac'opic, loc'anic bahel tey a, tihtinahic hilel slumil awoquic scuenta testigo-c'op ta stojolic. Jamal ya calbeyex, ta yorahil ich'el ta c'op yu'un mulil, c'ax hich castigo ya yich' a te pueblo te bin ut'il te castigo ya yich' te Sodoma soc Gomorra, xchi.

San Marcos 5:43

Pero te Jesús la spas ta mandar te ma me ayuc mach'a ya sna'. Soc la yal te ac'a ya'beyic swe'el te ach'ixe.

San Mateo 17:9

C'alal cohic talel ta wits, hich halbotic yu'un te Jesús: Ma me ayuc mach'a xawalbeyic te bin chicnaj la awilic, ha to te c'alal ya xcha'cuxaj tal te Nich'anil ay ta scuenta winic, xchi.

San Mateo 10:18

Soc ay ya xtehc'anotex ta stojol gobernadoretic soc ajwaliletic ta jcuenta, scuenta testigo ya xc'ohex cu'un ta stojolic soc ta stojol te jyanlumetique.

San Mateo 6:1

Tsahtaya me abahic bin ut'il yac apasic bintic stojil ta pasel ta stojol ants-winiquetic scuenta yu'un ya yilat. Teme hich yac apasic, mayuc amahtanic ya x'a'botex yu'un te Atatic ay ta ch'ulchan.

San Mateo 5:17

Ma me xacuyic te tal jin te Ley o te bin yalojic te jalwanejetic; ma ba tal jin, ha tal cac' c'ohtuc ta pasel.

Isaías 42:21

Te bin ut'il c'ux ta yo'tan te bin stojil ta pasel, lec la ya'iy te Jehová te ya smuc'ubtesbe sc'oblal te Ley soc te ya stoybe yutsilal.

San Juan 8:50

Ma ba ya jle te yutsil jc'oblal, pero ay mach'a ha ya sle soc ya ya'iy chahpanwanej stuquel.

San Juan 7:18

Te mach'a stuquel-o'tan nax ya xc'opoj, yac ta slehel yutsil sc'oblal, yan te mach'a ya slehbe yutsil sc'oblal te mach'a ticombil tal yu'une, chican te melel bin ya yal soc ma sna' lo'lowanej stuquel.

San Juan 5:41

Ma ba ya quich' ta cuenta te ya yalbon cutsilal ants-winiquetic.

San Lucas 21:13

Ha me yorahil a te yac awalbeyic testigo-c'op.

San Marcos 8:30

Pero pasotic ta mandar yu'un Jesús te ma me ayuc mach'a ya yalbeyic ya'iy.

San Mateo 16:20

Soc la yalbe mandar te jnopojeletic yu'un te ma me ayuc mach'a ya yalbeyic ya'iy te ha te Cristohe.

San Mateo 3:15

La sjac' te Jesús: Hich ac'a c'ohtuc ta ora ini, como hich ya sc'an ya jc'ohtestic ta pasel spisil bin stojil ta pasel, xchi. Hich la sch'uhun te Juan.

San Marcos 13:9

Tsahtaya me abahic; ya me x'ac'otex ta stojol jchahpawanejetic soc yac awich'ic majel ta sinagogahetic; ya xtehc'anotex ta stojol gobernadoretic soc ta stojol ajwaliletic ta ho'on jcuenta, yu'un testigohetic ya xc'ohex cu'un ta stojolic.

Levítico 13:49

teme yax, o tsaj te stotol te ay ta c'u'ul o ta nuhcul, o bin jalbil, o biluc a te pasbil ta nuhcul, ha stotol te ya xlajinwan abi; ya me x'a'bot yil te sacerdote.

San Marcos 3:12

Pero tulan comotic yu'un Jesús te manchuc ya x'ac'ot ta na'el yu'unic.

San Marcos 9:9

C'alal cohic tal ta wits, pasotic ta mandar yu'un Jesús te ma me ayuc mach'a ya yalbeyic te bin la yilic, ha to c'alal cha'cuxajix tal ta yohlil chamen winiquetic a te Nich'anil ay ta scuenta winic.

San Lucas 4:41

Soc ay tsobol pucujetic te loc' ta yo'tanic, hich la yalic ta aw: Ha'at Snich'anat Dios, xchihic. Pero la scomticlan ta c'op, ma ba la yac' te ya xc'opojic como sna'ojic te ha te Cristo.

San Lucas 8:56

Te sme'stat mero xcham yo'tanic yu'un; pero halbotic yu'un te Jesús te ma me ayuc mach'a ya yalbe ya'iy te bin c'ohtix ta pasele.

San Lucas 9:21

Te Jesús la scom te ma me ayuc mach'a hich ya yalbeyic, tulan la spas ta mandar,