San Mateo 8:34 - Bible in Tzeltal Bachajón

³⁴ Hich spisil te pueblo loc' tal stahic te Jesús, c'alal la yilic, la yalbeyic wocol te yacuc xloc' bahel tey ta slumalique.

Nuevo Testamento Tzeltal de Amatenango

³⁴ Jich a lokꞌik tal spisil te jtejklume, talik te ba ay te Jesuse. Te kꞌalal la yilike, la skꞌanbeyik pawor te yauk xlokꞌ bael ta ba slumalike.

Bible in Tzeltal de Oxchuc y Tenejapa

³⁴ Jich loq'uic tel spisil te yajwal lume, talic ta banti ay te Jesuse. Te c'alal la yilique, la yalbeyic wocol te yacuc xloc' bael ta sq'uinalique.

San Mateo 8:34 Referans Kwoze

Hechos 16:39

Hich talic, la yalbeyic wocol soc la sloq'uesic tal ta cárcel, la yalbeyic bayel wocol te yacuc xloq'uic bahel ta pueblo.

San Lucas 5:8

C'alal hich la yil te Simón Pedro, la squejan sba ta stojol Jesús, hich la yal: Ihquitayawon, Cajwal, yu'un jmulawilon, xchi.

Job 21:14

Hich ya yalbeyic te Diose: ¡Ihquitayawotcotic, ma jc'ancotic snopel te mandariletic awu'une!

Job 22:17

Hich la yalbeyic te Diose: ¡Ihquitayawotcotic! ¿Bin ya xhu' ya spasbotic te Mach'a spisil ya xhu' yu'un? xchihic.

1 Reyes 17:18

Te ants hich la yalbe te Elías: ¿Bin awochelon a, winicat yu'un Dios? ¿Tal bal awa'bon jna' te muliletic cu'un soc te yac awac' chamuc te cale? xchi.

San Lucas 8:28

C'alal la yil te Jesús, tulan awon, c'oht squejan sba ta ye'tal yoc te Jesús, hahch ta aw: ¿Bin awochelon a, Jesús, Snich'anat te Dios te mero toyol ay? Awocoluc, ma me xawuts'inon, xchi.

San Mateo 8:29

Hich la yawtayic te Jesús: ¿Bin awochelotcotic a, Jesús Snich'anat Dios? ¿Tal bal awac'otcotic ta wocol te ma to ba stahoj yorahil? xchihic ta aw.

1 Reyes 18:17

C'alal la yil te Elías, hich la yalbe: ¿Ha'at bal te yac awa'bebel swocol te Israel? la yut.

1 Samuel 16:4

Hich la spas te Samuel te bin ut'il halbot yu'un Jehová. C'alal c'oht ta Belén, te mamaletic yu'un te pueblo loq'uic tal ta stahel soc xiwel, hich la yalic: ¿Scuenta bal lamal-o'tanil te talate? xchihic.

Deuteronomio 5:25

Ha yu'un, ¿bin yu'un ya xlajotic? como te muc'ul c'ahc' ini ya me slajinotic. Teme ya ca'iybetic xan sc'op te Jehová te Dios cu'untic ya me xchamotic yu'un.

Amós 7:12

Te Amasías hich la yalbe te Amós: Ha'at j'il-q'uinalat, loc'an bahel, ahnan bahel ta sq'uinal Judá, we'an tey a te pan awu'une, hala sc'op-jalwanej tey a;