San Mateo 8:3 - Bible in Tzeltal Bachajón

³ Te Jesús la shach sc'ab, la ya'be ta stojol, hich la yal: Yacuc, ya jlecubtesat, xchi. Ora ch'ay te sc'a'elchamel.

Nuevo Testamento Tzeltal de Amatenango

³ Jich te Jesuse la skajanbe skꞌab ta sjol sok la yalbe: —Jichuk. Ya xkolat ta chamel —xchi. Te kꞌalal la yal jich te Jesuse, lekub ta ora te stiꞌbalule.

Bible in Tzeltal de Oxchuc y Tenejapa

³ Jich te Jesús, la scajanbey sc'ab ta sjol, soc la yalbey: —Jichuc, ya xcolat ta chamel —xi'. Te c'alal jich la yal te Jesuse, ch'ay c'axel te sc'a'el-chamele.

San Mateo 8:3 Referans Kwoze

San Lucas 5:13

Hich te Jesús la yac' tal sc'ab, la spic, hich la yalbe: Ya jc'an, lecubtesbilatix ya xc'ohat, xchi. Ora ch'ay te sc'a'elchamele.

Salmos 33:9

como ha c'opoj, hich pastaj; la yal mandar, hich chicnaj.

2 Reyes 5:14

Ha yu'un co bahel te Naamán, la smul sba huqueb buelta ta muc'ul-ha' Jordán, hich te bin ut'il yaloj te winic yu'un Dios. Lecub te sbaq'uetal, hich c'oht te bin ut'il sbaq'uetal alal, mero lec hilel.

San Marcos 1:41

Te Jesús la sna'be yo'bolil sba, la shach sc'ab, la spic soc hich la yalbe: Ya jc'an, ac'a lecubucat, xchi.

San Juan 5:21

Como hich te bin ut'il te Tatil ya scuxajtes te mach'atic chamenic soc ya yac'ticlambe scuxlejalic, ha nix hich te Nich'anil ya ya'be scuxlejal te mach'a ya sc'an ya ya'be.

San Marcos 4:39

Hich hahch te Jesús, la scom te ic' soc la yalbe te mar: Ch'aban, lahmajan, la yut. Ch'ab te iq'ue, buen lamal q'uinal c'oht.

2 Reyes 5:11

Te Naamán ilin bahel, hich la yal: La jcal te yacuc xloc' tal stahon, ya stehc'an sba, ya sc'opon ta scuenta sbihil te Jehová te Dios yu'un, soc ya shach sc'ab, ya sc'ases ta banti ay te chamel, hich ya xlecubon ta c'a'el-chamel.

Génesis 1:3

La yal te Diose: Ac'a sacubuc q'uinal, xchi. Hich sacub q'uinal.

San Juan 11:43

C'alal laj yalbel a te Jesús, tulan c'opoj: ¡Lázaro, loc'an talel! xchi.

San Lucas 7:14

Hich nohpoj bahel, la stsacbe scaxahul te mach'a chamen, la stehc'an sbahic te mach'atic yic'ojic bahel, hich la yal: Querem, ya calbat, hahchan, xchi.

San Marcos 9:25

C'alal Jesús la yil te stenten sbahic ta talel te ants-winiquetic, la yut te bohl espíritu, hich la yal: Uma' soc cohc espíritu, ya jpasat ta mandar, loc'an ta yo'tan, ma me x'ochatix tey a, la yut.

San Marcos 7:34

Patil la shach mohel sit ta ch'ulchan, la sjac' yo'tan, hich la yalbe: ¡Efata! xchi. (Jahman, xchi c'ohem).

San Marcos 5:41

La snit hahchel ta sc'ab, hich la yalbe: Talita cumi, xchi. (Tut ach'ix, ya calbat, hahchan, xchi c'ohem.)

San Juan 15:24

Te manchuc la jpas jchahp a'teliletic te mayuc mach'a yan hich spasoj, mayuc smulic te hichuque; pero yilojiquix, soc la sp'ajonic soc te Jtate.

Éxodo 4:7

La yal te Jehová: Cha'otsesa xan ac'ab ta yutil ac'u', xchi. Hich la scha'otses xan sc'ab ta yutil sc'u'; c'alal la sloq'ues, lequix ay a, hich te bin ut'il spisil te sbaq'uetale.

San Mateo 12:13

Ha yu'un hich la yalbe te winique: Xach'a ac'ab, xchi. Hich la xach' sc'ab, lecub, hich c'oht te bin ut'il te yan sc'abe.

San Lucas 4:27

Soc ay tsobol jc'a'el-chameletic ta Israel c'alal cuxul a te jalwanej Eliseo, pero mayuc mach'a lecubtesot yu'un, ha nax te Naamán te talem ta Siria, xchi.