San Mateo 8:28 - Bible in Tzeltal Bachajón

²⁸ C'alal loc' ta jehch ti'mar ta sq'uinal te gadarenohetic, tal ta tahel yu'un cheb winiquetic te ay pucuj ta yo'tanic te loq'uic tal ta banti muquenaletic, bayel ya x'uts'inwanic, mayuc mach'a ya xhu' ya xc'axic tey ta be.

Nuevo Testamento Tzeltal de Amatenango

²⁸ Te Jesuse lokꞌ kꞌoel te ba jejch mar te ba slumik te gadaraetike. Tal taek yuꞌun cheb winketik te lijkik tal ta kampusanoe. Te xchebalik ay pukuj ta yoꞌtanike. Lom bayal spuersaik. Maꞌyuk machꞌa ya xjuꞌ yuꞌun te ya xkꞌaxik te ba bee.

Bible in Tzeltal de Oxchuc y Tenejapa

²⁸ Te Jesús c'ot ta loq'uel ta bay jejch' sti'il mar ta bay sq'uinalic te gadaraetic. Tey tal ta tael yu'un cheb winiquetic te loq'uic tel ta bay te muquenal-ch'enetique. Ta xchebalic ay pucujetic ta yo'tanic. Lom toyol sc'ajc'alic. Ma'yuc mach'a ya xju' yu'un ya xbeen c'axel tey a ta bay te bee.

San Mateo 8:28 Referans Kwoze

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

San Mateo 4:24

Puhc sc'oblal ta spisil sq'uinal Siria; la yiq'uic tal ta stojol spisil mach'atic ay banti c'ux ya ya'iyic soc te yich'ojic bayel ta chahp chamel soc te bayel swocolic, soc te mach'atic ay pucuj ta yo'tanic, te mach'atic ya xtup' yiq'uic, soc mach'atic chamen schihalic; la slecubteslan te Jesús.

Jueces 5:6

Ta yorahil te Samgar snich'an Anat, ta yorahil te Jael, jochol hilic te behetic, como te jbeheletic behenic ta chuhcul behetic.

Génesis 15:21

amorreo, cananeo, gergeseo soc te jebuseohetique, xchi.

Génesis 10:16

soc te jebuseo, amorreo, gergeseo,

Deuteronomio 7:1

Te c'alal la yic'atix ochel a te Jehová te Dios awu'un ta q'uinal te yac awu'untay, soc te c'alal la stenticlan loq'uel ta atojol tsobol nacionetic, ha te heteo, gergeseo, amorreo, cananeo, ferezeo, heveo soc te jebuseo, huqueb nacionetic te c'ax bayelic soc c'ax hich yipic a te bin ut'il ha'ate,

San Mateo 8:27

Xcham yo'tanic yu'un te winiquetic, hich la yalic: ¿Mach'a winiquil ini, te ch'uhumbil smandar yu'un ic' soc mar? xchihic.