San Mateo 7:6 - Bible in Tzeltal Bachajón

⁶ Ma me xawa'beyic yixtalan ts'i'etic te bin ch'ultesbil, soc ma me xach'ojic bahel perlahetic ta stojol chitametic, scuenta yu'un ma ba ya sts'o'ic ta teq'uel soc te ya suhtic tal sbutsticlanex hilel.

Nuevo Testamento Tzeltal de Amatenango

⁶ “Ma me xꞌawaꞌbe yixlan genteetik te tutik ben tsaꞌam yuꞌun te Diose. Porke ay me pajal yoꞌtanik tut tsꞌiꞌetik te ya xeꞌtalan ta weꞌel te tut ya xꞌaꞌbote sok ya xjuꞌ somex ta tiꞌel euk. Jich te tutik yuꞌun te Diose pajal sok perlaetik te ben tsaꞌam ta ilele. Jaꞌ yuꞌun maꞌyuk machꞌa ya yakꞌ ta ixtalanel ta tekꞌulanel yuꞌun chitametik te perlaetike.

Bible in Tzeltal de Oxchuc y Tenejapa

⁶ “Te bila ch'ultesbile, ma me xawac'bey te ts'i'etique. Patil ya me sujt'ic tel, ya me stujt'anex ta ti'el uuc. Ma me xawac'bey yixlan perlaetic te chitametique. Patil ya me spech'anic ta teq'uel.

San Mateo 7:6 Referans Kwoze

Proverbios 23:9

Ma me xc'opojat ta schiquin te mach'a ma sna' q'uinal, como ya me sp'ajbe sp'ijil te c'opetic awu'une.

Proverbios 26:11

Hich te bin ut'il ts'i' te ya suht tal ta slo'el xe, hich ya scha'pas te sonsohil te mach'a ma sna' q'uinale.

Filipenses 3:2

Tsahtaya me abahic yu'un te ts'i'etic, tsahtaya me abahic yu'un te chopol j'a'teletic, tsahtaya me abahic yu'un te mach'atic ya yehchentesic baq'uet.

San Mateo 15:26

La sjac' te Jesús: Ma lecuc te ya yich' pojbeyel te pan yu'un te al-nich'aniletic yu'un ha ya yich' a'beyel swe'ic te bic'tal ts'i'etique xchi.

Hebreos 10:29

¿Ma bal c'axemuc to xan hich castigo ya yich' a te mach'a ya sts'o'ts'o'tec' te Snich'an Dios, soc te chopol sc'oblal ya ya'iy te sch'ich'el te chapbil-c'op te yich'oj ch'ultesel a, soc te ya scontrac'optay te Espíritu yu'un yutsil-o'tanil?

2 Pedro 2:22

Hich c'oht ta stojolic te bin ya yal te tsahbil c'op ini: Te ts'i'e ya xcha'suht xan ta banti ay te xe, soc te me'chitam te pocbil ya scha'bal xan sba ta ahch'al, xchi.

San Mateo 24:10

Ta hich ora ay tsobol mach'atic ya xchebaj yo'tanic, talel c'axel me ya yac' sbahic ta c'abal soc talel c'axel me ya yihlay sbahic.

Proverbios 11:22

Hich te bin ut'il ch'ocowil pasbil ta oro ta sni' chitam, hich ay te t'ujbil ants te ma sna' q'uinal.

Hebreos 6:6

teme ya xcha'yahlic, ma xhu'ix ta suhtesbeyel yo'tanic, como ha'ic nix la scha'aq'uic xan ta lajel ta cruz te Snich'an Dios soc la yaq'uic xan ta labanel ta comonsitil.

2 Corintios 11:26

bayel buelta behenemon; c'ax jwocol ta muc'ul-ha'etic, c'ax jwocol yu'un j'eleq'uetic, c'ax jwocol yu'un jlumal, c'ax jwocol yu'un jyanlumetic, c'ax jwocol ta pueblo, ta jochol taquin q'uinal, ta mar, c'ax jwocol yu'un mach'atic sp'isoj sbahic ta quermanotic;

Proverbios 26:4

Te mach'a ma sna' q'uinal ma hichuc xasutbe sc'op te bin ut'il ay te sonsohile, scuenta yu'un ma pajaluc ya xc'ohat soc.

San Mateo 7:5

¡Jchebal-o'tanat! Ha nahil xaloq'ues te ts'amte' ay ta asit, hich ya xhu' yac awil ta lec te yac aloq'uesbe te c'a'pal ay ta sit te awermano.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.