San Mateo 7:2 - Bible in Tzeltal Bachajón

² como te bin ut'il yac awilbeyic ya'tel yan, hich nix ya x'ilot te awa'telic, soc te bin yilel yac ap'isbeyic, ha ni me hich yac awich'ic p'isbeyel.

Nuevo Testamento Tzeltal de Amatenango

² Jich te tutꞌil ya atabeyik ta alel yaꞌtel te yane, jaꞌ me jich ya stabeyex ta alel awaꞌtelik euk. Te jich yipal ya atabeyik ta alel yaꞌtel te yane, jich me yipal ya stabeyex ta alel awaꞌtelik euk te Diose.

Bible in Tzeltal de Oxchuc y Tenejapa

² Melel te jich yipal ya alebey smul te yane, ja' nix jich yipal ya x'albotat amul uuc. Te bi yilel sp'isol ya awac'bey te yane, jich nix yilel sp'isol ya x'ac'botat uuc.

San Mateo 7:2 Referans Kwoze

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

San Marcos 4:24

Soc la yalbeyic: Tsahtaya me abahic yu'un te bin yac awa'iyic, como te bin yilel yac ap'is, ha nix hich yac awich' p'isbeyel, soc c'ax hich ya x'a'botat a,

San Lucas 6:38

A'beyahic, hich me ya x'a'botex: lec sp'isojbil, tembil, yuq'uilambil soc buen t'ocol yac awich'ic. Como te hich smuc'ul yac ap'is, hich nix yac awich' p'isbeyel, xchi.

Abdías 1:15

Como nopolix te sc'ahc'alel yu'un Jehová ta stojol spisil te nacionetique. Hich te bin ut'il la apas, hich nix ya spasbotat; ha nix ya suht ta atojol te bintic la apase.

Apocalipsis 18:6

Sutbeyahic spacol hich te bin ut'il spasbeyej yantic; cheb buelta a'beya stoj te bintic spasoje. Tey nix ta copa banti la schahpan ta uch'el, chahpanahic cheb buelta te bin ya yuch'e.

2 Corintios 9:6

Na'ahic ini: Te mach'a jteb nax bin ya sts'un, jteb nax bin ya stsob, soc te mach'a bayel bin ya sts'un, bayel bin ya stsob.

Jueces 1:7

Hich la yal te Adoni-bezec: Lajuneb schanwinic (70) ta tuhl ajwaliletic te loq'uemic sme' sc'abic soc sme' yoquic la stamticlanic xeht'elul we'elil ta ye'tal te mesa cu'un. Hich te bin ut'il la jpas, hich nix la ya'bon jtoj te Diose, xchi. La yiq'uic bahel ta Jerusalén, tey cham a.

Jeremías 51:24

Yac awil ta asitic te ya ca'be stoj te Babilonia soc spisil mach'atic nahinemic ta Caldea spisil bintic chopol la spasic ta Sión, xchi te Jehová.

1 Samuel 15:33

Pero la yal te Samuel: Hich te bin ut'il te espada awu'un la yac' te mayuc yalatac a hil te antsetic, ha nix hich mayuc yal ya xhil te anan ta yohlil te antsetique, xchi. Hich te Samuel la sesen te Agag ta stojol Jehová ta Gilgal.

Salmos 109:17

Bayel la smulan yalel chopol c'oblalil; ¡ac'a c'ohtuc ta stojol te chopol c'oblalile! Ma ba la sc'an bendición, ¡namal ac'a hiluc ta stojol!

Isaías 33:1

¡Ay me awocol, ha'at te ya xjinawanat, te mayuc bin ora la awich' jinele; te yac awac' ta c'abal, aunque mayuc mach'a la yac'at ta c'abal! C'alal ya xlaj awo'tan ta jinaw, ya me awich' jinel; c'alal ya xlaj awo'tan ta ac'aw ta c'abal, ya me x'ac'otat ta c'abal.

Jeremías 34:17

Ha yu'un hich yaloj te Jehová: Ma ba la ach'uhumbonic jc'op, ma ba la awaq'uic ta libre te alumalic, te amohloltaque. Ha yu'un ya cac'at ta libre, xchi te Jehová, ha te libre ya xlajat ta espada, ta jmilawal-chamel soc ta wi'nal. Ya cac' te xiweltic sba ya xc'ohex ta stojol spisil te nacionetic ta bahlumilal.

San Mateo 6:14

Como teme yac apasbeyic perdón te mach'atic ay smulic ta atojolic, ha nix hich ya spasbeyex perdón te Atatic ay ta ch'ulchan.

Éxodo 21:24

teme ta sit, ta sit nix; teme ta sbaquel ye, ta sbaquel ye nix; teme ta sc'ab, ta sc'ab nix; teme ta yoc, ta yoc nix;

Jueces 5:27

Yahl cohel ta ye'tal yoc, tey metsel hilel; yahl cohel ta ye'tal yoc; te banti yahl cohel, tey nix laj a.

2 Samuel 21:5

Hich la sjac'beyic te ajwalil: Te winic te ya c'an slajinotcotic soc te la snop te jc'axel mayuc mach'a ya xhil cu'uncotic ta spisil sq'uinal Israel,