San Mateo 7:14 - Bible in Tzeltal Bachajón

¹⁴ Pero tut te puerta soc tut te be ya xbaht ta cuxlejal, mayuc tsobol mach'atic ya x'ochic tey a.

Nuevo Testamento Tzeltal de Amatenango

¹⁴ Pero te puerta yuꞌun kuxuyinele yub nax te stiꞌile y wokol te sbelele. Ajtabil nax te machꞌatik ya xꞌochik teꞌae.

Bible in Tzeltal de Oxchuc y Tenejapa

¹⁴ Yan te sbelal cuxinele, tsail nax te sti'il yochibale soc biq'uit nax sjamlejal bael te sbelale. Ajtaybil nax te mach'atic ya staic c'oele.

San Mateo 7:14 Referans Kwoze

San Mateo 22:14

Como tsobol te mach'atic ic'bilic, pero mayuc tsobol te tsahbilique, xchi te Jesús.

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

Isaías 35:8

Soc ay me muc'ul be tey a, ha Ch'ul Be ya xc'oht te sbihile. Ma ba ya xc'ax jtuhluc tey a te bohloben sc'oblal, ha nax te mach'atic st'unojic te behe, ma ba ya xbehenic tey a te mach'atic ma sna'ic q'uinal.

San Marcos 8:34

Te Jesús la yic' tal te ants-winiquetic soc te jnopojeletic yu'une, hich la yalbe ya'iyic: Teme ay mach'a ya sc'an ya st'unon, ac'a sloq'ues sba ta yo'tan, ac'a scuch te cruz yu'un soc ac'a st'unon.

Hechos 14:22

La smuc'ubtesbe q'uinal ya'iyic te jnopojeletic, la ya'beyic yip yo'tan te manchuc ya xch'ay sch'uhunel yo'tanic, hich la yalbeyic: Hich ya sc'an te ta scuenta bayel jwocoltic ya x'ochotic ta cuentahinel yu'un Dios, xchihic.

Proverbios 8:20

Ya xbehenon ta toj be, ta sbehlal te bin toj ta pasel,

Isaías 30:21

Teme ya xbahat ta wa'el o ta q'uexam, ya me awa'iy c'op ta apat te hich ya yalbat: Ha te be ini, t'una me, xchi.

San Juan 16:33

La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

San Mateo 20:16

Ha yu'un ha slajibal ya xc'ohtic te mach'atic nahil talic, soc ha nahil ya xc'ohtic te mach'atic patil talique. Como tsobol mach'atic ic'bilic, pero mayuc tsobol te tsahbilique, xchi te Jesús.

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

San Lucas 12:32

Ma me xiwex, tut jtsohb tuminchijex, como te Atatic lec ya ya'iy te ya ya'beyex te cuentahinel yu'une.

Isaías 57:14

Soc hich ya yich' halel: ¡Pasa, pasa, chahpana te behe! Loq'uesahic te bintic ya xmacawan ta be yu'un te pueblo cu'une, xchi.

Romanos 9:32

¿Bin yu'un? Como ma ba la st'unic ta scuenta sch'uhunel-o'tanil, la st'unic ta scuenta spasel te bin ya yal te Ley; ha scuentahil te la sc'ohchinic te ton scuenta c'ohchinojibal,

San Juan 16:2

Ya me stenex loq'uel ta sinagogahetic; soc ya me sta yorahil te ya scuyic te yac spasbelic ya'tel Dios te mach'atic ya smilex.

Salmos 16:11

Yac awa'bon quil te sbehlal cuxlejal; ay bayel tse'el-o'tanil ta atojol, ta awa'el ay bintic mulantic sba sbahtel q'uinal. Te bin la yal David ta sc'oponel Dios.

San Mateo 7:13

Ochanic bahel ta tut puerta; como muc' te puerta soc jamal te be te ya xbaht ta ch'ayel, soc tsobol mach'atic ya x'ochic tey a.

San Mateo 7:15

Tsahtaya me abahic ta stojol te lotil jalwanejetic te sc'u'inejic snuhculel tuminchijetic, pero ta yutil ha ti'awal chojetic.